ماني مرتاح في بعض الكلاسات في الجامعة..لاصحاب الخبرة بالجامعات

جزاك الله خير اخوي على سؤالك هذا
انا صراحة ودي افيدك لكن للأسف لا أملك اي خبرة بس حبيت اشكرك على فتح هالموضوع لأني مقبل على الجامعة ومحتاج استفيد عن كيفية الأوضاع في الجامعة والنظام ونتعلم من أخطائكم عشان نتلافاها في المستقبل والله محتاجين لمثل هالمواضيع في المنتدى وبشدة لأن مثل هالمواضيع المفيدة اصبحت نادرة هنا وللأسف
اتمنى ان كل طالب جامعي واجه مشاكل في الجامعة بسبب أخطاء ارتكبها أو غير ذلك ان يحذو حذوك ويكتب هنا في المنتدى عن تجربته والأخطاء التي أرتكبها وبعض الحلول ان وجدت لكي يتلافاها الطلاب المقبلين على الجامعة من بعده
عموما ربي يسهل عليك ويفرجها ان شاءالله وتلقى الحل المناسب.

الله يعافيك .. اوكي كويس اهم شي انك متاكد .. نحن هنا مجبورين على ال15
شوف انت حاول تشد حيلك ! ان قدرت تعدي فيهم ولو ب d احسن لك عشان تفتك منهم وما تضطر تاخذهم ثاني ...
هذا على حسب جامعتك ما ادري عن نظامكم .. اذا انت مطالب بالمادة فهي في ظهرك سواء الحين او بعد سنتين ( انت تختار متى تبيها) ! اما اذا كانت مو مطلوبه فلك الحق ما تاخذها ثاني ..
الملحقية هذي ولا احد عرف لها حد الان للاسف فما عندي جواب

والله يا اخوي انا مثلك هذي اول سنة لي في الجامعه و ف كلاسات فيها امريكان و احيانا احس اني مضايق
بس رحت للمدرسة وشرحتلها وضعي والحمدلله اتفهمت وسارت تساعدي
والحمدلله ذحين مرتاح فيه
اطمن يا خوي شعورك طبيعي وف كثير من اصحابي يعانو من نفس المشكلة وهذي طبيعيه
الله يوفقك ويوفقك جميع الطلاب

سلام عليكم ..

اخوي لاتنسى ان الوقت يمشي .. فا بعد ماتنتهي من البعثه راح تكون على حسابك وتضطر تدفع للجامعه مبالغ عاليه

مدري انا اشوف لو تتحمل وتأخذ الكلاس وتعدي فيه .. لأن فيه باقي سمسترات عليك وراح يكون فيها امريكان .. حاول تسيطير من هالحين

لكن عن مشكلة الحذف وكذا .. ماراح يضبط غير المدرسه والاداره عندك .. اشرح لهم الوضع كامل

وبالتوفيق ياخوي الله يوفقنا اجمعين ويسهل لنا

إذا هذا أول فصل لك بالجامعة ، تقدر تحذف الكلاسات الصعبة وما له داعي تسجل غيرها.
روح لمكتب الانترناشيونال في الجامعة واشرح لهم وضعك ، وراح يعطوك ورقة تبين فيها أسباب الحذف .
أول سمستر عادي تخفيف الساعات حتى لو 6 فقط ، هذا فيما يخص الجامعة.
الملحقية ما أدري عن وضعها ونظامها الأعوج ، لكن لا تفكر فيهم الآن ولا تعطيهم خبر وفي نهاية الترم راح يكونوا أمام الأمر الواقع.
الله يسهل عليك وييسر أمرك

عليكم السلام أخي الكريم ...

بخصوص حذف المادتين ...

فيمكنك ذلك ...

بتقديم طلب لإدارة التسجيل لديك ...

لكنك ستقع في مشكلتين ...

أولا ...

من ناحية الامجريشين ...

أنت مطالب بتسجيل ما لايقل 12 ساعة ...

وهذا ما سيسجله مكتب الطلاب الدوليين ...

وستكون في موقع مساءلة ...

من طرف الامجريشين ...

