الأعضاء الإشتراك و التسجيل

الملتقيات
ADs

المقريشن ضحابي الله يضحي برقبتة

المقريشن ضحابي الله يضحي برقبتة


NOTICE

تنبيه: هذا الموضوع قديم. تم طرحه قبل 2303 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية Radhi2010
    Radhi2010

    مبتعث جديد New Member

    Radhi2010 الولايات المتحدة الأمريكية

    Radhi2010 , ذكر. مبتعث جديد New Member. من السعودية , مبتعث فى الولايات المتحدة الأمريكية , تخصصى ماستر موارد بشرية , بجامعة بدون
    • بدون
    • ماستر موارد بشرية
    • ذكر
    • منسي, انديانا
    • السعودية
    • Mar 2010
    المزيدl

    October 2nd, 2011, 06:39 AM

    السلام عليكم ورحمة الله وبركاته.... ياشباب تكفون ساعدوني باللي تقدرون علية انا خرجت من امريكا قبل شهرين وحصلت لية ظروف مع الاهل وماقدرت ارجع في هذا السمستر . اتصلت بعدهااا على واحد من الشباب في امريكا قالت له روح للمقريشن وكلمه يوقف لي هذا السمستر او هذا الليفل الى متى ماتزول ظروفي ... راح الرجل الى المقريشن وكلمه وفهمه على كل شي وقمت انا بارسال رساله الى المقريشن شرحت فيها جميع ظروفي ورد علينا بالموافقه على التاجيل ووضح لنا بعض النقاط مثل اذا خرجت من امريكا وصار لك خمسه شهور برا مايمديك تدخل الابفيزا جديدة ومن هذا الكلام .. وفي يوم اخر راح زميلي يستفسر لشخص ثاني وضعه مثل وضعي واذا بالمقريشن يقول انه وضع مجموع من السعوديين على قائمة الممنوعين من الدخول الى امريكا الابفيزا جديده والا فيزا سياحية ... مع العلم ان الايتوني عندي صالح الى نهاية السنة وفيزتي باقي لي من مدتهاااا شهرين ونصف وماعندي اي مشكلة في اي شي ولكن لا اعرف لماذا منعني المقريشن من الدخول الى يونايتد ستيت ... مع العلم ان عندي ايجار شقة وعندي سيارة وعندي حساب في البنك ....
    السؤال: ماذا افعل وما هو الحل ولا اريد ان اغير فيزتي وسفر على 27 نوفمبر ؟
  2. اخي الكريم .. اذا تعديت الخمس شهور تنلغي فيزتك فلازم تطلع فيزا جديدة ... ما ادري هل لازم سيفس جديد ولا لا
    والاي توني فقط يكون فعال اذا فيزتك فعاله
    طلع فيزا جديدة اتوقع .. ما عندك الا هي ... ونصيحة اسال السفارة وشوف وش يقولون لك
    الله يعينك
    7 "
  3. اخوي ليش مزعج نفسك !!
    ليش ما تجرب و ترسل بنفسك لدائرة الهجرة ؟ مستحي يا عزيزي !!
    شوف يا اخي انا لي بالبلد هذه 6 شهور و شفت من السعوديين ( بعضهم ) الي ما شفتة من الأجانب في النذالة و محاولة إضاعة مستقبلك .
    فانت بنفسك خلص امورك و ارسل لهم و اذا تقدر تعدي تتاكد من السفارة او القنصليات بالسعودية
    و بعدين فكر فيها .. ليش انت يحطوك بقائمة الممنوعين ؟ ليش انت بالذات ؟ طيب فيه سعوديين ضايعين اصلا و للأسف محسوبين عليا

    راسل بنفسك
    7 "
  4. لك بس شهرين ونص بالسعوديه والغت فيزتك؟
    طيب من اللي قالك انها الغت؟

    بعدين التأجيل وجميع المخاطبات تكون مع الجامعه قسم الانترناشونال اوفيس ، مستغرب كيف تروح للامقريشن تقول لهم ابي أأجل دراستي؟!
    طيب كلمت الانترناشونال اوفيس في جامعتك ؟ هم اللي بيعرفون وضعك وبيعلمونك بالتفاصيل

