الأعضاء الإشتراك و التسجيل

الملتقيات
ADs

العالم اللي تسال يروحو الملحقية ولا لا والاجابات الغريبة من عالم ثانية...شرحح تجربببة

العالم اللي تسال يروحو الملحقية ولا لا والاجابات الغريبة من عالم ثانية...شرحح تجربببة


NOTICE

تنبيه: هذا الموضوع قديم. تم طرحه قبل 2293 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية the big dude
    the big dude

    مبتعث مستجد Freshman Member

    the big dude الولايات المتحدة الأمريكية

    the big dude , ذكر. مبتعث مستجد Freshman Member. من السعودية , مبتعث فى الولايات المتحدة الأمريكية , تخصصى MLIS , بجامعة University of Pittsburgh
    • University of Pittsburgh
    • MLIS
    • ذكر
    • pittsburgh, PA
    • السعودية
    • May 2010
    المزيدl

    October 10th, 2011, 06:39 AM

    السلام عليكم

    كيفكم ياليل طيبين كلو تمام

    انا ما ادخل كتير المنتدى لكن لاحظت انو في عالم دايما تفتي وكل ما احد سال عن الملحقية يقلك لا لا افضل انك تنزل واشنطن وتسلم اوراقك بنفسك اضمنلك ؟ ؟؟؟

    سلامات يعني تخسرو الناس فلوس وانتو ماعندكم اي او ادنى خلفية عن النظام الجديد ؟؟؟؟؟؟؟؟؟؟؟؟؟؟؟؟؟؟؟؟؟؟؟؟

    انا ياجماعة رحت الملحقية في اليوم اللي قبل الزلزال اللي جا واشنطن في رمضان ورحت يوم الزلزال كمان لووووول

    المهم اني يوم رحت ودخلت الملحقية وكانت زحمممممممة للييييييييييل المهم رحت للقطاع اللي ماسك الولاية اللي انا فيها واتكلمت مع المشرفين وكدى ولااحد يطل في وجهك
    كل ماتجيب سيرة ملف لو تسال اي احد يقلك انزل الدور الارضي في غرفتين فيها كمبيوترات وكل كمبيوتر في سكان حمل اوراقك واعمل فتح ملف اونلاين واتكل
    وبعدين هما بعد كم يوم او اسبوع او شهر او احتمال انهم يسحبو عليك المهم بعد فترة تجيك البيانات عن طريق الايميل ويدوك رقم طالب ورقم سري تدخل بيه البوابة
    ولا حد يقلي انو تقدر تسلم اوراقك يدوووووي ياناس بلا فتووووة انا متكي في الملحقية فوق ساعتين وفوق هذا انا عارف مين مشرفي لاني موظف حكومي مبتعث ورحتله قلي والله مو بيدي شي كله الكتروني
    يعني طلعت واشنطن عالفاضي طاق فلوس فندق الشيراتون ومواصلات واكل عالفاضيييي
    غير كدى ياجماعة والله زحمة حتى مامداني اوقف سرا تحت في الملحقية استخدم السكنر حقهم
    اصلا تفكير غريب اللي يفكر انو يجي واشنطن يومين عشان يستخدم كمبيوتر وسكنر الملحقية ؟؟؟ ياخي روح مدينتك وولايتك وشفلك اي سكانر او كمبيوتر سلاممات؟
    عموما فندق الشيراتون اللي يودوكم هوا اللملحقية ... وعلى فكرة الملحقية مو هيا الللي توديكم هوا السوداني مجرد انو يوريك فين باص الفندق ومع السلامة
    الفندق هاذا اخدين فيها غرفة تحت في اللوبي حاطين كمبيوترين مدري ثلاثة وسكان وطابعة للطلاب السعوديين
    انا ماصدقت خرجت من زحمة الملحقية رحت للفندق والاقي سرى كانك في كرسبي كريم كل الناس تبغى تسوي سكان
    المهم ريحت دماغي ونزلت برنامج اسمو سكان برو في الايفون
    وتكيت في اللوبي حق الفندق في وايرلس
    وفردت اوراقي كلها في اللوبي على الطاولة كانك فارد ملوخية في المطبخ
    وقعدت اعمل سكان لاوراقي كلها بالايفون وبعد ما خلصت حملتها كلها في الايميل وارسلتها على ايميلي بعدين فتحت الايميل من لابتوبي ونزلت الاوراق كلها على اللابتوب
    وعملت فتح ملف جديد وعبيت البيانات وحملت ابوها كلها وارسلتها
    المهم غير كدى الايفون ريحني من ناحية الحجم لانو لو حجم المستند اكبر من 500 كيلوبايت محا يقبلو موقع الملحقية لما تفتح ملف لازم اقل من 500
    فالبرنامج حق الايفون كان يخليني اختار كم حجم المستند
    المهم بعد ماخلصت ورحت نمت
    ثاني يوم جيت رايح الملحقية كان واحد قريبي يبغا يروح يسال مشرفو عن شي والا اول ماوصت ويجيك الزلزال والاقي الملحقية كلها في الشارع انا والله حسبت في مظاهرات شي
    لانو واحنا في السيارة ماحسينا ما ادري ليه
    المهم ماعلينا
    بعدين رحت مدينتي وكل شي وسحبو عليا مدري كم اسبوع لا رقم طالب ولا باسوورد ولاهم يحزنون
    المهم انا نصيحتي للي في حالتي قدمت وقعدت ابو اسبوعين او اكثر ما رسلولك شي .. انك تدخل على موقع البوابة الالكترونية حلو
    حتلاقي تحت كلمة دخول لاول مرة للحصول على كلمة مرور اضغط عليها
    حتجيك نافذة ثانية تحط رقم الطالب في الملحقية ورقم الهوية
    اذا انو جاك رقم الطالب في الملحقية في الايميل خير وبركة اكتبه واكتب رقم الهوية الوطنية والمفروض يجيك الباسسورد على ايميلك
    اذا ماجاك حتى رقم الطالب في الملحقية
    حتلاقي تحت في النافذة الثانية لنك كدى مكتوب لا اعرف رقمي في الملحقية اضغط عليه وزبط امورك وارسلهم ايميلات الين يردو عليك
    دا الكلام كلو هنا
    https://stdportal.mohe.gov.sa/_layou...%2F&Source=%2F
    انا هاذا اللي سويتو الين زبطت اموري
    بس ماتسوي الحركة دي من ثاني يوم او ثالث يوم لا بعد كدى اسبوع ولا اسبوع ونص بدون الويكند
    اما التامين الطبي وهرجتو بعديكم اديكم الهرجة
    وصلى الله وسلممم على سيدنا محمد
    ولاحد يزعل انا كلامي دا عشان ما ابغاكم تخسرو وقت وفلوس وتعب ويعطيكممممم العافية
  2. كلامك صحيح اخي وللاسف في كثير اجابات خاطئه بالمنتدى وناس تهول .. انا قبل لا اجي امريكا حسيت اني مراقب من السعوديه من كثر مايخوفوني!!
    مع العلم دخلت واشنطن وكاني داخل بيتنا!

