قررت دخول معهد الانجليزي التابع لجامعة Georgia Tech طيب الخطوة الاولى شنو؟

السلام عليكم ورحمة الله وبركاته


مسائكم خير وبركه من الله تعالى ..

عندي استفسار وجدا مهم يا اخوان واخوات.
قررت اني ادخل معهد الانجليزي لجامعة Georgia Tech والسبب لاختياري هالمعهد لأني ان شاء الله بقدم على الجامعه نفسها لتخصص هندسة كمبيوتر.
طيب أنا ماني عارف كيف أبدأ !
ايش المطلوب الحين اسويه؟
اطلع فيزا الآن أو أصبر أو كيف؟
وانا رايح على حسابي الخاص, اذا قدرت اطلع أمر الاركاب, اطلعه قبل التقديم على المعهد او قبله؟
وكم يكلف علي برنامج اللغة الانجليزية؟
لأني بشكل عام انا ابي ادخل المعهد لأنه رخيص وبستغل هالفترة إلى أن انقبل إن شاء الله في برنامج الابتعاث "إذا كان هالشي ممكن مع العلم ان ماعندي قبول وراح اشتغل على القبول خلال فترة إقامتي هناك" !؟

وهذا موقع المعهد
Language Institute at Georgia Tech | Atlanta, GA | Language Institute helps international students, professionals, and visitors improve their English proficiency

أرجو من اللي يعرف أي شي عن الموضوع يشارك وإذا ما فادني يمكن يفيد احد غيري ولو اني عارف انه بيفيدني ان شاء الله.

بالانتظار

اعرف شباب يدرسون فيه ، يمدحونه مره ، بس على فكرة المعهد تابع للجامعه بس يقولك مانضمن لك مقعد بالجامعة الا تجيب توفل او ايلتس ،
اول شي تقدم على قبول من المعهد ويرسلونه لك عاد شف كم يطول اسبوع وعليه ، بعدها في مواضيع كثيره عن طريقة استراخ الفيزا بس لو تكلف علي نفسك وتبحث اخوي
وغير كذا من قالك انه رخيص؟ مره شفت ورقة حقت التكاليف والله حول ٣٠٠٠ دولار مو متاكد بالظبط

الله يجزاك خير اخوي فلسفة رجل..
أنا كلفت على نفسي أشياء كثيرة ماهي واقفة على الفيزا ولكن لقيت قدامي أبواب كثيرة تتفرع منها أبواب ثانيه
فضعت وسط الزحمة وقلت يمكن في أحد يبسطلي الأمور بطريقة سهلة وبسيطه.
فعلا المعهد غالي .. 4620 دولار !!
بس يمكن أخذ منهم قبول مشروط بشرط انتهاء فترة اللغه.

جزاك الله خير والله يفتحها بوجهك.
مشاركتك مفيدة عزيزي

للاسف الجامعة قبولها صعب , والمعهد حقها مايأهلك لدخول الجامعة ..

بس الجامعة قوية من ناحية تخصصات الهندسة , واتوقع طالبين في الايلتس 7 =)

الله يوفقك , ولو دخلتها بتتخرج بشهادة حلوة وقوية ..

جدا غالي ، جدا جدا غالي
لكن الغالي سعره فيه

على كل حال ،
أنا بعد حريص إني ألقى قبول في هندسة كهربائية أو حاسب أو اتصالات ( أنا حريص على الاتصالات أو الشبكات )
و الله يعينني و يعينك

ما البداية ؟
البداية طال عمرك ، هل عندك توفل ؟ هل عندك جي آر إي ؟ بما إنك على حسابك الخاص ( و أتوقع إنك موظف ) فالأفضل إنك تحضر للتوفل و تختبره ثم تحضر للجي آر إي و تختبره لأنه بيختصر عليك الوقت
أنا بصراحة شفت نفسي طولت مرة في مسألة التحضير و شفت نفسي الوقت راح علي و أنا ما فضيت أحضر و أدرس ، فقلت ما لي إلا اختبر على طول و بلا تحضير و بلا دراسة ، أقلها أكسر حاجز المجهول و الرهبة من الاختبار ، فجبت في التوفل 70 و في الجي آر إي 680، 280، 2
جرب و توكل على الله