بنااااااااااات امانه عليكم شوروا علي تعبت وتعبت نفسيتي من حكاية المحرم هذي الله يعين

السلام عليكم بناتنا الحلوات الله يوفقكم ويسهلكم الدراسه والمستقبل وترجعوا باعلى الشهادات يارواد المستقبل
بنات انا بهم مايعلمه الا الله والسبب ابوي الله يخليه ويسخره لي
ياجماعه ابوي انسان سللللللللللللللللللللللللللللللللللللللللللللللللل لبي لابعد حد..سلبي جدا ماله اي دور بحياتنا لا انا ولا اخواني
دراستنا طموحنا اكلنا وشربنا كله على الوالده الله يخليها
وانا يابنات ماعندي الا هو واخوي اول متوسط واخوي يدرس بالجامعه طب
المهم يابنات على هذا الوضع انا الي قايمه باهلي وبيتنا اروح واجي واسافر واخلص شؤونا
وهكذا تعودت بحياتي علما باني متفوقه جدا وطموحه
المهم انا قدمت على السابعه وكل شي تمام بس ياجماعه ابوي رااافض رفضا تاما يروح معي يشوف امريكا شي بعييييييييييييييد زي المريخ (تعرفون شيبانا)وانه مستحيل يروح
ومصررررررررررررررررررررر على الموضوع هو مايهمه انا اروح ادرس ولا اقعد عاطله مايهمه يعني هو مو رافض الموضوع بس رافض انه يروح معي
قلتله بس كم يوم وترجع السعوديه قال لا حتى ولو
والله يابنات حتى التدقيق اني سرقت جوازه بالخفيه لانه رفض يعطيني جوازه:(
والله يابنات كل يوم انا وامي واخوي الله يسعده نحاول نقنعه مافي امل
كان ودي اخوي يروح معي بس صعبه هو طب هنا وخلص سنين وانا بسافر اكيد في الدراسه يعني صعب يروح معي
واخوي الثاني صغير
ايش الحل يابنات..........عادي الملحقيه لو اروح افتح ملف بدون محرمي؟ من جرب؟
وفي شي في بالي الي هو خالي ...طبيب في امريكا يدرس هناك ياخذ زماله او شي كذا..انا فكرت فيه بس انه مررررررررررره مالنا علاقه فيه وعلاقتنا سطحيه ومررررته يعني صراحه مو ذيك الاخلاق ولا تحبنا يعني صصصصصصصصصصصصصصصصعبه اروح معه بس فكرت اني اخذ اسمه كمحرم؟ وخايفه يرفض ويقول ما اتحمل المسؤوليه
وش الحل يابنات؟عااااااااااااااااادي اسافر بدون محرمي ولا لا؟ وايش ممكن يسوون لي؟من جربت بالله تقولي تجربتها

اختي اول شي السلام عليكم ورحمة الله وبركاته
ثانيا الله يوفقك وان شاءالله راح يوفقك بما ان الموضوع اللي تحاول تمشي فيه هو خير انا اختي ارسلتها قبلي وفتحت الملف ولا كان في اي مشاكل وتراهم مايدققون بما ان البنت وصلت واذا قدرتي تجيين وسئلوكي قوليلهم ان مرافقي لسه ماخلص فيزته واني جيت قبله عشان الترم راح يبدء هذا اذا كان والدكي موافق انك تروحين لوحدك ومن قلبي ادعي ان الله يهدي ابوكي ويجي معكي

ونسيت شي لو خالك وافق انه ينحط محرم تراه من مصلحته اولا لانه راح ينزله مكافاة مرافق هذا اذا كان النظام يسمح ان الخال يكون مرافق

الله يسهل امرنا وامرك والله يكتب لك اللي فيه الخير , استخيري الله وشاوري من تثقين ولعل الله يفتح عليك .

