الوضع النفسي للطالب المبتعث اللي يحس انه مو فاهم شيء

اسىئلة للطلبة الدارسين في الخارج
ـ هل احسستم في يوم من الأيام انكم مو فاهمين شيء في التخصص اللي تدرسونه وانها مسألة وقت ورح ترجعكم الملحقية على اول طيارة للسعودية؟
ـ كيف تتعامل الملحقية مع الطالب المخفق؟
ـ وش نصيحتكم للطالب اللي مو فاهم شيء ووضعة النفسي صار سيء؟ :(
- سمعت من الكثير من الطلاب انهم يعتمدون بشكل كبير على اصدقائهم الامريكان في حل واجباتهم وحتى في حل اختباراتهم طبعاً بمقابل مادي، هل هذا قانوني؟

- مين هذا الي يدخل تخصص مو فاهمة !!
- أكيد ببعطوة علي راسة مو مخلينة يفشل ، و بعدين في جامعات كثير جدا بمجرد ما انك تقول انك طالب اجنبي ، درجتك تطير بالسماء
لانه الجامعه قائمة عليك انت ، فإذا رحت قفلت الجامعه
الأمريكان مو مثل ابوي و ابوك يدفعوا لنا للجامعه !! هنا يقول لولدة انقله اشتغل في مطعم ولا بار و دبر راسك

- ادرس الشي الي تبيه أنت تبيه لا تتفلسف و تدرس حاجة كبر منك . او دور جامعه بطيخ و ادرس فيها و بيدفوك
- أكيد مو قانوني

راح تحس بهالاحساس عند وصولك في امريكا في اول الفترة انك مو فاهم شيء ... لكن بصراحه المعهد اللي راح تكون فيه راح يكون متفهم هالشي
وبرضو العائلة اللي راح تسكن معاهم راح تكون متفهمه
عادة ... المستوى الاول والثاني ماراح تواجه فيها صعوبه كبيره لانها اساسيات فقط ... وتقدر تقول انها نفس الانجليزي اللي درسته بالثانوي مع اختلاف طريقة التدريس والمناهج
الملحقية تعطيك سنة انجليزي
وممكن تمددها الى ستة شهور ولكن بشروط ما اعرفها بصراحه

اندماجك مع المجتمع ... مذاكرتك اول باول ... حل الواجبات ... الالتزام بالحضور ... كل هالاشياء راح تخفف عليك كل الصعوبات

كثير منا يعرف ناس حتى جمله بالانجليزي ما يعرف يركبها .. والحين تحصلهم يكملون ماستر ... فقط بالالتزام بما ذكرته فوق ... فيه ايضا معاهد تعطيك دروس تقويه احيانا بمقابل واحيانا بدون مقابل على حسب نظام المعهد

لو بتعتمدي على غيرك في حل الواجبات ماراح تقدري تكملي بقية مشوارك الدراسي ... ممكن تتساعدون انتي ومجموعة من الطلاب او الطالبات في حل واجب وهذا هو الافضل ... طبعا مو مطلوب منك تحلينه صح 100%
اهم شي تبين للاستاذ اني حاولت احله وهذا اقصى ما اقدر عليه
ممكن فيه طلاب يحلون واجباتك وممكن لا ما ادري والله

يمكن فى البدايه تحس كذااااا بس بعدين تتغير نظرتك .............

oska88
^
^

اتوقع ان كراميلا تقصد الدراسه الجامعيه موب اللغه .. لانها تقول ( اللي مو فاهم في التخصص حقه ) ..

رحم الله امرء عرف قدر نفسه ، اذا انتي تحسين انك بالدراسه مو مرا ، حاولي تشوفين التخصصات الاسهل وحلوه زي مثلا البزنس يعتبر تخصص اسهل من غيره وحلو مرغوب ..

بنفس الوقت حاولي تشوفين وش المواد اللي ضعيفه فيها وماتدخلين تخصص يعتمد عليها ، زي مثلا اللي يدخل تخصصات الهندسه وهو سيء بالرياضيات هذا يوهق نفسه لان الرياضيات معك لين التخرج

عكس مثلا تخصص البزنس تدرس 3 مواد رياضيات بس ..

طبعا هذا مثال ، وانتي قيسي عليه ببقية المواد ..

