مساعدة افضل الخطوط للسفر من السعوديه الى امريكا تكفوووووون مابقي على دراستي شي

هلا وغلا
تروح وترجع بالسلامة

أولا : أمريكا خمسين ولاية ، يعني تقدر تقول خمسين دولة في دولة وحدة ! فأي ولاية بتروح ؟

ثانيا : أنا في نظري الخطوط البريطانية أفضل بكثير ، وعندها أكثر من مطار في أمريكا ، منها مطار كندي بنيويورك (بالشرق)، ومطار هيوستن (بالوسط)، ومطار لوس أنجلس (بالغرب). الرياض - لندن - نيويورك أو هيوستن أو لوس أنجلس . وهذي ميزة حلوة ، بدال 14 ساعة متواصلة في السماء وقرف ، تكون محطة راحة في المنتصف .

ثالثا : وعندك أيضا خطوط بي ام آي (البريطانية) من طريق لندن كذلك ، وخطوط لافثانزا الألمانية من طريق ميونخ أو فرانكفورت ، ولها وجهات كثيرة في أمريكا .

أخيرا : الخطوط المناسبة كثيرة ، لكن نصيحتي تجنب الخطوط السعودية وطيران الخليج ، والباقي معقول ومقبول .

تحياتي

الفرنسيه - بريطانيه -المانيه

اختار وحدة فيهم

اذا تبي تختصر احجز مثلي على السعوديه الرياض او جده دايركت على واشنطن بس اذا ما تحب تختصر اركب البرطانيه عن طريق لندن و حدد الولايه اللي تبيها .. اذا تبي طيران داخلي ينصحون بأمريكان ايرلاينز .. ,وموقعهم هو Airline Tickets and Airline Reservations from American Airlines | AA.com
موفق اخي

هلا يا غالي
إذا يبي يختصر يروح على البريطانية أو الألمانية أو الفرنسية ، خدمة رائعة ، وأسعار معقولة ، ومواعيد دقيقة ، ومعاملة تليق بالبشر .
أما إذا يبي السالفة تطول ! ومن موعد إلى موعد ! وتأجلت الرحلة لأسباب غير معلومة ، ولأجل غير محدد ! ومعاملة زفت ، وأوجه تافهة ، وخدمة سيئة ، ولحوم حمير ، فيروح بخطوطنا المحلية ! وكم يحزنني أنها تحمل اسم (السعودية) ! وكم شوهت هذا الاسم الجميل .

فتبا لها من خطوط حقيرة ، وتبا لمن عليها ، من خالد الملحم إلى أصغر معاونيه !

الاماراتيه يالغالي عن تجربه خدمه+دقه في المواعيد+سرعه في الوصول

وتنزل في كثير من المطارات منها سان فرانسيسكو ولوس انجلوس ونيويورك.

الله ينووووور عللييكم ياحبايبي والله كثير يمدحووون لي بريطانية أو الألمانية أو الفرنسية والقطريه ، خدمة رائعة ، وأسعار معقولة ، ومواعيد دقيقة ، ومعاملة تليق بالبشر
بس هل بحصل حجز في الحج ولا لا لاني انا لسي انتظر الفيزا حقتي وما بقص التذكره الا بعد مالفيزه بيدي .
وبروح علي اوريغن مدينه بروتلاند ايش اقرب مطار دولي لها الله ينووور عليكم

رح مع الخطوط السعودية ولا تهتم أبد... رحلاتهم دايركت لواشنطن او نيويورك والأرخص حتى الىن من خلال المقارنة بين الناقلين الآخرين...

وعلى فكرة : مشاكل الخطوط السعودية وسمعتها السيئة غالباً بالرحلات الاخلين بين المدن السعودية وليس بين الدول...

يعني تذكرة ذهاب فقط تصير تقريباً بألف وتسعمائة ريال!!! يا بلاش رح احجز على القطرية ولا الاتحاد او البريطانية او غيرها وشف كم الأسعار والتر انزيييت...

السلام عليكم اخوي لاتفوتك القطرية حلوة كانك جالس بقصر ماهو طيارة واتمنى لك التوفيق ....

روح على القطريه او الاماراتيه او الاتحاد لانه اقرب نقطة وصول لك هي سان فرانسيسكو.ولكن نصيحه من اخوك اذا كانت وجهتك لواشنطن عشان امور فتح الملف وخلافه فخليك على الخطوط السعوديه وخصوصا انها الارخص والافضل لسكان المدن الداخليه عشان رايح يعطوك تذاكر داخليه الى اقرب مدينه رئيسيه مجانا..
اذا حبيت تحجز اديني خبر وانا رايح اساعدك ولكن المطلوب منك دعوه بالتوفيق لي ولاهلي .