    مع اني ماتوقع ان فيزتك ملغيه اتوقع حصل لك لبس بالموضوع مع العلم اني مافهمت عليك شرحك موب واضح
    7 "
  5. اذا لك شهرين ونص وباقي على سفرك شهرين و 25 يوم فانت تعديت فترة ال5 شهور !
    ما عندي ايميل السفارة بس اخي الكريم ادخل على موقعهم وراسل وشوف من الحين عشان اذا احتجت تطلع اوراق جديدة تسويها من الحين وانت باقي لك فترة ! وعلى قوله اللي فوقي كلم الانترناشونال اوفيس لان هم اعلم بالامور هذي ويعرفون يوضحون لك اي التباس
    7 "
  6. اخوي الامقريشن موظفينها زي موظفين الملحقية ..

    انا اقول لك سالفه صارت لي معهم ..
    منعوا رخصتي وقال لي الــ DMV مشكلتك بالامقريشن ..
    راسلت الامقريشن قال هات رقم السوشل سيكورتي لانك امريكي ..

    قــلت والله لو شــفت وجهي انك تغسل يدك مني قال امريكي ^_^


    شهرين ونص ماتنلغي وريح بالك ولاتشغل عمرك ..

    5 اشهر تلغى فيزتك وتطلع فيزا جديدة ماعندك مشكلة ..

    وبعدين لاتكثر رسائل لهم ولاتشغل بالك ..

    ونصيحة لاتصدق كلام اي احد اما كلمهم بنفسك او لاترسل او تطلب احد ..


    وفقك الله ..
    7 "
  7. وفي يوم اخر راح زميلي يستفسر لشخص ثاني وضعه مثل وضعي واذا بالمقريشن يقول انه وضع ((( مجموع من السعوديين )))على قائمة الممنوعين من الدخول الى امريكا الابفيزا جديده والا فيزا سياحية


    مجمـوعه من السعوديـن. يعني ماحدد هل أنت منهم أو لا

    مع العلم ان الايتوني عندي صالح الى نهاية السنة وفيزتي باقي لي من مدتهاااا شهرين ونصف وماعندي اي مشكلة في اي شي ولكن لا اعرف لماذا منعني المقريشن من الدخول الى يونايتد ستيت

    ما منعك الإمقريشن لاتدخـل !!

    النظام واضح وصريح ( طلعت من أمريكا وجلست خمسه شهور برى > ماتدخل أمريكا إلا بفيزا جديده )

    يعني الخلاصه
    إذا بتجلس أقل من خمسه شهور برى أمريكا + تاريخ إنتهاء صلاحية فيزتك بعد موعد سفرك لأمريكا + الآي توني حقك صالح = توكل على الله ولاتوسوس

    مـلاحظـه : إذا أجلت ترم هل يبقى الآي توني حقك صالح ولا لازم تطلب آي توني جديد < هذي النقطه ماعندي علم عنها . إسأل الإنترناشيونال أوفيس في جامعتك
    تحيـــاتي
    7 "
  8. اشكركم جميع على المرور... المقريشن يقول لزميلي انه علية احضار قبول جديد... وان والله ياجماعة ماعندي اي مشكلة... بس انا اللى قهرني اني طلبت منه تاجيل السمستر وافق وما قالي لازم تجيب قبول جديد ولا تغير الفيزا بعد التاجيل قال روح ماعندك مشكلة وذلحين يقولي ماتدخل الا باي توني جديد ولا فيزا سياحية ... وانا ياشباب خرجت من امريكا في منتصف شهر سبعة ميلادي وحنا ذلحين في بداية شهرعشرة وين المشكلة...السؤال ذلحين هل اسافر بنفس فيزتي والاي توني ولا اكنسل واجيب قبول جديد...ودمتم بصحة وعافية...مع العلم ان المقريشن في جامعتي هم المسؤالين عن الطلاب الدوليين وهم االلى يصدر من عندهم الاي توني وهم اللى يوقعون وهم اللى يطالبون بضمان المالي ويطاردون الطلاب بالقاعات اذا عليك متاخرات او امور مادية او مشاكل هم المقريشن.. اما الانترنشونال اوفيس ماعندهم غير وحده هندية حطينهاااا في وجة المدفع تكذب على الطلاب وتلغي قبولتهمم وكل يوم تجيك بطرق ملتوية...الله يوفقكم لمايحب ويرضاااا
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.