محتاااار .. جد جد متووهق .. الله يخليكم ادخلوا بسرعه
السلام عليكم
الحمدلله بعد عنااااااااااااء طويل قدرت اجيب قبول من جامعة northern arizona والمعهد اللي تابع لها ,, ولكني صعقت بعد ماقرأت اسعار المعهد .. غالي جدا ,, تصل قيمة السميستر الواحد الى 10 الاف دولار وانا بروح على حسابي .. فاستطعت اني اجيب قبول من معهد جامعة أريزونا arizona state u .. لكن ماقدرت اجيب قبول من الجامعه نفسها .. ومااعرف وش السبب للامانه انهم ماقبلوني ..
نرجع لموضوعنا .. انا سؤال ,, هل بإستطاعتي ان ادرس في معهد جامعه arizona state وبس اخلص اروح لجامعة شمال اريزونا ..
بمعنى هل يطلبون توفل مثلا لو جيت من معهد ثاني .. او شروط اخرى ..؟
وهل الملحقية بترضى لو فرضنا اني قدمت على جامعه اريززونا وقبلوني .. وانا بالاساس معطيهم اني بدرس بشمال اريزونا ..
ابي نصيحتكم وش اسوي ؟؟
رد: محتاااار .. جد جد متووهق .. الله يخليكم ادخلوا بسرعه
هلا فيك اخوي
انا جبت قبول من معهد جامعه اريزونا
وحاليا انتظر قبول جامعه نورث اريزونا
وراح ادرس ان شاء الله في معهد جامعه اريزونا والجامعه بأذن الله في نورث اريزونا
اتوقع عادي الوضع اهم شي لما تفتح ملف في الملحقية يكون معك قبول جامعي ومعهد
بالتوفيق ان شاء الله
رد: محتاااار .. جد جد متووهق .. الله يخليكم ادخلوا بسرعه
وانا اتوووقع عادي ... لكن شايل هم انهم يطلبون تووووفل عشان درست بمعهد مو تبعهم
رد: محتاااار .. جد جد متووهق .. الله يخليكم ادخلوا بسرعه
شف اخوي من سابع المستحيلات ان اللي تقوله واقعي
10.000 دولار للسمستر الواحد . الله ماشفناه بالعقل عرفناه
اتاكد من الاسعار اخوي
رد: محتاااار .. جد جد متووهق .. الله يخليكم ادخلوا بسرعه
والله ياخوي انا مثلك مصدوووم ،، يعني فررق مو معقول بين هالمعهد والمعاهد الثانيه ،، انا قريت هالسعر بموقع الجامعه + كلام شخصين من اللي يدرسون بالمعهد .. والله شي يقهر
رد: محتاااار .. جد جد متووهق .. الله يخليكم ادخلوا بسرعه
رد: محتاااار .. جد جد متووهق .. الله يخليكم ادخلوا بسرعه
وينكم ياجمااااعه ,, فيدوووني تكفون والله اني محتاجكم
رد: محتاااار .. جد جد متووهق .. الله يخليكم ادخلوا بسرعه
عليكم السلام أخي الفاضل ...
القبول بالجامعات يختلف ...
كل جامعة لها شروط في القبول ...
فأنت لا بد أن ترى ...
هل لدى الجامعة قبول مشروط باللغة فقط ...
أم لا بد من التوفل - الايلتس ...
90% من الجامعات ...
تطلب منك وجود شهادة لغة ...
إن كنت قادماً من خارجها ...
وبعض الجامعات لا تعتمد على معاهدها ...
فأنت اطلع على قسم القبول ...
وانظر شروطهم ...
أما بخصوص الملحقية ...
فيمكنك تغيير المعهد ...
أو الجامعة ...
سواء قبل الانضمام أو بعده ...
ولا تقلق من هذه النقطة ...
واسأل الله لك التوفيق ...
خالص التحية ...
أخوكم ..
بــن نيــــاز
رد: محتاااار .. جد جد متووهق .. الله يخليكم ادخلوا بسرعه
شكرا اخوي بن نياز ،، والله يجزاك الف خير ع افادتك ،، اخوي بس عندي سؤال ،، يعني ممكن ان جامعة شمال اريزونا ترضى اني اجيب لها شهادة قبول من معهد جامعة اريزونا ولا تشترط تووفل ،، كيف اتاكد اذا تطلب توفل او شهادة اني درست اللغه بمعهد ؟؟