فيه تخصصات حلوه ومافيها صعوبه زي الايدوكيشن ومنها التربيه الخاصه والخ .. حتى اني اشوف ان هالتخصص يصلح للبنات اكثر لاسباب كثيره اهمها انه مطلوب بالسعوديه..

مجمل كلامي ، الواحد المفروض يكون فاهم نفسه اذا موب مرا بالدراسه وعلى قد حاله مايدخل تخصص قوي ومعقد ، ولا هو عيب انك تختار تخصص سهل ، تاخذ شهاده احسن من لاشي ،،

في نقطه مهمه ، النفسيه لها دور كبير في نجاحك في حياتك بشكل عام وفي دراستك بشكل خاص ، لاتفكرين كثير في المستقبل هل تبي تمشين او تبي ترجعك الملحقيه والخ ..
الواحد يتوكل على الله ويعطي ويجتهد قد مايقدر ، والارزاق بيد اللـه ..

وعلى الطاري ، اكلم خويي تخرج ماشاء الله بعد رمضان اللي راح هذا ، وكان من بين كلامه يقول تخرجوا معه ناس يعرفهم شخصيا ً يقول مايعرفون يركبون جمله انجليزيه داجين ولاهم فاهمين الطبخه اببببد!!
بس على قولته يدفون نفسهم بالجامعه دف لين تخرجوا هههه وهذا المهم

اتمنى انك استفدتي من هالكلام ومن يقرأ بعد ، لاني للاسف ضعيف بالتعبييير مره متى بس يفتحون منتديات صوتيه لول :)

بالتوفيق

لما قرات الموضوع حسيت كان احد ضربني على راسي

انا نسيت تخصصي كله .. كله كله

الله يعين

اخوي اياد .؟؟ سلامات كلامك ماله اي علاقة او صحه .. وماله داعي مع كل احترامي
اختي الكريمة الامر جدا جدا طبيعي وعادي ومتوقع
انتي كم لك متخرجة؟ وكم لك في اللغة ؟ وفي اللغة ما درستي ولا شي الا انجليزي كأن مافي شي ثاني للاسف فهذا مسح كل شي عندك من قبل .. وفي الحقيقة ما انمسح بس مضيعته! وهذا من واقع تجربة انا جالس امر فيها الحين
تدفعين لاحد يحل واجباتك؟ اكبر غلطة .. خلي احد يساعدك فيها وخذي لك مدرس خصوصي ويكون كويس ويصير تمشين مع المدرس حبة حبة الين تمشين .. وفي مواقع تساعد زي هذي
Khan Academy
مدرسة لحالها هذي !
وعندك طرق واااااجد اهم شي لا تستسلمين
وانا عندي تجربة مباشرة في الشي هذا والحمدالله الفروق طلعت من الحين
دخلت الجامعه بحماس وما ادري وش يقول الدكتور من اول يوم الين جت فترة 3 اسابيع او 4 .. وقتها كان النصف النهائي .. وجبت لك درجات الله لا يوريك اقل من النص !! شي يفشل مرة .. بس بعدها الحين شديت على نفسي وجبت لي مدرس بفلوس ومدرس بدون لكل المواد .. وخليت شباب سعوديين يساعدوني ما قصروا وقعدت مع امريكان يشرحون شوي.. وقعدت مع البروفسور يشرح الين الحين .. والحين صرت فاهم جزء كبير من المادة وماشي بمستوى احسن من اول بكثير وباذن الله المعدل يثبت الشي هذا .. اهم شي بدون يأس وخليك متحمسه وواثقة خاصة اذا كنتي من اول شاطرة بس مع تغيير اللغة شكيتي بقدراتك
موفقة يارب
اما على سالفة تدفعين فلوس ومدري كيف .. ما انصح فيها .. في مواقع واجد.. ولا تنسين عمنا قوقل ترا ما يقصر

