1 مرفق
طـارق الـشـيـخ وصـدمـة قـويـة !!
.
السلام عليكم ورحمة الله وبركاتة
انا يا اخوان ناوي ان شاءلله اني ادرس على حسابي بعدين احول على البعثه
وطبعا من قوة الحماس بديت ابحث عن الجامعات والمعاهد ومابقى احد ما سألته
وطبعا المرجع الاول لمعرفة اذا كانت الجامعه معتمده او لا .. هو موقع وزراة التعلم العالي
وطبعا دخلت على موقع الوزراة وبحثت عن الجامعات بولاية فلوريدا في مدينة Lakeland
واثبت لي الموقع بأن الجامعه معتمده لدى الوزارة وايضا حاطين التخصصات المعتمده لديهم
http://im12.gulfup.com/2011-09-26/1317073138491.jpg
ومن هنا بدأ مشواري مع مراسلة الجامعة وبعد حوالي ثلاث اسابيع ... تم قبولي في الجامعة قبول مشروط
والجامعة ارسلت لي الاوراق والاي توني وكل شي .. بعدها اخذت موعد من السفارة وموعدي الاسبوع الجاي
قبل يومين شفت موضوع لاحد الاعضاء بانك لازم تراسل الاستاذ طارق الشيخ عشان يعطيك الخبر الاكيد
بخصوص الجامعة اذا معتمده او لا ... وقلت لنفسي وش اللي يمنع اني اسأله .. وكنت واثق انه بيأكدلي
على اعتماد الجامعة عندهم .. لان موقع الوزراة معتمدها وما اتوقع يحتاج تأكيد على موقع الوزارة
اخوكم في الله .. ارسل رسالة للاستاذ طارق الشيخ قبل يومين تقريبا... وسألته عن الجامعه والتخصص
جاني الرد وكان مثل الصدمه ... يقول ...
Florida Southern College is NOT recommended
طيب وش ذنبي انا اذا كنت داخل على قسم "الجامعات الموصى بها" في موقع الوزراة
المفروض انهم يلغون القسم هذا ويوجهون الطلاب على موقع الملحقيه دايركت
انا قلت يمكن انه قالي هالكلام لان الجامعه غاليه شوي .. او عشانها خاصة
الحين مدري .. يمديني حتى لو طلعت الفيزا .. اني اغير الجامعة قبل لا اسافر؟!!
المشكلة اني كاتب في نموذج الـ D160 الجامعه اللي بدرس فيها وبياناتها
هل لو طلعت الفيزا وغيرت الجامعه قبل لا اروح ... يكون فيها مشاكل ؟
تكفون دلوني يالوجيه الطيبه : )
وبالنسبه للعالم اللي تدور قبول هاليومين .. نصيحه ماشيه مليووون
ارسل رسالة لـ طارق الشيخ على ايميل Gmail ويرد عليك بسرعه
ولا تكثرون الكلام والفلسفه .. بس اسم الجامعه والتخصص ويرد عليك
ولا احد يعتمد بعد الله على موقع الوزراة ابدااا
تحياتي لكم
رد: طـارق الـشـيـخ وصـدمـة قـويـة !!
مساء الخير والأنوار
كل شي الله كاتبه والله يهون عليك
بس تبي الصراحه مفروض ماتسال ولا شي انت بينك وبينهم الموقع وبس
أنا ادرس الحين على حسابي الخاص نفسك بحثت عن الجامعه بموقع الوزاره
ولما وصلت امريكا أعبي نموذج الطلب مالقيت جامعتي من ضمن الخيارات
أرفقت موقع الوزاره من ضمن المرفقات
ومشت أموري وتمت الموافقه
أنا من رأيي مدام عندك I 20 كمل أخذ الفيزا وسهل اذا جبت i20 جديد بس ترسل للسفارة اميل وانتهينا
هذا في حالة ان الجامعه فعلا نفس ماقالك طارق
اما في حالة ماراح تكمل وتاخذ موعد جديد سالفه وحوووسه وأنصحك وأنصحك لاتلغي الموعد كمل عاااادي جداً
ترى الموضوع سهالات الي يكبر الموضوع ترى ماعند ه سالفه
كمل كمل كمل وماعليك انت للحين وضعك بالسليم
الله يوفقك ويسهل دربك
وبالنسبة للاختيار الجامعات يااااااااااكثثثثثثر الجاااااامعات بامررررريكااااااا
رد: طـارق الـشـيـخ وصـدمـة قـويـة !!