تزوجي وسافري مع زوجك

وعليكم السلام ورحمة الله وبركاااته

يآ حيااتي ,, والله بناات ككككثثييييرررررر مثلك ... والمحرم موضوع ليس له نهايه

متفرع جدااااااا ,, فيه بناات مايلاقون محرم مثل وضعك ,, خير شر مافي أحد ,, وفيه بنات يلاقون صحيح لكن يا إما يكون المحرم شهر شهرين ثلاثه خلاص ماعاد يبي

أو فجأه يبي يتزوج وخلاص هوُن بيرجع للسعوديه ويكمل نص دينه على قولته ^_^ ,, والأمثله كثيره

لكن لما رحتي التدقيق وأخذتي جواز أبوك بالخفيه ,,, طيب شلون سجلتي أسم أبوك ومعلوماته كمحرم ,, وهو رافض يروح ؟ مرره صصصعبه شلون سويتيهاا >> خوافه موت ^_^

وغير كذاا ,, صحيح أخوك صعب جدا بعد ماقطع مششوار في الدراسه أنه بيفصل ويروح معك ,, مثل حالتي أخواني كلهم ماايقدرون

وبعدد صعبه ,, أنه يكون خالك هو محرمك بما أن العلاقه معه سطحيه ,,

لكن أنتي ماعندك إلا هالثلاث حلول هي المتاحه ,, فلو نظرنا لها كلها بتمعن ,, نجد أن الحل الأخير هو الأكثر مناسبه ^_^

يعني كلهم مر لكن الأخير أخف مراره

أبوك بما أنه رافض فكرة السفر معك من اساسه حتى لو أقنعتوه حالياا ,, الدراسه يبغالها واحد نفسه طويل شوي ,, مو يوم يومين ,, الدراسه سنين ,, فلو صبر شووي مآراح يصبر للأخر

فبترجعين وسينطبق عليك المثل القائل ( تيتي تيتي مثل مارحتي جيتي ) ^_^

وأخوك من عدم الإنصاف والعدل أنه يترك دراسه آللي قطع فيها مشوار كبير ويروح معك ويبدأ من الصفر

فما فيه إلا خالك حتى لو كآنت علاقته معكم سطحيه ,, لكن بما أنه موجود في أمريكاا فهو الأنسب ,, وإذا على زوجته وكذاا ,, تحملي

كلها سنتين وتمرر بإذن الله وترجعين لبيت أهلك وترتاحين ,,

هذي وجهة نظري ,, خالك هو الأنسب في ظل هذه الظروف المحيطه

مو بس تأخذين أسمه ,, لاااا ,, تكلمينه شخصياا وتقولين للوالده تكلمه ,, وفعلا روحي عنده ومعه ,, مو لحالك ومجرد أسمه لا أكثر

أما بالنسبه ,, أنه عادي تروحين لأمريكا وتفتحين ملف بدون محرم وهل هذا مسموح أو لا ,, أقولك للأسف ماعندي أي أدنى معلومه بهالخصوص ولا كآن ودي أفيدك

والله يووفقك يااااااااارب ويفرررج هممممممك ويجعل لك من كل ضضيق مخرجااا

وربي إني حاسسسه فيك وبقووووووووه لكن ربك يفرجهاا

موفقه ياغاليه

طيب مآعندكـ عم فآضي؟؟ أو خآل ثآني..أي أحد من قرآيبكـ

خلّي أبوكـ يسوّيله وكآله..يوصلكـ ويرجع..

ايوه زي ماقالت الاخت فوق ...عم لك أو خال ويعطيه الوالد وكاله ويطلع معك,,,,أنا لي وحده اعرفها طلع عمها معاها...

والله يابنات المصيبه ماعندي الا خالي هذا...ماعندي غيرهم...واصلا اخوي مستحيل يترك دراسته عشاني لا هو يرضي ولا انا ارضاها عليه
وخالي حااااااااااااااااااسه انه اذا قلناله بيررررررررررررررررفض اكيد بيرفض مابيوافق تخيلوا سنننننننننننننييييييييييييييييين اصلا ماقد شفته ولا اعرفه...ياررررررررررررررررررررررربي بس

لو اخوك اللي بالطب يجي معاك بس يفتح ملف ويرجع للسعودية حتى لو بس 3 ايام .. يجي معاك مثلا يوم الثلاثاء ويرجع الخميس ... او يجي معاك في وقت اجازته ... لعله انسب حل