مبتعث وبتزوج!!!!؟؟؟ وين المتزوجين يفزعون؟؟!!؟؟
بسم الله الرحمن الرحيم
ماودي ادخل في مقدمات بس المكتوب واضح من عنوانه...
انا مبتعث وراح اتزوج ان شاء الله (وعقبال العزاب والعازبات الله ييسر امورنا واموركم) وسؤالي هو عن الخطوات لضمان الحصول على بعثه للزوجه!!
اتمنى من عنده جواب لسؤالي بأن يضع الحل بصيغة نقاط(يعني 1-سوي كذا2-الامر الي بعده....وهكذا)..
طبعا اول شي بسويه اني اجيب لها اي توني واسوي موعد للفيزا ولكن شرايكم(اف1 ولا اف2) لان ناس قالو كذا وناس خالفوهم!!!
اتمنى التجاوب السريع لان لاهم الا هم العرس ولا وجع الا وجع الضرس :(
تمنياتي للجميع بالتوفيق والنجاح,
رد: مبتعث وبتزوج!!!!؟؟؟ وين المتزوجين يفزعون؟؟!!؟؟
الله يوفقك ياارب
وانا نفس حالتك تعبت الين ما عرفت خطوات الفيزا
انا الفيزا اللي جبتها لزوجتي f2 والضمان المالي جبته من عند ابوها
والاي توني كان فيه اسمي واسمها اخذته من مكتب الطلاب الاجانب في الجامعه
بالنسبة يوم تروح المقابلة خليها تاخذ معاها الضمان المالي حق ابوها وحقك
وكمان سوي انت طلب افادة عن الطريق البوابة الالكترونية انك طالب في امريكا والدولة هي اللي متكلفة بدراستك
الله يوفقك ياارب
رد: مبتعث وبتزوج!!!!؟؟؟ وين المتزوجين يفزعون؟؟!!؟؟
اقتباس:
المشاركة الأصلية كتبت بواسطة flying away
الله يوفقك ياارب
وانا نفس حالتك تعبت الين ما عرفت خطوات الفيزا
انا الفيزا اللي جبتها لزوجتي f2 والضمان المالي جبته من عند ابوها
والاي توني كان فيه اسمي واسمها اخذته من مكتب الطلاب الاجانب في الجامعه
بالنسبة يوم تروح المقابلة خليها تاخذ معاها الضمان المالي حق ابوها وحقك
وكمان سوي انت طلب افادة عن الطريق البوابة الالكترونية انك طالب في امريكا والدولة هي اللي متكلفة بدراستك
الله يوفقك ياارب
يعني يصير اهلها واهلي يخلصون امورها بالسفاره في السعوديه؟
هل لازم اجي واضيفها مرافق في الوزارة بالرياض؟
رد: مبتعث وبتزوج!!!!؟؟؟ وين المتزوجين يفزعون؟؟!!؟؟
ياقلبي أنت ليتك منزل الموضوع قبل ماتغلق فترة الابتعاث السابعة، شوف هو المفروض أنها مقدمة على البعثة الأخيرة علشان تطلع انت واياها، عموما دامها ماقدمت خلها تروح معك كمرافقة وتدرس هناك، بس بما انها مرافقة راح يكون مكافأتها فقط تقريباً 950 دولار، ولو هي مقدمة على البعثة كان تكون 1860 دولار، عموما ما فات إلا الشر، والفلوس مو هي كل شي أهم شي انكم تنبسطون، وعلى فكرة تنزل مكافأتها على حسابك لأنها مرافقة مو زي المبتعثة على حسابها، بس أوعى تلهف قريشاتها تقول والله نزلت بحسابي بتصرف فيهن ترى هذا حلالها خخخخخخ، ومادام أنها بفترة اللغة راح تعتبر مرافقة، ولما تدخل الجامعة خلاص تصير مبتعثة وتعامل كمعاملة المبتعث، اتمنى كل شي وضح
رد: مبتعث وبتزوج!!!!؟؟؟ وين المتزوجين يفزعون؟؟!!؟؟
كلي تفاؤل خخخخخ , انت حطيت عينك على الراتب والرجال متوهق بالقبول خخخ :)
اول شيء , بحكم انها مرافقة يعني مو مجبورة تدرس :)
الطالب فيزته F1 ومجبور يدرس كل فصل على الاقل ١٢ ساعة
المرافق فيزته F2 ولا هو مجبور يدرس لأنه يتبع للمرافق صاحب فيزة F1
اذا انت تبيها تبتعث , تقدم لها زي ما قدمت انت , تجي على حسابها اول كم شهر ثم تنضم للبعثة ويمشي لها زي ما يمشي لك
اذا والله تبيها مرافقه , الملحقية تعطيك ضمان مالي , بالتقديم بالبوابة الالكترونية :)
بس اتوقع لازم تضيفها بالسجل عندك وتفتح ملف عند الملحقية وهالاشياء ذي
رد: مبتعث وبتزوج!!!!؟؟؟ وين المتزوجين يفزعون؟؟!!؟؟
هي تحتاج تعبي الاستمارات ودفع الرسوم
وانت ما تحتاج تروح الرياض لانها يوم تجي عندك قدم على الحكومة الالكترونية اضافة مرافق
واللي اعرفه والله واعلم ان اذا طلعت الفيزا يروح اي احد من اهلهاا الرياض عشان يصدر لها التذكرة
موفق ياارب
رد: مبتعث وبتزوج!!!!؟؟؟ وين المتزوجين يفزعون؟؟!!؟؟
يعطيكم الف عافيه..
يعني يعبون الاستمارات(ممكن تتحددون الاستمارات) ويدفعون الرسوم ويجيبون ضمان مالي والاي20 وبعد استخراج الفيزا يحق لها امر اركاب بس لازم اكون قبلها مقدم على البوابه الالكترونيه؟؟؟
شكرا للجميع من دون استثناء والله يوفقكم دنيا واخره,,