نسيت أقولك شي مهم
لاتجيب العيد بالمقابله وتقولهم أنا بغير الجامعه
لان على طوووووول بيقولك جيب i20 وخذ موعد ثاني الله لايهينك
كمل على انك بتروووح للجامعه نفسها
وبعدها تاخذ i20 وتعطيهم عذر وانتهى
سوري بس شي مهم
رد: طـارق الـشـيـخ وصـدمـة قـويـة !!
تعال أمريكا، و أفتح ملف و أدرس اللغة، و أثناء دراستك للغة أبحث عن قبول جامعي أخر من جامعة موصاً بها و عند إلحاقك بالبعثة وبعد الإنتهاء من اللغة أدرس في الجامعة الجديدة
رد: طـارق الـشـيـخ وصـدمـة قـويـة !!
رد: طـارق الـشـيـخ وصـدمـة قـويـة !!
يعطيك الف عافيه اخوي مبتعث وان شاءلله هذا اللي ناوي اسويه
مدام ان الجامعه موجودة في موقع الوزارة ان شاءلله وضعي في السليم
انت تقول انك ارفقت موقع الوزراة ... قصدك اني اصور صفحة الموقع باسم الجامعة؟!
وبالنسبه لتغير الجامعه بعد ما اوصل هناك .. هل لازم ارسل ايميل للسفارة بتغير الجامعه؟
الله ينور دربك ويوفقك ان شاءلله ...
رد: طـارق الـشـيـخ وصـدمـة قـويـة !!
اقتباس:
المشاركة الأصلية كتبت بواسطة majid86
يعطيك الف عافيه اخوي مبتعث وان شاءلله هذا اللي ناوي اسويه
مدام ان الجامعه موجودة في موقع الوزارة ان شاءلله وضعي في السليم
انت تقول انك ارفقت موقع الوزراة ... قصدك اني اصور صفحة الموقع باسم الجامعة؟!
وبالنسبه لتغير الجامعه بعد ما اوصل هناك .. هل لازم ارسل ايميل للسفارة بتغير الجامعه؟
الله ينور دربك ويوفقك ان شاءلله ...
ويأك انشالله
اي يالغالي صورة الصفحه وارفقتها
وبعد ماتعبي كل الطلب اخر شي في مربع "ملاحظات" انت اكتب فيه ان جامعتي كذا وارفقت صوره بذلك من موقع الوزاره لتاكيد
في حالة انك بتغير الجامعه وانت بأمريكا يكون كل شي تسويه مع الملحقيه والسفارة
موقع وزاره هذا يالغالي مااتوقع يكون فيه خطا استحاااااله
الله يسهل دربك
رد: طـارق الـشـيـخ وصـدمـة قـويـة !!
الحين انا قررت على جامعة اوهايو بعد ما شيكت ع الجامعات الموصى بها بموقع الوزاره
بس كيف اراسل طارق الشيخ
ياليت تعطيني ايميله او اي وسيلة اتصال
الله يوفقك و يسهل امورك
بصراحه الوضع ملخبط نصدق الموقع ولا طارق الشيخ !!!
رد: طـارق الـشـيـخ وصـدمـة قـويـة !!
جــــزاك الله خيــــر على التنبيـــــه الذي للأســــف أغلــــب الطلبـــــة يقعــــون فيــه والله يشافي الاخ طـــارق ويعطيــه الصحة والعافيــــة
http://www.mbt3th.us/vb/forum14/thread187365.html
رد: طـارق الـشـيـخ وصـدمـة قـويـة !!
ياجماعة الخير أنا طارق مااعرفه ولا اعرف اساسا وشو مسماه الوظيفي
أنا اعرف هذا mohe.gov.sa
gov: معناته حكومي
يعني معقولة في شي خطا بموقع الوزاره ومثل هالاشياء ياجماعة تعلن بالجرايد
ماتذكرون بشهر 11/2009 توقفت جامعات واكتبوها بالجرايد
الموضوع اكبر من اميل ارسله واعرف الجامعه معترف فيها ولا لا
تحياتي