بالنسبه شباب للغياب الكثير عن الكلاسات يعرض الطالب للترحيل أو السجن

أنا أصلآ مخبر الملحقيه بشأن إنهاء البعثه ولكن المشرف يتمسخر يقول إحنا ما ننهي البعثه لأي أحد ما فيه إنهاء بعثه من عندنا إلا بعد ما يستلم الشهاده قلت يا سلام

كم فيه طالب أنهى مدة دراسة الغه و رجع تلعثم ما عرف يحكي

قال سوي طلبات وسويتها و رفعتها على بوابة الطلاب المبتعثين الي هي students portal

ولي مدة ما صار شيء قال سوي طلب ثاني سويته وإلى الوقت الحالي ما حصل شيء

شباب انا حضور ما أبغى أحضر

لأن أصلآ أنا مقدم على طلب أنهاء بعثه بس الملحقيه ماهي مستجوبه ولذالك خلينا نكمل هالأسبوع ونرحل مع الجوازات أصرف وأسرع قبل لا يجي رد من الملحقيه

بعدين من وقاحة المعهد وإداراته يقول ما راح ترحل إلا أذا أقمت علاقه مع بنات

قلت هذا الأمر أصبح لدي مستحيل لو أضل هنا عمري كله ولا يسمح لي بالعوده للسعوديه ما أقمت هالعلاقه

لأن رضا الله مقدم على رضا كل أحد
وإقامة العلاقه أصلآ هي تقصر العمر

ثانيآ هي ثواني يتلذذ بها الشخص تصبح عليه وبال وحسره دوم عمره فما بالك إذا وقف بين يدي الله فما سيقول

الله ما شرع العمله هذي للعب وإنما هو مشرع للتناسل و التكاثر

وحسبي الله و كفى وسمع الله لمن دعى ليس وراء الله مرمى

والله أكبر على الضالمين

علمآ أن الملحقيه مستجوبه لكلام المعهد ولخزعبلاته

والله يجعل كيدهم في نحورهم

ولعل التشكيل الوزاري الجديد يشملهم إن شاء الله وزارة الخارجيه بما فيها الملحقيات الثقافيه

انا اول مره اشوف واحد مثلك

حول من المعاهد تعاقب المعهد بنفسك ؟؟؟؟ انك تترحل وتنلغي بعثتك عشان معهد استهبل عليك

كبر عقلك وسو تحويل من المعهد

وبس

جعلهم يسوون الي بيسوون أنا بغوا يراسلوان الكونقرس والبيت الأبيض

أنا أبي ترحيل ويلغون I-20 وأقرب طياره ويا سلام أقرب محل مثلوثه وصك أمها مثلوثه مع ربع تيس مع لبن العتش

وبعدها على أقرب شيشه ولع بلوت وشطرنج يا ويليه وعل ى هالموال

احس انك تقول كلام وكلام تنسى تقوله على العموم اخوي

اذا حسيت ان وضعك ماهو تمام والمعهد يتبلى عليك اقرب طياره وعلى السعوديه

لا يحطونك في تهمه انت في غنى عنها .

بس هل الترحيل بيكون على حساب الملحقيه ويتم تسليمي لهم ولا كيف الطريقه

وهل بيكون على حسابي قص التذاكر ولا كيف طريقتها

بس أعتقد ما دامهم هم جوازات يعني الموضوع بسيط يتصلون بالسفاره والسفاره بدورها تنسق مع الملحقيه ولا يطول الامر إذا جاء من الأيمرقريشن


عسى الله يسهل الأمور ويعجل بهم

يا رجال أنا طفشت من الملحقيه

راسلتهم ولا حياة لمن تنادي

بعدين المعهد ما عنده سوى حلين أما طرد ولا ترحيل أول شيء يجي الطرد بعدين يجيء الترحيل

أخوي ما فيني نوم الليله سهاري

يالجهني ايش الكلام الي نسيته يبوي ممكن تذكرني


جل من لا يسهوا سبحانه

وين سهاري يبو الشباب توها الساعه 10

بعدين انت قاعد تهاوش ومعصب نفسك على ايش ياخي مافي شي يسوى

المعهد اطلع منه وانحلت المشكله

تبي تروح السعوديه وش تحرا ؟!

على قوله المصارية (مش واسعه دي شوية ) بالسعودي الطريقة القديمة (ابو الارانب) وش ذا معهد ولا .......

انت مضعوط نفسيا وكلامك صاعد نازل بسبب التوتر الي انت متعرض له
انصحك تسوي الغاء طلب بموقع الملحقيه
وتروح بكرا المعهد
القرارات في لحظات الغضب من اغبى القرارات الي ممكن تندم عليها طول عمرك
الين ماتهدى اعصابك وتتخذ قرارك برويه
بالتوفيق