أخوي أنا كنت استغرب من هالحكاية واستحقر الشخص الي يسويها ومازلت
قبل فترة تعرفت على شخص توه واصل من ولاية أخرى وعرضت عليه مساعدتي في بعض الأمور وفعلا بديت أساعده وتبادلنا الأرقام
لكن شوي شوي اكتشفت أن الرجل بدأ يعتمد علي تماما في كل شي .. على الرغم من أنه يتحدث الإنجليزية بطلاقة وماعنده مانع لغوي يخليه يحتاج أحد .. لكن الوضع تحول إلى إتكالية تامة لدرجة إنه طلبني أساعده أحل واجباته معه رغم إني ماأدرس معه أصلاً!
أنا لا أقول إنه فيه سبب في الدنيا كلها يخليك تتجاهل "إخوك" في غربته .. لكن برضه أطالب من الجدد إنه يعتمد على نفسه شوي
ترى الغرض من الابتعاث مو بس الدراسة .. لأنه حتى على المستوى الشخصي المفروض تتعلم الاعتماد على النفس والإستقلالية والعمل والتنظيم وتقدير الوقت .. إلخ
لأنه حتى هنا في مبتعث يجي الواحد ويسجل ويكتب موضوع كامل يقول فيه ( أنا رايح ابتعاث يالله بسرعة علموني كيف اطلع فيزا واجيب قبول واحجز تذاكر ) ... وليته بعد يعقب على الناس ويقولهم ( شكراً )
طيب ياطويل العمر قبل ماتسأل أحد حاول تبحث بنفسك شوي لأنه أحيانا ينكتب السؤال فوق موضوع فيه نفس السؤال بالضبط
هذا على مستوى النت ..
أما بالنسبة للحياة الحقيقية فالي يتجاهل أو يمثل على واحد ثاني هذا إنسان أقل مايقال عنه إنه "وضيع" لأن بعض الناس مع الأسف يتضايق إذا شاف سعودي آخر في جامعته ويحس إن هذا جاي يزاحمه من سواد قلبه !!
مافيه عذر بالدنيا يخليك تتجاهل مساعدة أحد فما بالك بالتضايق منه أو عدم السلام عليه
عموماً الله يعين الجميع
مشكور إخوي على الموضوع