** بخصــــوص ولاية أوهـــايو - أرجو من من لدية معلومة أن لايبخل بها

​بسم الله الرحمن الرحيم

السلام عليكم ورحمة الله وبركاته ..

أسعد الله أوقات الجميع ,, لدي استفسارات بخصوص ولاية - أوهايو - :

* ماهي المدينة الأفضل منبين هذي المدن : دايتون - كولومبس -أثينز

وياليت المقارنة تكون في النواحي التالية :

*مستوى الجامعات
*الأمن - الحجاب
*المعيشة علماً بأن معي زوجتي وطفلين
* المدارس والحضانة - وهل يوجد مدرسة اسلامية ؟ وفي حال عدم وجودها مالعمل ؟
* السكن
* نسبة السعوديين
* أماكن الترفية والمجمعات
* وجود نادي للمبتعثين السعوديين


أرجو من الجميع التفاعل ,, وجزاكم الله خير .

[/CENTER]

up up up<<<<<<<

لللللللللللللللللللللللللللللللللرفع

حياك الله أخوي
أنا بأكلمك عن كولومبوس لأني ماأعرف غيرها

أنا صار لي فيها شهر تقريبا ، والمدينة كبيرة وزينة وفيها أماكن ترفيه من مولات وحدائق وفيه مدن ملاهي قريبة منها حوالي الساعة ، والأمان فيها ممتاز جدا جدا ، والإيجارات فيها رخيصة
وبالنسبة للسعوديين فالمدينة مليانة سعوديين عوائل وعزاب ، وراعين فزعة ويسرون النفس حقيقة والحمدلله لكن لايوجد هناك نادي سعودي في المدينة إلى الآن للأسف
وبالنسبة للجامعة فهي مميزة وكذلك معهدها مميز ورايق جدا والمدرسين فيه جيدين في المجمل

لكن يعيب المدينة شيء واحد وهو البرد ، يعني الان في أكتوبر والحرارة تلامس 4 مئوية ، فكيف بيكون الوضع في يناير !!؟؟
موفق أخوي

​بسم الله الرحمن الرحيم

السلام عليكم ورحمة الله وبركاته ..

وعليكم السلام ورحمة الله وبركاته

أسعد الله أوقات الجميع ,, لدي استفسارات بخصوص ولاية - أوهايو - :

* ماهي المدينة الأفضل منبين هذي المدن : دايتون - كولومبس -أثينز

أنا عن نفسي ساكن بكولومبوس .. ولي الآن شهر .. حسب ماعرفته من كلام الشباب إن كولومبوس هي الأفضل بحكم أنها هي العاصمة وكل شيء متوفر فيها أزين من المدن الثانية ..

وياليت المقارنة تكون في النواحي التالية :

*مستوى الجامعات

اللي أقدر أفيدك عن معاهد اللغة ( فيه معهد ALP التابع لجامعة أوهايو ستيت - وهو الأفضل - من خلال بحثي وكلام الناس عنه لكنه [ يعجّ ] بالسعوديين كأنك بالمعهد البريطاني بالرياض ، المعهد الثاني معهد ELS سيء مع مرتبة الشرف الأولى ,, أكثر الطلاب يضعونه محطة للانتقال إلى الـ ALP ،، وهناك معهد جامعة - كابيتال - كما أعتقد لاأعرف عنه كثيراً ناس تمدح وناس تسب لكن السعوديين فيه أقل كما قيل لي )
الجامعات / جامعة أوهايو ستيت - أعرق جامعة والقبول فيها صعب وسمعتها مرررررررة ممتازة - ،،
جامعة أوهايو - لا أعرف عنها شيئا ..
وفيه عدد من الجامعات ماأعرف عنهن شيء .. ههههههههه

*الأمن - الحجاب

( أمااااااااان في غالب الأحياء وإبعد عن مناطق السود تسلم )
الحجاب : خل عيالك يسوون اللي يبون .. تلبس عباة كاملة مايطلع إلا عيونها تراها ماتلفت الانتباه أبد .. أنا معي بالكلاس 6 بنات سعوديات كلهن كاشفات الوجه إلا واحدة - الله يكثر من أمثالها - متغطية ماتشوف إلا عيونها والوضع ماشي تمام ولا فيه أي رمقات خارجة عن النص ., ( لاتقلق ) أنا أبجيب زوجتي وأبخليها تدرس ولا راح يطلع منها شيء أبد إن شاء الله .. يعني الوضع عااااااادي كأنك بالرياض ..

