عادي أتوظف خلال فترة تواجدي بالسعودية بإنتظار موعد الدراسة؟
السلام عليكم ورحمة الله وبركاته
صبحكم الله بالخير أخواني :)
طال عمركم أنا إن شاء الله طالع أدرس بأوهايو بعد 3 شهور من الآن.
وخلال هالمدة ما ودي أجلس فاضي، بدور لي شغلة اقضي وقتي فيها، لأن حسيت بالملل، شعور يقتتتل لا كنت عاطل ما عندك لا شغل ولا مشغلة!!
طبعا أي شركة راح أتوظف عندها راح يضيفو إسمي للتأمينات الاجتماعية عشان يستفيدو من حكاية السعودة وإنهم وظفو سعودي ومن هالكلام.
بسألكم، هل شغلي (المؤقت) وتواجد إسمي بالتأمينات يسبب لي مشكلة مستقبلية بإنضمامي للبعثة لا وصلت أمريكا إن شاء الله؟
الله يجزا كل من مر وقرأ موضوعي كل خير، بس تكفون أبي إجابة من شخص متأكد، وشكرا لكم
رد: عادي أتوظف خلال فترة تواجدي بالسعودية بإنتظار موعد الدراسة؟
ادخل لك معهد لغه واستفيد قبل لاتجي صدقني انا تحسفت اني مادخلت معهد لغه قبل لا اجي لانه كان عندي وقت وفاضي الشغله ماراح تنفعك اكثر من المعهد راح تخصتر عليك وقت باللغه وتذكرك بعض الاشياء قبل لاتروح
رد: عادي أتوظف خلال فترة تواجدي بالسعودية بإنتظار موعد الدراسة؟
بسم الله الرحمن الرحيم وبه نستعين ...,
أنا أتفق مع ألأخ اللي يقول ادخل معهد لأنك صدقني ما راح تستفيد منها الا الفلوس فقط لكن ادخل معهد لغه قوي لو قدرت وصدقني راح يختصر عليك مشوار كم شهر وعاد انت وراحتك واذا انت رجال عازم وتبي تشتغل اقولك لو قدرت تجمعها الاثنين افضل وافضل لكن لازم تركز ع دراستك في المعهد وتعتبر نفسك كأنك مبتعث وبكذا انت تكون رميت عصفورين بحجر ,,,.
بس انتبه لا تسجل بالتأمينات الاجتماعيه نصيحه أخ لأخوه ...,
الله يوفقك ويسهل أمرك ...,
دعواتك ...
ودي ...
رد: عادي أتوظف خلال فترة تواجدي بالسعودية بإنتظار موعد الدراسة؟
حلوووة فكرة المعهد او حتى تتعلم في البيت يعني من مواقع تعليم اللغة
واذا تبغى تشتغل شغلة حلوة وما يتسجل اسمك ودخل فلوس حلووة
اذا معاك سيارة روح كد عليهاا
موووفق
رد: عادي أتوظف خلال فترة تواجدي بالسعودية بإنتظار موعد الدراسة؟
أنآ نفس وضعك ,, درآستي بآقي لهآ 3 شهور
ودخلت المعهد السعودي البريطآني وخلصت مستويين وإنشآء الله بكمل شهرين قدآم
أنصحك بمثل مآقآلو الأخوآن ,,, لو عندك قدرهـ إدخل معهد وصدقني رآح تستفيد ( إذآ إنت نآوي تستفيد مو دآخل تقطع وقت )
و حتى لو تدخل أي معهد قولهم أبي دوآمي الصبآح عشآن يصير دوآمكـ مع الشعب ^_*
وبآلتوفيق أخوي :)
رد: عادي أتوظف خلال فترة تواجدي بالسعودية بإنتظار موعد الدراسة؟
شكرا لكم أخواني ع الرد :)
أنا سبق وخلصت كورس بمعهد اكسفورد الليفل كان 4A من أصل 5 ليفلات كل ليفل ينقسم لـ A و B
نظام المعهد وأغلب نظام المعاهد بالسعودية جينيرال انقلش، حسيت نفسي اكتفيت وأبغى أدرس اكادميك لا وصلت ان شاء الله!!
بس إن شاء الله بآخذ بنصيحتكم، وأكمل بالمعهد.
بس بسألك أخوي زامل، المعهد اللي دخلته هو اللي اسمه بريتش كاونسل؟؟
كيف هالمعهد؟ تنصحني فيه؟! بصراحة أشوف اكسفورد تمام، بس نظامهم غبي شوي إن الليفل يقسمونه لشهرين، كيف نظام المعهد السعودي البريطاني؟؟
رد: عادي أتوظف خلال فترة تواجدي بالسعودية بإنتظار موعد الدراسة؟
أظن إن هذآ إسمه
أمآ بآلنسبة للمعهد بــطل ,, والطآقم اللي فيه حلو
أمآ عن نظآمه أنآ بديت من لفل 1 ويسمونه A ( لان الكتآب حق المستوى الأول مكتوب على A والمستوى الثآني مكتوب على الكتآب B وهكذآ )
وأنآ مآخذهـ شهر بشهر ,, وفيه دبلوم 3 شهور بس مآ ينآسب وضعي لأن ممكن بأي شهر أخليهم مآ أبي أرتبط بثلآث شهور وفيه دبلوم 6 شهور
وأشوف لوحة عندهم إنهم يأهلون للـتوفل والآيلتس والكلآم هذآ بس أذكر سألهم وآحد وقآلولهـ اللوحه قديمة ومآفيه هآلكلآم الحين
المهم شد حيلك ولآ تقول إنك أكتفيت لأن اللغه يبيلهآ شغل
وأمآ إذآ مآلك رغبه ,,من رآئي لو تدخل دورة حآسب 3 شهور أو شهرين وتآخذ عليهآ شهآدهـ بتفيدكـ بآلمستقبل
والله يوفقك إنشآء الله :)