الصراحه بعد ماشفت الموضوع يبيلي اراجع نفسي بالتخصص الي بدخله

اشكر للجميع تواجدهم وردهم في هذا الموضوع واعتذر عن التأخير في الرد.
حتماً لم اضع الموضوع واهرب بل اني قرأت ردودكم جميعها من وقتها ولكني فضلت أن لا اقوم بالرد عليكم إلا بعد انتهاء الفصل الدراسي كتحدي لنفسي فيما إذا كنت سوف ارد عليكم بسعادة بعد النجاح أو بإحباط بعد الرسوب وها أنا ارد عليكم الآن بكل سعادة ولله الحمد بعد أن انهيت 12 ساعة من اصل 36، والجميل اني لم احصل على الكثير من المساعدة وكنت اكتب واجباتي واختباراتي وبحوثي بمجهودي الشخصي وفي المقابل عرفت الكثير من الزملاء كانوا يقدمون واجبات ومشاريع لم يكتبوا فيها حرفاً واحداً ومع هذا كانت درجاتي قريبة جداً من درجاتهم.
في الحقيقة أنا لم اكن محبطة بدون سبب بل لأني كنت في وقت الكلاس مثل الأطرش في الزفة لعدد من الأسباب اهمها هو اني الوحيدة التي ادرس تخصص يختلف تماماً عن تخصصي في البكالوريوس وجميع الطلاب والطالبات معي في الكلاس يعتبر هذا التخصص امتداداً لتخصصاتهم في البكالوريوس وجميع زملائي الطلاب الدوليين بما فيهم السعوديين كانوا قد درسوا البكالوريوس في الولايات المتحده يعني بإختصار (ماخذين على جو الدراسة في امريكا). احد اسباب احباطي هو أن لغتي الاكاديمية غير جيدة بالرغم من اني درست اللغة لمدة سنة في الولايات المتحدة ولكن عودتي للسعودية وتأخري في العودة للولايات المتحدة بسبب تأخر اصدار الفيزا عند تجديدها من السفارة الامريكية لمدة تقارب العشر اشهر كان لها تأثير سلبي كبير على لغتي.

اقتباس:

---

المشاركة الأصلية كتبت بواسطة إياد العنزي

- مين هذا الي يدخل تخصص مو فاهمة !!
- أكيد ببعطوة علي راسة مو مخلينة يفشل ، و بعدين في جامعات كثير جدا بمجرد ما انك تقول انك طالب اجنبي ، درجتك تطير بالسماء
لانه الجامعه قائمة عليك انت ، فإذا رحت قفلت الجامعه
الأمريكان مو مثل ابوي و ابوك يدفعوا لنا للجامعه !! هنا يقول لولدة انقله اشتغل في مطعم ولا بار و دبر راسك

- ادرس الشي الي تبيه أنت تبيه لا تتفلسف و تدرس حاجة كبر منك . او دور جامعه بطيخ و ادرس فيها و بيدفوك
- أكيد مو قانوني

---

رداً على استفسارك، الكثير وخاصة الفتيات بحكم أن تخصصات البنات في السعودية محدودة جداً لهذا يضطررن لدخول تخصصات لاتمت لتخصصات السابقة بأي صلة.
بالنسبة على الحصول على المساعدة بمقابل مادي، اكد لي احد معلميني أن هذا شيء قانوني في الولايات المتحدة وقال لي بالحرف الواحد اذهبي وابحثي عن من يساعدك، وأنا تأكدت من ذلك فهناك الكثير من المواقع التي تكتب لك واجباتك ومشاريعك بمقابل مادي وهي مشروعة ومصرح لها بالعمل في الولايات المتحدة ودول أخرى.
على أي حال، شكراً لتواجدك وردك.

اقتباس:

---

المشاركة الأصلية كتبت بواسطة oska88

راح تحس بهالاحساس عند وصولك في امريكا في اول الفترة انك مو فاهم شيء ... لكن بصراحه المعهد اللي راح تكون فيه راح يكون متفهم هالشي
وبرضو العائلة اللي راح تسكن معاهم راح تكون متفهمه
عادة ... المستوى الاول والثاني ماراح تواجه فيها صعوبه كبيره لانها اساسيات فقط ... وتقدر تقول انها نفس الانجليزي اللي درسته بالثانوي مع اختلاف طريقة التدريس والمناهج
الملحقية تعطيك سنة انجليزي
وممكن تمددها الى ستة شهور ولكن بشروط ما اعرفها بصراحه

اندماجك مع المجتمع ... مذاكرتك اول باول ... حل الواجبات ... الالتزام بالحضور ... كل هالاشياء راح تخفف عليك كل الصعوبات

كثير منا يعرف ناس حتى جمله بالانجليزي ما يعرف يركبها .. والحين تحصلهم يكملون ماستر ... فقط بالالتزام بما ذكرته فوق ... فيه ايضا معاهد تعطيك دروس تقويه احيانا بمقابل واحيانا بدون مقابل على حسب نظام المعهد