    نصيحه اخويه لاتسمع اي نصيحه من المنتدى وخصوصا اذا كان شي مصيري يخصك..

    وشكرا
    7 "
  3. عبد العزيز يعطيك العافية ولا يصح الا الصحيييح

    الاخ فهد يابويا اذا احنا المبتعثين ماله داعي روحتنا للملحقية كيف اللي على حسابهم الخاص عموما انا ما افتني الا من تجربة عندي واحد من الشباب قبل اسبوع جانا في مدينتي ولا طب واشنطن وهو على حسابه الخاص
    ورحنا مكتب فيديكس وعمل لاوراق سكان وعبى الابلكيشن وصلى الله وسلم اللي يبغا يروح الملحقية الله يوفقه لكن مو مستفيد شي
    الان صارو حتى اللي مبتعث وعنده ملف وكل شي لما يجي يروح الملحقية يبغا شي يقولو ه ادخل البوابة واعمل طلب لا تجينا هنا
    7 "
  4. أحسنت بارك الله فيك
    و شكرا على المعلومات المهمة و على النصيحة الغالية
    طبعا ألوم الناس اللي تتفلسف من راسها
    لكن أيضا ألوم الملحقية بل ألوم العقلية السعودية المعششة في رؤوس المسؤولين عن أي مصلحة حكومية
    كل شي عندهم أسرار و صمت رهيب
    يا أخي اكتب بروشورات و حط برزينتيشن على موقعك على الإنترنت اشرح للناس كل حاجة بالتفصيل الممل و بالشرح الواضح و الوافي
    يعني انت بارك الله فيك كمواطن عادي و محب للناس بكل بساطة شرحت لنا الموضوع
    أجل الآدمي المسؤول في الملحقية هناك وراه مخلي الأمور طلطميس ليش ما يكتب كل شي بالتفصيل في موقع الملحقية على الإنترنت ليش ما يزور المنتديات السعودية المشهورة و يضع موضوع يوضح فيه كل التفاصيل و يفتح باب للاستفسارات
    ليش ما يتواصل مع الصحف السعودية المشهورة و يضع في أجندة الحوار كلام تفصيلي عن إجراءاتهم
    ترى هذا اللي يصير عند تقريبا كل المصالح الحكومية الا من رحم ربي
    اقربهم كمثال يحضرني هو جامعة الملك سعود إجراءات التقديم و القبول في الماجستير تقول أسرار السحر الأسود قدم و فجأة بعد شهور تطلع الأسماء و ترى ما نعرفها إلا بالصدفة نزور منتدى الطلاب و يطلع لنا واحد من الطلاب متسمر على صفحة الدراسات العليا ينتظر الإعلان حقهم
    نتمنى من الشباب السعودي الجديد هذا الجيل المتطور و الذي لامس جانبا من التطور لدى شعوب الدول المتقدمة أن يأخذ من هذه الشعوب الأمور الطيبة و الأفكار المستنيرة و السلوكيات الذكية و يحاول يطبقها على نفسه أولا ثم على اللي حوله و على من يملك السلطة عليهم
    7 "
  5. يعطيك الف عافية على التوضيييييح ماقصرت

    بغيت اسالك مكتوب في المرفقات صورة من القبول الاكاديمي وانا ماعندي الا قبول لغة ياترى تمشي اموري والا لازم اجيب قبول ماستر

    مع العلم اني مبتعثة يعني مو على حسابي طالعه


    وشششششكرا
    7 "
  6. الاخ مانجر خخخخخخخ والله انك صادق ذكرتني بالمرور مرة صارلي حادث وارحلهم من الصباح واحووس والله ولا احد يدلك فين تروح ولا فين تجي كل ما تسال واحد يقلك روح هناك خخخخخخخ طب فين هناك
    مشي حالك والحمدلله على كل شي

    الاخت روز عادي بما انك على بعثة الملك حطي قبول اللغة بس هما عارفين انه ما عندك قبول اكاديمي لانهم هم مبتعثينك لكن لو انك مبتعثة من جامعة او شي حيكون معاكي قبول اكاديمي فترفقيه
    وسلامتكم
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.