فقط توجيه ومساعدة الله لايحرمكم الاجر
السلام عليكم ورحمة الله وبركاته
في البداية ودي اقول ان اخوكم مقبل على الدراسة في امريكا وعندي عدة استفسارات ، يعني جديد ماسويت شيء للآن كل اللي سويته اني رحت لمكتب بعثات ارسلني له شخص .
انا خريج دبلوم في مجال الحاسب الآلي ورحت لمكتب بعثات وافادني ان فيه احتمالية يوفر لي معادلة ساعات بس فاجئني وقال لي 1368! انا اتساءل هل المبلغ معقول؟ لان فيه رسوم مكتب 1600 وقال ان فيه رسوم قبول تقريباً 750 و 250 بريد لارسال الاوراق ، كما انه قال من الافضل اني ادرس في المعاهد التابعه للجامعات مدري وش الحكمه بس سألني عن لغتي وأجبته بكل صراحة بأن لغتي جيدة استطيع التحاور وتحصيلي اللغوي لا بأس به وقواعد اللغة متقنها بنسبة 85% مع افتقاري لبعض المفردات . *طبعاً المبالغ في الاعلى بالريال السعودي
طبعاً انا في انتظاره لانه قال لي بأتصل عليك . وقال ان لازم اترجم شهادة الثانوية العامة ويبي صورتين طبق الاصل منها وانا نسيت اسأله من وين اقدر اترجمها (من وين اترجمها واصدقها؟) هل من وزارة التربية والتعليم او من مكتب للترجمة وهل مكتب الترجمة تصديقه معتمد؟
فيما يخص البطاقات الائتمانية هل علي اقتناء بطاقة؟ فيه بطاقات عند بعض البنوك مسبقة الدفع هل تنفع؟
سؤالي الاخير والاهم متى يضموني للبعثه؟ مابين شهر الى ثلاث اشهر؟ مابين خمسه الى سنة؟ اللي تعرفه افدني به لاني طالع بشق الانفس فعشان ما اخسر وقت ومال وجهد اعرف اموري وقبل كل شيء كلي ايمان بأن لن يصيبني الا ماكتب الله لي بس بعد الاسباب والاحتياط مطلوب ، ماهي الضوابط التي من خلالها يتم ضم الطالب على البعثه؟ جدية الشخص وحضورة في المعهد؟ ام درجات ام بالمدة التي قضاها الدارس؟
آمل تجاوبكم معي واسمحوا لي على الاطالة مع دعواتي للجميع بالتوفيق
