تغيير المعهد، إلى اقليم جديد، لازم قبول مشروط ؟ ولا يمديني أمشي وضعي؟

السلام عليكم

يا جماعة استلمت قبول في معهد جديد في ولاية غير ولايتي الحالية

رفعت طلب تغيير المعهد للملحقية قالت لي المشرفة ما تغير الا بقبول مشروط، والقبول المشروط يآخذ 8 اسابيع في ظل أن الدراسة في المعهد الجديد تبدأ بعد أربعه أسابيع..

تقول لأنك بتغير من اقليم إلى اقليم

وش الحل ياجماعه ؟ انا رايح للملحقية على أمل اني اقنعهم يغيرون لي من دون القبول المشروط

أحد قد صار له من قبل كذا ؟

أخي الكريم يمكنك الذهاب إلى الملحقية شخصيا لحل هذه الإشكالية , ولكني شخصيا لا أحبذ ذلك لأن موضوعك فيه نظام واضح. الطالب الذي يريد تغيير معهد اللغة إلى معهد آخر خارج الإقليم لابد من وجود قبول مشروط. ولكن هل أنت متأكد من أن القبول المشروط في الجامعة التي تريدها يستغرق 8 أسابيع ؟ هذه مدة طويلة. لو ذكرت لنا اسم الجامعة قد يستطيع أحدهم افادتك بخصوصها.

اول شيء مشكور على الرد اخوي :)

جامعة ديلاوير، كلمتهم امس وقالوا القبول راح يستغرق من 6 إلى 8 اسابيع.. والدراسة في معهد الجامعه تبدأ بعد 4 أسابيع..

القوانين وضعت لأجل مصلحة الطالب، ولكن ماذا لو كانت في حاله خاصه لا تفيد الطالب بل تضرّه..؟

بكرة ان شاء الله راح اكون في الملحقية، وسمعت من بعض التجارب انك ممكن تمشي وضعك لو حاولت معهم..

اتمنى ما اكون خسرت نفسي على الفاضي بس...

شوف اخوي ،، هو النظام صارم شوي

لكن انا حولت من معهد في اقليم الى اقليم ثاني بس طبعا رحت بنفسي الملحقيه وكلمت المدير الاقليمي ،،، طبعا لأنها اول مره اغير لكن اتوقع اذا بغير المعهد مره ثانيه راح يقولولي مافي نقل لو تنط السما الا بقبول مشروط( بس مجرد توقع مو اكيد،، انا دائما اسمعهم يقولو اول مره الملحقيه تمشيها لك بدون قبول مشروط ثاني مره يستعقدون لك)

عموما انت روح الملحقيه وادخل على المدير الاقليمي وخليك واثق من نفسك وخذ معاك ما يثبت انك بالفعل راح يجيك القبول المشروط ، مثلا ايميل ارسلوه لك الجامعة انو تم استلام طلبك للقبول المشروط وجاري العمل عليه،، وخذ معاك صوره من قبول المعهد الجديد ،،، وبإذن الله بيمشي وضعك

بس نصيحه قبل لا تروح الملحقيه وتضرب مشوار على الفاضي سوي هذه الاشياء اللي قلت لك عليها يعني سوي (طلب استفسار) على النظام واشرح فيه حالتك وارفق مثلا الايميل اللي ارسلوه لك بأنو راح يجيك القبول المشروط بعد فتره ،،،، وارسل بالايميل حالتك مع المرفقات للمدير الاكاديمي ونسخه للمشرف

بالتوفيق

وبإذن الله بتمشي امورك ،،،

اخوي رائد خلاص وصلنا مافي تراجع إلى الامام إلى الامام مشرف مشرف مكتب مكتب خخخخخخخ

على الله بس يمشون وضعي وبعدين هذي اول مرة اغير المعهد..

مشكور ماقصرت يالغالي :)

وش هذي العقد ... يااخي انت ماستر ولا بكالوريوس..والله شكلي باروح فيها....

^^ أنا بكالوريوس

الحمدلله خلصت أموري في أقل من ساعتين..

دخلت على مديرة الإقليم الشمالي الشرقي الدكتورة نورة الفايز وقالت "مشكلة أنت لك ستة أشهر ومامعك قبول جامعة، لازم قبول مشروط مانقدر ننقلك (قلت لها المشروط يآخذ شهرين والمعهد بعد شهر)، خلاص روح لمدير الإقليم الجنوبي الشرقي( الي فيه الولاية الجديدة) الدكتور علي الفريحي واذا وافق ماعندي مانع، وخله يكتب لك لا مانع من نقله "

رحت للدكتور علي وحتى ما سألني عن القبول المشروط على طول قال شاف القبول وقال عطني رقمك الطلابي وشاف ملفي قال " خذ هذي ورقة وقع تعهد انك ماتغير المعهد مرة ثانية "
وقعت تعهد وكتب لا مانع ورجعت الورقة للمشرفة حقتي ورفعت طلب وبدال القبول المشروط ارفقت ورقة التعهد مكتوب عليها لا مانع من نقله :P

اتوقع اكثر ماساعدني ان معهدي معروف انه سيء وجميع الطلاب السعوديين طلعوا منه مؤخراً :)

وإن شاء الله تتيسر في الولاية الجديدة :)

على فكرة في طريقي لواشنطن مريت على ديلاوير ولاية حلوه :D

بالتوفيق للجميع :)

مبرووووووووك الف مبروووووووك .... وجزاك الله الف الف خير ع ردك لي .....الله يوفقك ويسهل امورك

الله يبارك فيك :)

بالتوفيق للجميع :)

مبرووووووووووووووووووووووووووووووووووووك الف مبروووووووووووووووك