الأعضاء الإشتراك و التسجيل

الملتقيات
ADs

مبسوط في ولايتك ولا لا؟!!

مبسوط في ولايتك ولا لا؟!!


NOTICE

تنبيه: هذا الموضوع قديم. تم طرحه قبل 2263 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. المشاركة الأصلية كتبت بواسطة smba
    انا و الحمدالله عشت في ٣ مدن في امريكا اول شي في آوهايو و بعدها بوستن في ماساشوستس و الحين في كاليفورنيا، و راح احاول اعطيكم اللي عندي عن هذي المناطق الثلاث

    Bowling Green, Ohio
    مدينه جامعية جدا صغيره عدد سكانها ما يتجاوز الخمسن الف و اذا جا بدآت الاجازه الصيفيه اختفوا كل السكان ، ميزتها انها آمنه جدا و رخيصه جدا سكن غرفة نوم واحده ب ٥٠٠، كنت ساكن مع ٣ أمريكان في أحدث مجمع سكني في المدينه و كنت أدفع ٣٥٠ دولار و لي غرفة نومي و حمامي الخاص الله يكرمكم...

    شخصيا كنت مرتاح فيها لأني بيتوتي نوعا ما و لكنها ممله جدا و المدن الكبيره اللي حولها كمان ممله (توليدو،ديترويت، كولمبس) أقرب مدينه حلوه شيكاغو و تبعد ٦ ساعات بالسياره أو الباص، و من عيوبها كمان مافي موصلات عامه الا بعض المجمعات السكنيه عندها shuttle يوصل للجامعه.
    Bowling Green آمنه جدا لكن المدن الكبيره اللي حولها مثل توليدو و ديترويت فيها مشاكل و جرائم كثير.

    في مسجد كبير يبعد ١٥ دقيقه عن المدينه و في جاليه مسلمه في مدينة توليدو القريبه ( أقل من ساعه بالسياره) و فيها مطاعم عربيه. و على بعد ساعتين بالسياره تقع مدينة ديربورن في ولاية ميتشغن اللي فيها آكبر جاليه عربيه في أمريكا و كأنك في بلد عربي، المطاعم و المحلات و اللوح كلها بالعربي، و في بالقرب منها منطقه فيها جاليه يمنيه و فيها مطاعم يمنيه للي يشتهي المندي و الحنيذ.

    المدينه مناسبة جدا للعوائل و خصوصا اللي معاهم اطفال.


    Boston, Massachusetts
    المدينة اللي عشت فيها سنوات من أجمل سنوات عمري، اللي بيروحلها راح ينصدم في البداية لأنه راح يحس انها صغيره و ممله و لكن مجرد انك تتعود على المدينه و تعرف الآنشطه و الأماكن اللي فيها راح تنبسط جدا.
    بوسطن من آقدم المدن في أمريكا و يغلب عليها الطابع الأوربي (شوارع ضيقه و عماير مبينه بالطوب الأحمر...) و من بوسطن بدأت الثوره و حرب الأستقلال من بريطانيا ولهذا السبب أهل بوسطن طبعهم و ثقافتهم مختلفه نوعا عن باقي أمريكا و داخل فيها كثير من الطبع البريطاني.

    ميزة بوسطن أنه فيها جامعات و معاهد أكثر من أي مكان ثاني في إمريكا و فيها مجتمع طلابي جدا كبير و أنشطه جدا كثيره للطلاب، اللي حيجي بوسطن و نظامه في الصباح دراسة و في الليل و الويكند جمعة في البيت مع سعوديين ما انصحه يجي لأنك عشان تنبسط في بوسطن لازم تعرف ثقافة المدينه و تختلط مع ناس وطلاب محليين والا حرام عليك المصاريف اللي راح تتكلفها في بوسطن.
    و الحلو في بوسطن كذلك أنه الموصلات فيها متوفره باصات و قطارات و ما تحتاج سيارة أبدا.
    في بوسطن مركيزين اسلاميين في Roxbury و Cambridge و في أكثر من مسجد في أماكن أخرى و فيها مطاعم عربيه ممتازه و في اكثر من بقالة عربيه و اسلاميه.
    نيويورك في الجنوب و تبعد ٤ ساعات بالباص و في الشمال ولايات نيو هامبشر و فيرمونت و ماين و فيهم مناطق جبليه و طبيعه جدا رائعه خصوصا في الخريف.