*المعيشة علماً بأن معي زوجتي وطفلين
اللي أسمعه إن الحضانة غالية شوي .. لكن إذا مهي دارسة زوجتك فلا داعي لكثرة المصاريف - لقووووووووف ؟ -
وأسعارهن متفاوتة على حسب الحضانة وعمر الطفل كل ماكان أصغر كل ماكان أغلى .. فيه على 700 بالشهر وأغلى وأقل وفيه بلااااش بس وقتهم أربع ساعات من 8 - 12 بس المشكلة من اللي يجيب العيال للبيت - ترى هالكلام بناء على كلام الشباب المتزوجين -

* المدارس والحضانة - وهل يوجد مدرسة اسلامية ؟ وفي حال عدم وجودها مالعمل ؟
ما أدري والله

* السكن

لاااااااااااااااااااتستعجل .. تراك تبي تصرف أول ماتجي على الفندق .. إلا إذا كنت مضبط قبل لاتجي ..
وأحياء تختلف عن أحياء ,, فيه دورين ( غرفتين ,وحمام ونصف ، ومطبخ ، وصالة وحوش صغير ) وبيسمنت على 700 - 750 -800 - 1000

* نسبة السعوديين
إلى الدفنة - بس إنهم أحزاب كل واحد وأخوياه -..

* أماكن الترفية والمجمعات
يقولون كولومبوس ديرة عوايل .. وأنا عن نفسي منب أطلع من الفندق وقليلة طلعاتي لكن الشباب المتزوجين مهب يقعدون ماشاء الله ..
أنووووووووووووووووووووووواع الحدائق ..
بس شكلك منتب جاي إلا بالشتاء فالله يعينك ..

* وجود نادي للمبتعثين السعوديين
على قدم وساق هذا الشباب يشتغلون فيه لكن مافيه شيء حتى الآن ..


أرجو من الجميع التفاعل ,, وجزاكم الله خير .

أتمنى إني أفدتك ولو بالقليل


وأي شيء أنا بالخدمة ..
وياليت رسالة بالخاص يكون أحسن ..

جزاكم الله خير ..


يااخوي سمارت واخوي مفرقع الكيرم

انا زرت المدينتين كولمبوس ودايتون وكلها حلوه
لكن المدينه الاخيره ترا صغيره جدا جدا
كولمبوس اهي العاصمه وجميله وأعجبتني صراحه
بس انت لايهمك الديره اهم شي الجامعه الي تناسبك وقبل كل شي تكون المدينه أمنه

مشكور يالغالي ....

ما عندي أي معلومة صراحة، لكن منها نرفع موضوعك وندعي لك بالتوفيق :)

وياليت المقارنة تكون في النواحي التالية :

*مستوى الجامعات

اللي أقدر أفيدك عن معاهد اللغة ( فيه معهد ALP التابع لجامعة أوهايو ستيت - وهو الأفضل - من خلال بحثي وكلام الناس عنه لكنه [ يعجّ ] بالسعوديين كأنك بالمعهد البريطاني
بالرياض ، المعهد الثاني معهد ELS سيء مع مرتبة الشرف الأولى ,, أكثر الطلاب يضعونه محطة للانتقال إلى الـ ALPهههههههههههههههههههههههههههههههه ياحلو الصراحه (معهد ELS سيء مع مرتبة الشرف الأولى )
جزاك الله خير على تنبيهك لأخوانك