لو بتعتمدي على غيرك في حل الواجبات ماراح تقدري تكملي بقية مشوارك الدراسي ... ممكن تتساعدون انتي ومجموعة من الطلاب او الطالبات في حل واجب وهذا هو الافضل ... طبعا مو مطلوب منك تحلينه صح 100%
اهم شي تبين للاستاذ اني حاولت احله وهذا اقصى ما اقدر عليه
ممكن فيه طلاب يحلون واجباتك وممكن لا ما ادري والله

---

كنت اقصد الدراسة الجامعية وليست دراسة المعهد. فترة الدراسة بالمعهد كانت من اجمل مراحل حياتي وهي مهما كانت درجة صعوبتها إلا انها لاتسبب ضغط نفسي للطلاب مثل دراسة الجامعة لأنك تذهب للمعهد وأنت خام ويفترض بهم تعليمك ولكن في الجامعة وخاصة طلبة الماستر والدكتوراه يتوقع منهم أن يكونوا ملمين بكل مايتعلق بتخصصاتهم.
على أي حال، شكراً لتواجدك وردك.

اقتباس:

---

المشاركة الأصلية كتبت بواسطة الماسسه

يمكن فى البدايه تحس كذااااا بس بعدين تتغير نظرتك .............

---

وهذا اللي صار.
شكراً لك

اقتباس:

---

المشاركة الأصلية كتبت بواسطة ابوفهد2000

oska88
^
^

اتوقع ان كراميلا تقصد الدراسه الجامعيه موب اللغه .. لانها تقول ( اللي مو فاهم في التخصص حقه ) ..

رحم الله امرء عرف قدر نفسه ، اذا انتي تحسين انك بالدراسه مو مرا ، حاولي تشوفين التخصصات الاسهل وحلوه زي مثلا البزنس يعتبر تخصص اسهل من غيره وحلو مرغوب ..

بنفس الوقت حاولي تشوفين وش المواد اللي ضعيفه فيها وماتدخلين تخصص يعتمد عليها ، زي مثلا اللي يدخل تخصصات الهندسه وهو سيء بالرياضيات هذا يوهق نفسه لان الرياضيات معك لين التخرج

عكس مثلا تخصص البزنس تدرس 3 مواد رياضيات بس ..

طبعا هذا مثال ، وانتي قيسي عليه ببقية المواد ..

فيه تخصصات حلوه ومافيها صعوبه زي الايدوكيشن ومنها التربيه الخاصه والخ .. حتى اني اشوف ان هالتخصص يصلح للبنات اكثر لاسباب كثيره اهمها انه مطلوب بالسعوديه..

مجمل كلامي ، الواحد المفروض يكون فاهم نفسه اذا موب مرا بالدراسه وعلى قد حاله مايدخل تخصص قوي ومعقد ، ولا هو عيب انك تختار تخصص سهل ، تاخذ شهاده احسن من لاشي ،،

في نقطه مهمه ، النفسيه لها دور كبير في نجاحك في حياتك بشكل عام وفي دراستك بشكل خاص ، لاتفكرين كثير في المستقبل هل تبي تمشين او تبي ترجعك الملحقيه والخ ..
الواحد يتوكل على الله ويعطي ويجتهد قد مايقدر ، والارزاق بيد اللـه ..

وعلى الطاري ، اكلم خويي تخرج ماشاء الله بعد رمضان اللي راح هذا ، وكان من بين كلامه يقول تخرجوا معه ناس يعرفهم شخصيا ً يقول مايعرفون يركبون جمله انجليزيه داجين ولاهم فاهمين الطبخه اببببد!!
بس على قولته يدفون نفسهم بالجامعه دف لين تخرجوا هههه وهذا المهم

اتمنى انك استفدتي من هالكلام ومن يقرأ بعد ، لاني للاسف ضعيف بالتعبييير مره متى بس يفتحون منتديات صوتيه لول :)

بالتوفيق

---

طبعاً استفدت من كلامك اخوي، وبالنسبة للتخصص خلاص مافي أمل اغيره لأني قطعت ثلث المسافة حالياً ولكن نصيحتك مهمة جداً للطلاب في مرحلة اللغة والطلاب بشكل عام قبل اختيار تخصصهم.
شكراً لك على مشاركتك المفيدة.