    في المقابل عيوب بوسطن كثيره و أولها أنه السكن غالي جدا> غرفة نوم واحده تبدأ من ١٥٠٠ و توصل الى ٣٠٠٠ دولار، و في الضواحي السكن أرخص لكن ماهو بشكل كبير و كل ما تبعد عن وسط المدينه راح تفقد ميزات كثيرة لأن آغلب الأنشطه و الأسواق و الأماكن الترفيهيه في وسط بوسطن، كمان لو سكنت في الضواحي ممكن راح تحتاج سياره.
    عيب بوسطن كذلك جوها بارد و ثلوج في الشتاء و الصيف حار و رطوبه و لأنه الواحد في الغالب راح يستخدم مواصلات عامه فراح تتأثر جدا بالجو لأنه لازم تمشي من محل سكن للمحطه و راح تنتظر الباص أو القطار في مكان مكشوف.
    كذلك بوسطن تنفع للعزاب خصوصا الطالبات بسبب وجود الموصلات العامه و كمان في عماير كثير ساكنين فيها سعوديين و البنات ماشاءالله يتعاونوا و يعينوا بعض، لكن ما تنفع ابدا للعوائل الا اللي مستعد يدفع من جيبه فوق المكافأه لأن المعيشه غاليه و اللي عندهم آطفال صعب عليهم يستخدموا المواصلات العامه و راح يحتاجوا سياره و السياره جدا غير عمليه في بوسطن لأن التأمين غالي و المواقف بفلوس في كل مكان (هذا اذا لقيت موقف!!).

    بالنسبة للأمان فبوسطن زبها زي أي مدينه كبيره في أمريكا لازم الواحد ينتبه و يعرف ايش الأماكن الآمنه و ايش الأماكن اللي فيها مشاكل.. بشكل عام وسط بوسطن و الضواحي الشماليه (Medford, Malden, Revere..) و الغربيه (Brookline, Brighton, Newton..)آمنه نوعا ولكن الواحد لازم بتوخى الحذر في الليل. أغلب المشاكل و الاجرام في الضواحي الجنوبيه (Dorchester, Roxbury, South Bsoton..) انتبهوا من الأماكن هذي لأن نسبة الجرائم فيها عاليه.


    Thousand Oaks, California
    تقع في Ventura County و ملاصقه للوس انجلوس.. تبعد تقريبا ساعه عن داون تاون لوس أنجلس
    المدينه صغيره و لكن متوفر فيها جميع الاحتياجات فيها مركز تجاري كبير و محالات و مطاعم كثيره.

    ميزتها إتها جدا آمنه و مناسبه للي يحب الهدؤ و في نفس الوقت على مسافة ساعه بالسياره يتواجد عددكبير من المدن بداية من Los Angeles و المدن التابعه لها و Santa barbara و Orange county بكبرها و Malibu و Santa Monica و عشرات المدن الصغيره و الإسواق و أشياء كثير ممكن تسويها و كذلك بحر و جبال و وديان كل هذا على مسافة ساعه و نص بالكثير بالسياره و سان دييغو تبعد ساعتين و نص و لاس فيغاس ٥ ساعات بالسياره.
    في مركز إسلامي في ثاوزند أوكس و مطاعم عربيه في المدن المجاوره، علر بعد ٤٥ دقيقه تقع مدينة gelndale و فيها جاليه إيرانيه و أرمنيه كبيره و لذلك فيها مطاعم كباب و مشاوي من أجمل ما تذوقت في حياتي، و على مسافة ساعة و نص بالسياره تقع مدينة Anaheim و هذي المدينه في ثاني أكير جاليه عربيه في أمريكا و في مطاعم لبنانيه و مصريه ما كآنك إلي في بلد عربي و كذلك فيها أكثر من سوبر ماركت عربي متوفر فيها جميع الاحتياجات العربيه.
    الجو في هذه المنطقه معتدل و مائل للحراره لكن من غير رطوبه.

    عيوب ثاوزند أوكس أولا السكن فيها يعتبر غالي لأنه أغلب السكان من الأثرياء و فيها منازل غاليه جدا و لكن بالنسبه لي بما أني جاي من بوسطن فمرتاح فيها لإنها أرخص> في بوسطن كنت مستأجر شقه غرفة نوم وحده ٢٠٠٠ دولار و الان مستأجر ب ١٣٠٠ دولار. لكن بشكل عام تعتبر أغلي من المستوى العام للأسعار في المنطقه.
    من عيوب ثاوزند أوكس و جنوب كاليفورنيا بشكل عام ان المواصلات العامه معدومه و تحتاج سياره بالضبط زي السعوديه حتى ما تشوف ناس كثير يمشوا في الشارع، لأني جاي من بوسطن فمتعود على المشي كثير و لما آقضي مشاويري مشي هنا أحس الناس يطالعوا في من السيارات مستغربين آنه في أحد ماشي !!
    كذلك المدينه نفسها نوعا ما ممله و مافيها حركة كثير و عشان تروح اي منطقه ترفيهيه لازم تطلع خارج المدينه.

