ادارة الهجرة الامريكية ارسلت لي رسالة
السلام عليكم
انا دفعت رسوم السيفس بالسعوديه وانا قبول الجامعة جايني على كندا لاني كنت في كندا..المهم..
زبطت الفيزا ودفعت الرسوم بالسعوديه وجيت امريكا وصارلي شهر تقريبا بامريكا..قبل اسبوع جاني ايميل من كندا من العائلة الي انا كنت عندهم يقولون انه رسالة جتهم من ادراة الهجرة الامريكية حقي انا
ومكتوب بالرساله ان مبلغ السيفس الي دفعته رجع بشكل غير قانوني (عن طريق الاحتيال) لحامل البطاقة الائتمانية اللي دفعت فيها السيفس..(البطاقه حقت الوالد طبعا ومادري وشلون رجع المبلغ وانا الي دافعه من البطاقه) ومكتوب بالرساله ان قدامي حتى تاريخ 30 سبتمبر لاعادة دفع مبلغ السيفس ولازم الرساله تكون معاي حتى ادفع واذا مادفعت راح اواجه مشكله من ناحية جلوسي في امريكا..قلت للعائلة يرسلون الرسالة لعنواني بامريكا وارسلوها وللحين ماوصلت وشكلها ماراح توصل وباقي على المهلة يومين فقط..وش الحل ياجماعة ووش ممكن اسوي هالموضوع ارقني كثير ولابيدي شي اسويه الحل برأيكم .. وهل بيرحلوني :(
رد: ادارة الهجرة الامريكية ارسلت لي رسالة
لاسف ماعندي خبرره
الله يسهلك ويفتحها بووجهك
رد: ادارة الهجرة الامريكية ارسلت لي رسالة
يا اخوي ارسل لمكتب السيفس او كمهم افضل وقولهم عن قصتك احتمال تكون نصب الكتروني
وممكن تكون جد ..
في هذا الحال ارجع ادفع والله يعين...يمكن الوالد طلب استرداد وهو ماهو ذاكر المبلغ ...
رد: ادارة الهجرة الامريكية ارسلت لي رسالة
وعليكم السلام،
غالبا حصل سوء تفاهم والبنك الغى عملية الدفع لأن بطاقة الائتمان باسم أبوك وفكروا البطاقة مسروقة.
اذا ال 30 يوم انتهت وانت مادفعت الرسوم احتمال كبير يلغون ال I-20 ويقولون لك مع السلامة.
طالما انه مابقى لك الا يومين ، أتوقع أفضل شي انك تروح على أقرب مكتب ادارة هجرة (USCIS Field Office) وتشرح لهم السالفة وتدفع الرسوم.
هذا الرابط تقدر تلقى فيه أقرب مكتب هجرة ، وأفضل لك انك تاخذ موعد (Infopass) بكرة. لاتنسى تاخذ معك كل الوثائق المطلوبة ، وبعد ماتدفع الرسوم لاتنسى تاخذ منهم ايصال أو ورقة تثبت انك دفعت الرسوم.
https://egov.uscis.gov/crisgwi/go?ac...office_type=LO
رد: ادارة الهجرة الامريكية ارسلت لي رسالة
أتوقع أسرع حل إنك تدفع مره ثانية و إذا ودك تستفسر عن الموضوع هذا ايميل مكتب السفس fmjfee.sevis@dhs.gov
رد: ادارة الهجرة الامريكية ارسلت لي رسالة
ياليتني اقدر افيدك بشيء !!
لكن ما اقول الله يسهل امورك ويفرج همك ويوفقك ..
رد: ادارة الهجرة الامريكية ارسلت لي رسالة
ماعندي اي معلومات
اتمني انها تتسهل لك امورك يارب
رد: ادارة الهجرة الامريكية ارسلت لي رسالة
آآآآآآآآآآآآآآآآآآآآآآآآآآنـــــــــــــــــــــــ ـــحــــــــــــــــــــش يــــــــــــــــــاولــــــــــــــــــــــــــــ د انـــــــــــــــــــــحش ...
عندي وانا ابو هــندي ^_^ ..
صارت مع واحد ايام كنت بالمعهد ..
روح لموظف الامقريشن اللي بالمعهد وهو يكلمهم ويشرح لهم الوضع ويخليك تعطيهم رقم صرافتك ويسحبون المبلغ وصل الله على محمد ....
رد: ادارة الهجرة الامريكية ارسلت لي رسالة
انا انصحك تدفع بعدين تطالب او تشوف المبلغ الاول وين راح لانك لو راح تستفسر وين المبلغ راح المهلة اللي عطوك اياها راح تنتهي وانت ماخلصت وعلى فكره الادارات الامريكية هنا اذا صار غلط انك ترسل مبلغ مرتين راح يرجعلك دايركت بعد مايكتشفو
رد: ادارة الهجرة الامريكية ارسلت لي رسالة
مكتب الطلاب الدوليين بالجامعه هو المسؤول عنك ،، كلم الأدفايزر وراح يحل المشكله من عنده ،، ناس حصلت لهم مشاكل اكبر وحلوها لهم ،،
بالتوفيق لك ياسيد ،،