هذا هم طلبو شهادتي الثانوية ... حسبي الله عليك ياالشايب

انا من طلاب المرحلة السادسة ولي شهرين بامريكا في معهد اكاديمي تابع لجامعة ... وامس غثتني مسؤلة تقول تبي شهادتي الاصلية المختومة من الوزارة !!!!!!

انا لما رحت استلم قرار الابتعاث كنت ادري اني لازم اخذ الشهادة .. طبع قراري ورحت لواحد شايب وربي اخلاقه ازفت من الزفت .. فجاة صارخ علي قدام الناس بس عشان قلت له ابي شهاتي ( بصراحة حسيت انه عنده مشكلة نفسية ) وقالي مانعطيك الشهادة.... الشهادة تبقى عندنا ... وقال تبي نعطيك الشهادة عشان تروح تقدم بمكان ثاني والبعثة ماشية لك ومدري ايش قال بعد ومشيت وخليته ..

انا انحرجت وحسسني اني غبي لاني سالت هالسوال
هذا هم طلبوها يا ...........

والله مشكلة ما ادري كيف اطلبها من الوزارة
وهل لو الوالد او اخوي او احد معارفي راح الرياض يعطونه الشهادة وبعدين هل يقدرون يرسلونها بالفيدكس !!!
والله غثتني بالهالموضوع

واللي مستغرب منه كل السعوديين اللي معي قالو اخذو الشهادة يوم راحو ياخذون قرار الابتعاث الا انا :(

الله يساعدك
شوف خيو أن شاء الله أمورك تنحل بسهولة
أنا لمن جيت كنت جايبه معي شهادة ثالث ثانوي بس
وتفاجأت لمن طلبت قبول من الجامعه قالوا نحتاج لشهادة أول وثاني وثالث
كلمت مامي وقلت لها تروح الوزارة قالوا لها عادي يطلعون ويعطونها بس هم مايطلعون الاشهادات ثالث ثانوي
قالوا لمامي روحي لنفس المدرسة يالي درست فيها ويطلعون لك أول وثاني
وراحت والله طلعت شهادات ورسلتهم لي
<<< قال قصة حياتها هههههههههه بس مشكان تطمنك

اقتباس:

---

المشاركة الأصلية كتبت بواسطة الغربة فرقتنا

الله يساعدك
شوف خيو أن شاء الله أمورك تنحل بسهولة
أنا لمن جيت كنت جايبه معي شهادة ثالث ثانوي بس
وتفاجأت لمن طلبت قبول من الجامعه قالوا نحتاج لشهادة أول وثاني وثالث
كلمت مامي وقلت لها تروح الوزارة قالوا لها عادي يطلعون ويعطونها بس هم مايطلعون الاشهادات ثالث ثانوي
قالوا لمامي روحي لنفس المدرسة يالي درست فيها ويطلعون لك أول وثاني
وراحت والله طلعت شهادات ورسلتهم لي
<<< قال قصة حياتها هههههههههه بس مشكان تطمنك

---

يسلموووووووو اختي وماقصرتي
بس انا خفت اكثر ماتطمنت :(
صرت اوسوس لا يكون بيطلبون شهادة اول وثاني
واللي انا خايف منه اكثر يطلبون مني اترجمها بالانجلش
وش يبون فيها وهي عربي !!!!
اللي عنده فكرة ياليت يفيدني

اخوي روق الموضوع سهل تجربت الاخت هذا وحده من الحلول
ويقدر احد اخوانه يروح الوزاره ويطلبها عادي ويرسلها لك

لا تعقد الامور ولا تخاف واذا واجهة شخص مثل هذا ممكن له ضروفه الخاصه انا ما ابي ادافع عنه واكيد تصرفه خطاء بس انت كنت احكم منه وتركته وكنت انت الافضل بس مره ثانيه اذا صرخ عليك احد رح تمرن حديد وارجع له ::p
عموما يا خوي اذكر الله والامور سهله وربي يسرها ما في شي يضيع .
تحياتي لك
اخوك العيون الحزينة

بإذن الله أخوي أمورك راح تمشي ..

كل ماعليك أنك تكلم أحد أخوانك أو اقاربك ويروح للمدرسه اللي درست فيها ويطلب منهم الأصل ..

والله ييسر امور الإبتعاث عليك وعلى كل شاب وشابه طموح / ـه ..

شهاده الاصل المفروض تكون في يدك اخي الكريم
عشان تاخذها تحتاج الايصال اذا تذكره .. اذا ما معك المفروض لسا يعطونك اياها اذا الشخص اللي راح عنده صوره من بطاقه احوالك
موفق يارب

ايوا أخوي اذا بتخلي حد من أهلك يجيبونها لك
ضروري خلهم يجيبون شهادة اول وثاني معهم وبالنسبة للترجمة في مكاتب معتمدة يترجمونها لك بالسعودية
وكمان فيه مكاتب ترجمة هنا
واغلب الجامعات هم ياخذونهم ويترجمونهم بنفسهم
البكلريوس مهم لازم شهادة اول وثاني وثالث لانهم يعادلونهم مع بعض وشي طيب ترى لان يرتفع معدلك عادة

^^^ مو كل الجامعات .. انا ما معي الا ثالث فقط ومشت اموري الحمدالله .. كل اللي قدمت عليهم (حول 10 جامعات) طلبوا مني ثالث فقط ..

بعض الجامعات يطلبون بس ثالث وبعضهم اولى وثاني وثالث .. في كل الحالتين الامور سهله

خل احد من اهلك يروح للمدرسه اللي درست فيها اولى وثاني ويعطونه الشهادات ، وبعدين يروح لإي مكتب ترجمه معتمد ويترجمها
واقرب فيدكس وهي عندك ..

انا مستغرب من شي واحد فقط

ما معك شهادات طبق اصل ؟ كل الجامعات الامريكية تقبل شهادات طبق اصل عليها ختم الوزارة