    المدينه جدا مناسبة للعوائل و اللي عندهم أطفال خصوصا اللي في سن الدراسه لأن نظام التعليم و المدارس في ثاوزند أوكس ممتازه و فيه أنشطه جدا كثير للأطفال، و بحسب الاستطلاعات تعتبر وحده من أفضل المدن في أمريكا لتربية الإطفال فيها.


    عموما عندي ملاحظه للطلاب اللي يبحثوا و يدورا عن المدن: حاول انك تاخذ معلومات عن المدينه و تعرف عن كل شي فيها و بعد ذلك كون رآيك الخاص عن المدينه و شوف إذا كانت مناسبه لك ولا لا، و أبدا لا تاخذ على كلام أو رأي شخصي لأي شخص ثاني لأن كل أنسان يختلف في اسلوب حياته و في الأشياء للي يفضلها. لما كنت في بوسطن كان كثير طلاب ماهي عاجبته المدينه و يحذر كل الطلاب منها و في النهايه آحصلهم من النوع اللي ما يحب يستكشف الأماكن أو يتعرف على ثقافة البلد و الناس وآغلب وقتهم في البيت مع سعوديين، طلاب زي كذا ما عجبتهم المدينه لأنهم ماهي مناسبه لأسلوب حياتهم و بصراحه حرام فيهم و كنت دائما أنصحهم إنهم يحولوا لقريه صغيره في وسط أمريكا أنها هذي اللي تناسب أسلوب حياتهم. و كذلك لما كنت في أوهايو و نفس الشي الان في كاليفورنيا تشوف شخص كاره المدينه لأبعد حد و شخص ثاني مبسوط و مرتاح لأنه في النهايه كل أنسان له شخصيته المختلفه.

    أسف على الإطاله وأتمنى اني أكون أفدتكم و بالتوفيق للجميع
    الله يعطيك ألف ألف عافيه ،
    ومشكور على هالمعلومات بالعكس حنا نبي واحد يحكي التفاصيل ...
    ماقصرت يالغآلي ..
    7 "
  2. المدينة : سان فرانسيسكو
    مدة الاقامة: سنة ونصف الي الان
    ايجار السكن: يتراوح من 1200 Studio الي 3000 1bedroom وتعتبر غالية جدا في نظري
    المعيشة: التاكس 9 في المئة علا المشتريات . من اعلى المدن في التاكس. اسعار المطاعم مكلفة جداا مقارنة بالمدن الاخرى. فالأفضل الطبخ في البيت للتوفير
    الاعراق: الاغلب اسيويا الصين والفلبين و الكوري ... والمتوسط المكسيكان و القلة الوايت و البلاك
    السياحة: المدينة سياحية اكثر من دراسية عدد السياح اكثر من عدد السكان فيه عدة اماكن تستحق الزيارة سيتي هوول و Golden Gate park و Golden Gate bridge من اروع الجسور التي رأيتها في حياتي. Academy of Science وغيرها الكثير الكثير الذي يعيبها ان المدينة جبلية .
    الأمان: المدينة امنة بشكل عام لاكن يوجد مناطق خطيرة في الداون تاون ومنها مايسمى ب التندرلوين وفيها يكثر بيع المخدرات ويكثر فيها الهومليس
    التعليم : يوجد العديد من المعاهد التجارية لتعليم اللغة وتركز علا طلاب السياحة اكثر من الطلاب المبتعثين. اما بالنسبة لمعاهد الجامعات فاالأقوى من رأي شخصي :
    University of San Francisco
    San Francisco State
    City College
    المواصلات: من افضل المواصلات في امريكا يوجد 3 طرق للمواصلات Bart /Muni/ Bus ولا تحتاج لسيارة . من الصعب جداا ان تجد موقف للسيارة في الداون تاون ويوجد عليها رسوم ومع ذلك نادراا تجد مواقف شاغرة للوقوف لفترة معينة
    التصنيف: 3 من 10 للعيش فيها
    واي ستفسارات انا حاظر.
    7 "
6 من 10 صفحة 6 من 10 ... 567 ...
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.