انا متورط من الي بيفيدني في وضعي
السلام عليكم ورحمة الله وبركاته : أحبائي أحتاج إلى مشورتكم للي يملك الخبرة :
انا ابتعثت للولايات المتحدة الامريكيه في شهر july 2010 جلست في امريكا 4 شهور الى شهر 11 نوفمبر ، جتني ظروف صحيه ورجعت للسعودية بدون إذن من الملحقية
لاني كلمتهم ورفضوا وذاك الوقت كنت تعبان نفسيا، المهم في شهر 4 ابريل 2011 م أجريت عملية والحمد لله تحسنت كثير ولله الحمد ، في شهر أكتوبر 2011 م رحت لوزارة
التعليم العالي وقابلت الدكتور الفوزان وشرحة له الي صار لي واني ابي اسوي ايقاف للبعثة لفترة معينة وطلب مني التقارير الطبية وأحال المعاملة للجنة الطبية وانا الان انتظر
ردهم لي ، سؤالي الان انا درست لغة 4 شهور فقط ، هل اذا وافقت الوزارة واعادوني هل سابدأ دراسة اللغة من جديد ام ان الملحقية بتقولي انت بعثتك كانت ماشية وصار لك
سنة وثلاث شهور والمتبقي لك في فترة اللغة 3 شهور فقط ، انتظر ردودكم واعرف اني غلطان وظيعت فرصة على نفسي ، المشكلة اذا قالوا لي ان المتبقي من اللغة 3 شهور فقط
اتوقع انه صعب علي لان مستواي ضعيف جدا في اللغة ويبغالي اقل شي سنة لغة مع العلم ان بعثتي تنتهي في عام 2015 م .
وتقبلوا تحياتي
رد: انا متورط من الي بيفيدني في وضعي
ما اتوقع انهم بيحسبون عليك الفتره هذي !!
لان معك عذر رسمي انك سويت عمليه
الله ييسر امورك
رد: انا متورط من الي بيفيدني في وضعي
الله يعطيك العافية أخوي محمد وان شاء الله يصير الكلام زي ماتفضلت انا أخطيت المفروض اني اشعرتهم من قبل لاكن قدر الله وماشاء فعل ، المفروض اني سويت العملية اول ما وصلت
السعودية ، بس تعرفون مستشفيات الحكومة متى تعطيك موعد عملية . وننتظر ردود الاخوان الي عندهم خبرة في هالمواضيع
رد: انا متورط من الي بيفيدني في وضعي
الحمد لله على سلامتك !! هذا اهم شي
لكن الي اعرفه انا انو في طلاب كان عندهم ظروف وردوا السعوديه وما انحسبت عليهم الفتره هذي
رد: انا متورط من الي بيفيدني في وضعي
الله يسعدك أخوي محمد ويبشرك بالجنة
رد: انا متورط من الي بيفيدني في وضعي
الف الحمدلله ع سلامتك
انت مالك غير الدعاء وان شاء الله أمورك تمشي بسهولة وزي ماتبي
رد: انا متورط من الي بيفيدني في وضعي
يارجال فيه ناس ما عندهم ظروف ولاشي وتمشي أمورهم ...
بس أهم شي خل معاك كل التقارير وكل الأوراق اللي تثبت حالتك الصحيه ووضعك وإن شاءالله يقدرون الوضع لأنهم بشر ويتفهمون والسالفه مو تحجير وتحدي لكنهم وضعو تحديد هالفتره عشان الواحد يحرص ويخلص اللغه بأسرع وقت ...
الحمدلله على سلامتك وموفق باذن الله ...
رد: انا متورط من الي بيفيدني في وضعي
رد: انا متورط من الي بيفيدني في وضعي
اولا الحمد لله على سلامتك يالغالي ويزول الباس ..
ثانيا ماعتقد انهم بيحسبونها عليك لان معك تقارير تثبت كلامك وهم بيقدرون الوضع.
ثالثا والاهم ان الوضع مافيه نظام ولعلمك معي واحد من الشباب اخذ باللغه " سنتين وشهر " وكلها قضاها بامريكا يعني الدوة واسطات والامور تمشي ..
الله يديم علينا نعمة " الفلته " اللي بالملحقية ..
رد: انا متورط من الي بيفيدني في وضعي
كانت تمشي رواتبك يوم انت بالسعودية ؟