طـارق الـشـيـخ وصـدمـة قـويـة !!

السلام عليكم ورحمة الله وبركاته
انا حاب اطرح تجربتي علشان الواحد يتفادي المشكله’’’’انا ياخوان راسلت جامعه من ضمن الجامعات الموصي بها في الموقع وجبت قبول للتخصص الي ابيه والملحقيه اعطتني ضمان مالي وقرار ابتعاث وضموني للبعثه علي هالتخصص وبعد مابدات الدراسه باسبوعين وانا اكرف فيها واشتريت كتب كسرت ظهري من ثقلها بمايقارب اكثر من 500 دولار , جتني لقافه اني اسال طارق الشيخ عن هالتخصص فقالي انه موقف وغير معتمد,, قلتله انا عندي ضمان مالي وقرار ابتعاث بهالتخصص قالي هذا الي عندي,,كلمة مشرف الكبير تبع الصيدله وقالي انه الخطا مو مننا الخطا من الي فتح لك ملف ووافق عليه,,,,والان راح ارجع ادرس اللغه مره ثانيه واجيب قبول في تخصص فارما دي للسنه الجايه,,,هذا لعله خير صح انه شي يرفع الضغط بس كويس انها بس اسبوعين مو اربع سنوات وبعدها يقولوا شهادتك مش معترف فيها,,,,فنصيحتي للكل اسال عن التخصص والجامعه قبل لا تخطي اي خطوه,,,,,,,طارق الشيخ
وشكرا

لاجديد ..... قطاعتانا الحكومية تصر على التخلف

والله يلوم اللي يلومك

والله من جد قمة التخلف منهم

موقع وزارة رسمي... الملحقيه ما تدري عنه !!

وش بيضرهم بس لو يحدثون قائمة الجامعات يوميا!!

شف كم طالب مبتعث وكم طالب على حسابه..وش يعرفهم بـ طارق الشيخ

على قولة اخوي مبتعث انا ما اعرف الا mohe.gov.sa

والباقي على الله سبحانه

اللي طالب ايميل طارق الشيخ .. هذا ايميله teltayeb@

انا اردى منك انا جبت القبول وبعثتي بتخلص ورفضوا الجامعه بحجة ان التخصص مو معتمد

مع اني نفسك مطلعته من موقع الملحقيه

الله يعين
بس الافضل تعال ادرس لغه ودور لك قبول جامعه بمكان ثاني

الأخ الفاضـل::.
بديهيــاً مـوقع وزارة التعليـم العالـي يعتمـد القـائـمه المحدثـه للجامعـات من الملحقيــه :.
والتحديـث في مـوقع وزارة التعليـم العالـي لا يتـم بشكـل مستمـر..بل يتأخـر..
في أمان الله..

مشكور يا خوي على المعلومة والله انك نبهتنا وما كان عندنا خبر بس السؤال وين التنسيق بين الملحقية والوزارة على هذي الحال الطلاب يطيحون بين الرجلين.

هنـاك تنسيـق ولكـن التحديـث لا يـدخل مـوقع الوزارهـ ألا متأخـراً..
ولذلك عنـد معرفـة الجامعه اذا معتـرف فيهـا:: قيل مراسلـة الجامعـه يفضـل التـواصل مع الملحقيـه لمعرفة ماإذا كانت مغلقه لتكـدس الطـلاب أم لا..

وهنا المشكلة يا اخي الكريم

والناس ما تعرف الا موقع الوزارة الرسمي

نفس الحاله اللي حصلت معي ومع اغلب الشباب
والله مو شي جديد ، اصلا من يوم ما قريت طارق الشيخ عرفت الموضوع
يبغالنا نسوي موضوع ونثبتو هنا
(يا شباب لا تعتمدو علا موقع الوزاره او الملحقيه بل اعتمدو علا طارق الشيخ )

اتفق معك بخصوص تثبيت موضوع
ماله داعي الواحد ينصدم وهو مخلص اموره كلها