-
UC Berkely
السلام عليكم إخواني
كيف الحال ان شاء الله بخير
أنا عضو جديد في المنتدى و بصراحة سجلت فيه لان مررة ما شاء الله عجبني نظام الطلاب المبتعثين و أسلوبهم
مررة حبيت انهم يساعدون و كذا
بصراحة أنا الحين بثالث ثانوي و ان شاء الله ميولي في الجامعة علوم سياسية و مررة ودي ادخله ان شاء الله
و دورت في النت لقيت جامعة بيركلي مررة ممتازة و بطلة
فا ودي استفسر اكثر عنها :
هل هي جامعة معترف بها
و هي أهلية ولا حكومية بالنسبة لهم
و العلوم السياسية كم سنة دراسة مع كل شي
و كم رسومها في السنة و كمان مجموع السنوات
و كيف نظام المنطقة من كل النواحي
و كمان معهد اللغة كيف نظامه
و لو سمحتوا يمكن اكون نسيت شي بس بلييز فيدوني بأصغر التفاصيل الله يسعدكم
هذا اول موضوع لي و كذا طولت فا الله يعينكم على بثارتي بس لو سمحتوا انتظر ردكم و مساعدتكم
يعطيكم العافية
-
رد: UC Berkely
وعليكم السلام ورحمة الله،
جامعة كاليفورنيا بيركلي جامعة حكومية وطبعا معترفة. تعتبر من أقوى 5 جامعات على مستوى العالم. أصعب شي انه الواحد يحصل فيها قبول (التنافس عليها قوي جدا من كل أنحاء العالم). اذا حصلتي فيها قبول (قصدي الجامعة) ادرسي فيها بدون أي تردد.
بالتوفيق،
-
رد: UC Berkely
يعطيك العافية اخوي فيصل و ما قصرت
بس الحين قبولهم ممكن يتوقف على ايش ؟؟!
اللهم أميين و ياك يا رب
-
رد: UC Berkely
الله يعافيكِ،
اجمالا متطلبات القبول للبكالوريوس:
1) الجامعة تعادل شهادات الثانوية (عندهم مقياس معين) وبعد المعادلة لازم معدلك في الثانوية مايقل عن 85%.
2) الجامعة تطلب درجات أولى وثانية ثانوي عشان يشوفون أداء الطالب في الفترة هذه ايضا.
3) التوفل : يطلبون 80 على الأقل للقبول في البكالوريوس.
4) ال SAT : يطلبون 580 على الأقل في كل قسم.
5) خطاب طلب قبول يشرح فيه الطالب انجازاته ومهاراته (القيادية مثلا) والجوائز التي حصل عليها الخ. طبعا محتوى الخطاب وطريقة صياغته مهمة جدا. اذا ما اقتنعوا بالخطاب مابيقبلونك.
6) ماعندهم قبول مشروط.
روابط خاصة بمتطلبات القبول:
http://students.berkeley.edu/admissi...?id=55&navid=N
http://students.berkeley.edu/files/A...4.Freshmen.pdf
بالتوفيق،
-
رد: UC Berkely
صدق صدق يعطيك العافية و ما قصرت
-
رد: UC Berkely
اتمنى لك التوفيق والاخ ما قصر
-
رد: UC Berkely
طيب إخواني بالنسبة للمعلومات الاخرى ممكن تفيدوني اكثر لو سمحتوا
اخوي فيصل صدق ما قصرت
و اخوي فيصل الثاني وياك يا رب
-
رد: UC Berkely
العلوم السياسية أربع سنوات. التكاليف الكلية للجامعة شاملة السكن والأكل وكل شي بحدود 51 ألف دولار في السنة. التفاصيل على الرابط تحت:
UC Berkeley Financial Aid and Scholarships Office » Cost of Attendance
المعهد ماعندي عنه فكرة بس أدري انه فيه طلاب سعوديين وممكن يفيدونك أكثر في ملتقى الولايات الغربية.
بالتوفيق،