نزلت للسعودية ؟ ندمت ؟ منت ناوي تنزل ؟

السلام عليكم

للنقاش بنات وشباب
نزلتوا السعودية ؟ كم مرة ؟
مانزلت ؟ متى ناول تنزل ؟
منت ناوي تنزل ؟ ليه ؟

بصراحة انا نزلت للسعودية مرتين ، المرة الاولى بعد قضاء 6 أشهر ، المرة الثانية بعد قضاء 5 أشهر
وبكل الحالات والله ما استفدت من جيتي لهم الا اللهم سلمت عليهم وشفتهم

السلبيات كثيرة والايجابيات 2 أو 3 بس
من السلبيات ضعف اللغة الإنجليزية .. وراح تنسى بعض الي درسته اذا جلست فترة طويلة عند اهلك
السفر ما السفر متعب وطويل وتشيل همه
تشيل هم السكن لا رجعت
امور مادية
غير كذا صارت لي مشكلة اكبر الي هي الفيزا السيفس قفلوه وهذاني منلطع عند اهلي راح ابدا من اول وجديد اجراءات الفيزا الثانية وباقي شهر بس شهر على فترة اللغة واقفل 18 شهر
اقسم بالله اني طالب متفوق من الابتدائي للمرحلة الجامعية مددري وش صايرلي ، قاعد عند اهلي قلقان واسترجع شريط ذكرياتي بامريكا وليه ما استغليت فرصة اللغة صح
ليه خليتها كلها رجعات للسعودية هذاني متورط لغتي ضعيفة بس مو مرة وشايل هم كيف ادبر قبول جامعي وكم راح اجيب باختبار ا لايلتس ومدري حتى اذا السفارة الامريكية يقبلون ولا يرفضون بالمقابلة
تركت عملي وجمعت فلوس وبعت سيارتي وابتعثت وانضميت للبعثة وفرحت من قلب وتحقق ربع الحلم وانا الحين طيرررررررررررررررته من يدي بكل برود
انصح اي واحد لا يرجع لاهله بفترة اللغة كاملة ويستغل دقيقة دقيقة فيها لا تضيع مستقبلك وتنحط بموقف زي موقفي الآن
حبيت افضفض دعواتكم لي

الله يعينك ويسهل امورك ...

كلامك صحيح , لان فترة اللغة سنة وكم شهر لو ما حقق المبتعث النتيجة المطلوبة اكيد تروح عليه البعثة

المبتعث يجب عليه ان يستغل وقته سواءً في فترة اللغة أو الدراسة الجامعية 100%

الله يوفقك والمبتعثين اجمعين ... آمين

شوفــة اهلي اهم من اللغه وامور الحيأة كلها .... اللغه انساها ارجع اذاكرها .... لاكن اهلك لافقدتهم خلإًص عمرك ماتشوفهم

يمكن انت ماجربت تفقد شخص ..

انا صصراحه نفسك .. برجع بعد 4 شهور من دراسه اللغه .. صحيح بنسى شوي منها .. بس مو نادم .. عادي ارجع امريكا اتذكرها

مبتعث دايتون كلامه سليم

شف اهلك وارجع يعني ها الكم اسبوع اللي بتجلسهم بأمريكا بدال ماترجع لتكتسب اللغة وتتقنها

دراستك لها حق وأهلك لهم حق

وانت توك راايح ومبتعث واول شي لغة بتجلس سنة وزود ماتزور اهلك من اول طلعة لك

أشوف اللرجعة لا بد منها منها يرتادون وترتاح بشوفتهم

وبالنسبة للسيفس اللي تتكلم عنت هذي أمور استثنائية مالها دخل باللغة


اتمنى لك التوفيق وييسر لك امورك

انا نزلت مره فترة اللغه مدة شهر

طبعا فترة اللغه عندي سنه وستة شهور
عادي قلت لو خليتها اسبوع تكفي لاني رحت بس اشوف اهلي

مارحت لعزايم وخرابيط

وبس

الله يوفقك يارب تفائلو بالخير تجدوه

عقدت النية على أن ألا أرجع إلا مرة واحدة فقط خلال البعثة والله اعلم بما سيحدث

سهل الله أمرك وأعانك على ما أهمك

حياكم الله اخواني وجزاكم الله خير على الدعاوي الطيبة ..
مبتعث دايتون .. انا اشوف شوفة اهلك سكايب كام تو كام تكفي ومكالمات الجوال .. يعني مافي فرق انا مافكرت فيها الا يوم طحت بمشكلة الفيزا لا رجعت ان شاء الله اقطع عهد على نفسي ما ارجع السعودية الا بالشهادة
ان شاء الله ..
اذكر مرة جلست مع الروم ميت حقي تايواني ... قلي انتو سنوياً تاخذون اجازة وتروحون لاهلكم .. قلت له وش المشكلة ؟ .. قلي انا اجتهدت وكرفت كرف عشان اجي امريكا وماجيت هنا الا اني راسم مستقبل وارجع تايوان وافتح شركة كبيرة باسمي ويكون لاسمي ضوء كبير بتايوان .. اهلي اشوفهم بالنت ماشوف لها داعي انزل لتايوان واضيع وقتي وتعب .. بعدين الاهل بيجي يوم يموت ابوك وامك مو دايماً معك لازم تتعود
حسسني اني طفل صغير يوم يكلمني كذا بصراحة كل الخليجيين اطفال ودلوعين الماما الا المتزوجين باحضان زوجاتهم هههههههه
انا شفت من كلام التايواني قساوة لكن بنفس الوقت والله كلامه 100%
اعرف سعودي له بامريكا 5 سنين تخرج بكالوريوس توه مارجع لاهله ولا مرة تخيلوا ! والحين سوا ترقية للبعثة ويدرس ماستر وبرضه ماهو راجع ياقو قلبه

أنا عني لي شهرين تقريباً في أمريكا , ولما أكمل ثلاث شهور ونص رحلتي جاهزه للسعوديه إجازة لما يقارب الشهر
ماني ندمان ولا شيء ,, لعيون طويلة العمر وشوفتها وفطورها في صبح الله نضيع اللغه كلها عاادي , والسبب الثاني أنا أرجع لأمريكا وما راح أقدر أرجع للسعوديه إلا بعد سنه كاامله وهذي نفسيه بحد ذاتها

خويك التايواني , لا تشريع ولا شيء , يموت أبوه يبكي يوم وينساه هذا لو فكر يبكي , يختلفون عنا كلياً فيس نفسك على نفسك مو على الغير

بالتوفيق ,, والله يسهل لك أمور الفيزا وتكمل دراستك ...,

نزلت لمدة شهرين ونص والحمدالله ما ندمت لان اهلي كانوا اول مرة يشوفوا بنتي .. وندمت اني ما نزلت لما اتوفا اخويا وكنت دوبي والدة وصحتي وصحة بنتي كانت ما تسمح اني اسافر ...
الله يرحمه ويغفرله ويسامحني اني ما حضرت عزاه ...
،
،تحياتي