مين يساعدني وادعي له اانا معيد وابي بعثه
حبايبي انا معيد بالجامعه وتخصصي طبي واسمه الغدد الصماء ومعدلي حلو 4.18 من 5 وماقد بديت باي شيء اتمنى انسان ربي يسخره لي يساعدني وادعي له بظهر الغيب ان الله يحقق له امنياته
ابيه يوجهني خطوه بخطوه ياليت لاننا منكم نستفيد انتوا قدوتنا وانتوا سبقتونا ربي يسعدكم ارجو الرد سريعا
رد: مين يساعدني وادعي له اانا معيد وابي بعثه
السلام عليكم ...حياك الله اخوي انا مثلك معيده وبحاول افيدك بالي اعرف ...بما انك معيد يعني مطلوب منك تكمل الدراسات العليا في الخارج ...اول شي لازم تحصل على ضمان مالي من الجامعه بعدين ابداء راسل الجامعات وبما ان تخصصك طبي يعني اكيد لغتك كويسه فقدم على الجامعات بنفسك ولا تستعين بالمكاتب ....ادخل موقع الوزاره وشوف الجامعات الموصى بها واختار الدوله الي تبغى والتخصص والدرجه العلميه وبتطلع لك الجامعات وانت ابداء وشوف الجامعات والمدن الي فيها من حيث الجو مستوى المعيشه قوة الجامعات وهالامور....وباذن الله تتم امورك على خير يعني اطمئن .....الله يوفقك ويسهل امورك
على فكره ادخل ملتقى المعيدين واعضاء هيئة التدريس الموجود هنا ترى فيه معلومات مفيده لنا بخصوص البعثه واجرائاتها وبالتوووووفيق
هنا
http://www.mbt3th.us/vb/forum131/
رد: مين يساعدني وادعي له اانا معيد وابي بعثه
اول شي رح للموارد البشرية بجامعتك وخذ ضمان مالي ( لاكثر من معهد )
راسل كم معهد ولا توقف تفكيرك على واحد فيهم لان بعضهم يتاخر عليك
اذا وصلك القبول حدد موعد بالسفارة وصور القبول الي وصلك وارفعه لرئيس قسمك
بعدين اذا طلعت الفيزى ووافقت الجامعة على القبول الي جبته
تخلص اجراءات الابتعاث من اخلاء طرف وامر ابتعاث
اتمنى لك التوفيق