اقتباس:

---

المشاركة الأصلية كتبت بواسطة الاوركيديا

لما قرات الموضوع حسيت كان احد ضربني على راسي

انا نسيت تخصصي كله .. كله كله

الله يعين

---

على الأقل هو تخصصك ولكن غيرك يدخل تخصص ماكان يعرف عنه غير اسمه، وبما اني كنت سبب في احباطك اتمنى اني اكون سبب رفع معنوياتك.
على أي حال، شكراً لتواجدك وردك.

اقتباس:

---

المشاركة الأصلية كتبت بواسطة R20

اخوي اياد .؟؟ سلامات كلامك ماله اي علاقة او صحه .. وماله داعي مع كل احترامي
اختي الكريمة الامر جدا جدا طبيعي وعادي ومتوقع
انتي كم لك متخرجة؟ وكم لك في اللغة ؟ وفي اللغة ما درستي ولا شي الا انجليزي كأن مافي شي ثاني للاسف فهذا مسح كل شي عندك من قبل .. وفي الحقيقة ما انمسح بس مضيعته! وهذا من واقع تجربة انا جالس امر فيها الحين
تدفعين لاحد يحل واجباتك؟ اكبر غلطة .. خلي احد يساعدك فيها وخذي لك مدرس خصوصي ويكون كويس ويصير تمشين مع المدرس حبة حبة الين تمشين .. وفي مواقع تساعد زي هذي
Khan Academy
مدرسة لحالها هذي !
وعندك طرق واااااجد اهم شي لا تستسلمين
وانا عندي تجربة مباشرة في الشي هذا والحمدالله الفروق طلعت من الحين
دخلت الجامعه بحماس وما ادري وش يقول الدكتور من اول يوم الين جت فترة 3 اسابيع او 4 .. وقتها كان النصف النهائي .. وجبت لك درجات الله لا يوريك اقل من النص !! شي يفشل مرة .. بس بعدها الحين شديت على نفسي وجبت لي مدرس بفلوس ومدرس بدون لكل المواد .. وخليت شباب سعوديين يساعدوني ما قصروا وقعدت مع امريكان يشرحون شوي.. وقعدت مع البروفسور يشرح الين الحين .. والحين صرت فاهم جزء كبير من المادة وماشي بمستوى احسن من اول بكثير وباذن الله المعدل يثبت الشي هذا .. اهم شي بدون يأس وخليك متحمسه وواثقة خاصة اذا كنتي من اول شاطرة بس مع تغيير اللغة شكيتي بقدراتك
موفقة يارب
اما على سالفة تدفعين فلوس ومدري كيف .. ما انصح فيها .. في مواقع واجد.. ولا تنسين عمنا قوقل ترا ما يقصر

---

اخوي ردك كان جداً مفيد بصراحة وأنا شخصياً كتبت هالموضوع بعد مرور تقريباً اربع أو خمس اسابيع من بداية دراستي وعلى قولتك درجات نصف الترم كانت تفشل بس ولله الحمد عملت بنصائحكم وكانت درجات النهائي مختلفة تماماً عن النصف وطبعاً أنا بداية ماكنت اتجرأ اني اطلب المساعدة من احد واحد الزملاء السعوديين لاحظ اني محتاسة ومو قادرة اطلب مساعدة فقدم هو لي مساعدته بدون ما اطلبه وكان احد عوامل نجاحي الله يوفقه إن شاء الله.
بالنسبة للعم قوقل الله لايحرمنا منه دائماً افكر كيف كانوا المبتعثين القدماء ايام الثمانينات يحلون واجباتهم من غير قوقل ومن غير النت ووسائل الاتصال الحديثة بشكل عام.
على أي حال، شكراً لتواجدك وردك المفيد اخوي.

اقتباس:

---

المشاركة الأصلية كتبت بواسطة i miss

الصراحه بعد ماشفت الموضوع يبيلي اراجع نفسي بالتخصص الي بدخله

---

وهذا اللي المفروض يسويه كل شخص قبل ما يختار تخصص مايفقه فيه شيء واعرف كذا شخص غير تخصصه بعد ما شاف حالتي واولهم زوجي :)
على أي حال، شكراً لتواجدك وردك.