ولا أعتقد أن المكتب سيوافق لك ...

والمشكلة الأخرى ...

مع الملحقية ...

فعندما ترسل الترانسكربت الفصلي ...

فسيجدون قد قمت بحذف مادتين ...

في حينها ...

أنت مطالب برد مبالغ المادتين ...

وإلا فسيوقف الصرف عليك ...

واما رسوبك بهما ...

فسوف ستسلم عليه إنذار ...

ولا أعلم هل يعتبر انذار أو انذارين ...

فلك مني حل يمكن أن يساعدك ...

أن تسئل قسمك ...

بإمكانية تحويل المادتين إلى نظام Pass no Pass ...

فهو ينفع لك في حالتك ...

لضمانك على حصولك على درجة النجاح فقط ...

دون تأثر معدلك الدراسي بشكل عام ...

لآنك لست ملماً بالمادة بشكل كبير ...

للإستزادة ...

أبحث عن هذا النظام في موقع جامعتك ...

وأعتقد ستجد شرحا له ...

وهو غالبا ...

مقبول لدى الملحقية ...

وحاول أن تستعيد همتك بالمادتين ...

إن استطعت التحويل لنظام الباس نو باس ...

حتى تتضمن تجاوزهما ...

واسـأل الله الكريم لك ...

التوفيق والنجاح ...

خالص التحية والتقدير ...

أخوكم ..

بـــن نيـــاز

جزاك الله خير ياخوي واسف اتعبتك .. بس سؤال اخير
المادتين ماني مطالب فيها اخترتها انا بنفسي.مو اساسيه للتخصص..
فهل انت تقصد اني اذا رسبت في المادتين هذي لازم اعوضها بمادتين ثانيات بالكوارتر الجاي مثلا..والا مو لازم اعوضها بمادتين ثانيات بس تنقص من معدلي اذا رسبت ؟؟

ماقصرت ياخوي الله يعطيك العافيه ومشكور على المعلومات

الله يعينك ياخيي والله اني حاس فيك، بس اسمعني يالغالي، أنت تدرس ماستر ولا باكلريوس ؟

إذا ماستر لك أقل شي تسع ساعات
بقولك نظامنا بالجامعة
لك أقل شي تسع ساعات، بس يسمحون لك الجامعة أنك تاخذ أقل من تسع ساعات في أول سمستر وآخر سمستر والامقريشن ماراح يقولك شي لأنه موافق عليه، وأكيد الباكلريوس نفس الكلام، بس مادري كم الحد الأدنى من الساعات بشكل عام
الملحقية ماعليك منهم إذا قالوا لك شي تفاهم معهم وقلهم أي سبب ولاحق عليهم هم ونظامه اللي ماينعرف له، أيضاً عندنا لما ترسب في مادة تقدر تسوي لها drop يعني ماتدخل بمعدلك ولا يحسبونها عليك، مادري هل النظام عندكم ولا لا ؟ النقطة الأخرى اللي أحب أقولها لك ولي ولكل الطلاب والطالبات، بالنسبة لأول ترم لك بالجامعة خلك شوي حذر فتح عيونك حاول تسأل وتدقق، استفد من تجارب السعوديين اللي قبلك أسألهم وش المادة اللي المفروض تنزلها وش البروفيسور الكويس، أيضاً لا يمنع أنك تاخذ لك مدرس أمريكي خصوصي يساعدك بشغلك، الله يعين دايم في البداية الواحد تصير الأمور غامضة عليه، دعواتي لي ولك ولجميع الطلاب أن الله يوفقنا ويساعدنا ويحقق آمالنا

إذا رسبت هذا يأثر على المعدل حق الترم هذا + يأثر على معدلك لما تتخرج

الدراسة تعب وشقاء وانت جاي عشان هدف تحققه إذا صرت تهرب من اي شيء يواجهك ما راح تنجح وأسألني أنا اللي جربت واحس بأثرها لحد الحين

اجتهد وماهي صعبة ، عدوها ناس قبلك بامتياز ما تختلف عنهم إلا بالجد والإجتهاد والمثابرة

ربي يوفقك