أريد أن أرسل كتب وشنطة ملابس من مدينة لمدينة، هل تعرف كيف؟

السلام عليكم..

حاب اسال عن خطوط US AIRWAYS

عندي رحلة على هالخطوط، فما أدري عن الحقائب والمعلومات، قلت يمكن أحد يفيدني..

دقيت عليهم بس ما اخذت منهم معلومات مؤكدة مية بالمية عن الكليو

عندي شنطتين احسها كاتمة على نفسي لو بيدي كان رميتها كلها وجلست بدون شناط بس وش اسوي..

قالوا لي اكثر من خمسين باوند وإلى 70 باوند تدفع 90 دولار واكثر من 70 باوند وإلى 100 باوند تدفع 175 دولار..

ممكن الشناط تطلع حوالي الوحده حوالي 20 - 30 كيلو، يعني على أقصى تقدير ممكن تكون 60 كيلو(بس ماني متأكد) بالتالي 120 باوند والله ان يشوتوني انا وشناطي مع بوابة المطار

أحد عنده معلومه يفيدنا، صرت افكر اخلي الكتب الي عندي مع بعض الشباب ويرسلها لي على مدينتي الجديدة بس محتار..

السلام عليكم ومساء الخير
يا خيي انا طلعت ع الخطوط هذي ولك بس شنطه وحده حدها بالكثير ٢٠ ك وممكن يقبلون حتى ٢٣ ك بس بعد كذا تدفع ٦٠ دولار اذا الوزن للشنطه وصل ٦٠ باوند عاد عليك الحسبه بالكيلو وتدفع حدود ١٥٠ دولار اذا زاد الوزن فوق ٦٠ يعني حاول تكون معك شنطه وحده بس لان الشنطه الثانيه ممكن ياخذون عليها فوق ١٢٠ دولار وهذا غير الوزن الزائد طبعا
ان شاء الله اكون افدتك

وعليكم السلام..

وش هالنشبة أعوذ بالله؟

المشكلة البطانية والفروة معي عساهم ما يربحون :D

طيب أحد عنده حل.؟؟ أقدر ارسل الشنطة شحن عن طريق شركة معينة لمدينة الدراسة..؟

اخوي اذا ولايتك مو بعيده مره عليك بفيديكس انا ارسلت 4 شناط 2 كبار شوي و2 صغار شناط من واشنطن لجورجيا ب114 دولار ويومين وهي عندي . ولو تبي تاخذ اغراضك معك على هالخطوط نظامهم ياخذون على كل شنطه 25 دزلار حتى لو تحت الوزن بس اذا زاد زاد السعر . اتمنى اني افدتك والله يوفقك يااارب.

عساك انت ووالديك واهلك كلهم للجنة يالغالي :)

ريحتني من هم، كنت افكر كيف اتخلص من بعض الاشياء..

مشكور الله يوفقك ويسر دربك مستر خالد :)

علمنا اش يصير معاك عشان انا ناوي اسوي مثلك