السلام عليكم : عندي سؤالين رجاءا ..؟ اتمنى الايفاده

السلام عليكم ورحمة الله وبركاته

مساكم الله بالخير اخواني

سؤالي هو : ماهو افضل خط سير من الرياض الى واشنطن سياتل .

يعني يوم اكلم الخطوووط السعوديه شنو اقولهم


والسؤال الثاني : كم اخذ معي مبلغ كاش ..

............................. بالتوفيق للجميع ...........................


سلملم

الخطوط السعودية بس لواشنطن... وبعدها رحلة داخلية لسياتل ...

بالنسبة للمبلغ حسب انت ايش عندك مصاريف اول ما توصل ..
بس انا افضل انه ما يكون مبلغ كبير يعني بين ٢٠٠٠-٣٠٠٠

طبعا اذا راح تنزل على مطار دالاس اذا تبغي تقوم بزياره للملحقية ، عندك الخطوط السعوديه تحجز على الخطوط السعوديه ( علما ان الخطوط السعوديه عندها مسارين فقط الى امريكا الاول : مطار دالاس مدينة واشنطن العاصمة الثاني : على مطار جون اف كيندي في نيويورك فقط ) انت اذا تحب تزور الملحقية تنزل على مطار دالاس واشنطن وراح تحصل استقبال من موظف الملحقية بس لازم تدخل موقع الملحقية تعمل تبيلغ بالوصول في اليوم المحدد لرحلتك علشان يسجلون اسمك عندهم .
بعد كذا تقدر تحجز على خطوط الطيران الامريكيه وهي كثيره وانا افضل منها خطوط اليونايتد United Airlines ، وافضل موقع تقدر تحجز عن طريقه ويعطي اسعار جدا رائعه هو موقع ORBITZ .
وتقدر تشتري التذكره من الانترنت وتدفع عن طريق بطاقة البنك ، فقط تأخذ معاك الورقه الى عملت عليها الحجز تطبعها وتأخذها معاك ، وراح تحصل اسمك على الرحله وكل شي جاهز .
وبالتـــوفيق للجميع ،،،

اما عن الكـــاش براحتك عندك من الدولار الى الفين دولار .
بس ما راح تحتاج تأخذ في يدك كــاش الا خمسمائة دولار او اقل كمان ، والباقي حطه في بطاقة مسبوقة الدفع افضلك .
او احلى من كذا روح البنك الى فيه حسابك وقول لهم ابغي اعمل شيك مصدق اصرفه من امريكا ، وراح يعطونك اسماء بنوك اختار Bank of America ، وهذه افضل واريح واحسن طريقه شوف المبلغ الى تريده ويعملك البنك في السعوديه شيك مصدق وترتاح ، واول ما تفتح حساب في البنك في امريكا تعطيهم الشيك وتقلهم ابغى انزله في حسابي ، على طول ينزلوه لك في حسابك ويعطونك بطاقة صراف تستخدمها في نفس الوقت ، وترتاح من حكاية الكـــاش .

الرياض واشنطن واحجز من واشنطن الي مدينتك

الخطوط الداخليه الامريكيه كلها خايسه هع

كاش في البدايه تكفيك ١٠٠٠ الي ١٥٠٠ علي حسب صرفك

وعليكم السلام
توصل بالسلامه الاخوان ما قصروا في ردودهم حبيت اضيف لا يزيد المبلغ الكاش اللي معك عن 10000 دولار .


بالتوفيق .