استفسار (( كيف انقل مبلغ كبير لامريكا .. شيك مصدق،شيكات سياحية .....))

أنا شغال في بنك ولله الحمد ,, خذ العلم

المبلغ فوق الخمسين ألف دولار ,, مو بسيط ..

الموضوع البنوك السعودية + الأمريكية ممكن تتعب الولد لو جاته الفلوس " مبدأ من مباديء مكافحة الإرهاب عن طريق غسيل الأموال " ..

أفضل شي يعمله إنه ياخذ جزء من المبلغ ( بحد أعلى 5 الاف دولار ) معاه كاش او في حساب فيه فيزا مسبقة الدفع لو ما يبغى الفيزا العادية ..

والباقي تحولوه له على دفعات بعد ما يفتح حساب في بنك أمريكي هناك ..

بالنسبة للدفعات أنا افضل انكم تحولها على طريق الاونلاين بعد ما تضيف حساب اخوك عن طريق الويب سايت حق البنك

اذا اضطريت تروح البنك حاول انك تحوله الفلوس في أكثر من مره وكل مره تذكروا سبب الحوالة شكل .. يعني شراء سيارة

مصاريف دراسية ,, مصاريف عائلية وهكذا ..

ما أنصح بالشيكات التحويل أفضل بكثير لأنه أأمن لكن اخوي اتأكد من انه كافة البيانات صحيحة لما تضيف حساب اخوك الامريكي عشان لا تروح وترجع

الحوالة وتنخصم الرسوم + فرق العملة وما تستفيدوا شي ..

أفضل تحويل هو الراجحي وبعده انجاز وبعده تيلي موني .. " وجهة نظري "

أتمنى اني اكون افدتك وبالتوفيق

السلام عليكم ورحمة الله وبركاته

الشغلة بسيطة ومافي ابسط منها

الحل الاول تقدر تصدر لك شيك سياحي بالمبلغ كامل ولما تجي امريكا تعطيه البنك وينزله بحسابك بدون اي سؤال او تدخل لان الشيك مصدر ومصدق من احد البنوك المعروفه والمعتمدة. الشيك طبعا بإسمك ومحد يقدر يستعمله وفي حالة الضياع تقدر تلغية باتصال للبنك. عموما الشيك السياحي حاليا في بنوك بعض السعودية ماتتعامل معاه

الحل الافضل والامن انك تجي امريكا بمبلغ صغير جدا لايتجاوز 3000 دولار وتروح لاحد البنوك الامريكيه وتفتح حساب طالب وتبلغ موظف البنك بنفس الوقت انه راح تجيك حواله من الوالد وهو مبلغ من عنده لشراء سياره ومستلزمات وهذا عشان يكون عندهم خبر لو جا المبلغ ولقو ان حسابك حساب طالب عشان لاتتعكر. وللمعلومية ان المبلغ اول مايجي حسابك مش لازم ينزل كامل يمكن ينزل على دفعه او دفعتين وهذا امر طبيعي لان البنك اول ماتوصل الحواله تكون على حسابك بس النظام بعده مايسوي لها بروسيسنغ ويتآكد انها لك ووصلت للشخص الصحيح. وهذي الشغلة حتى لما تودع شيك او تجيك حواله داخليه يصير نفس الشي

واتمنى اني افدتك