موعدي بالسفاره قبل قليل ! و ياليت تفيدوني عن حركتهم معي !!
مرحبا "
حبيت استفسر لو سمحتوا .. انا توي راجع من السفاره الامريكيه بالرياض !!
و اجريت المقابلةة لكن الغريب انه بعد ما اجريت المقابله
و سألني وين بتدرس وش دراستك و عطاني اوراقي و بعد رجّع لي الجواز !! و قالي انتظر اسبوعين بنرسل لك رساله عالايميل
بعدين رحت لفديكس و قال لي ليه الجواز معك للحين !؟ قلت له مدري الموظف رجعه لي .. قالي موظف فيديكس الفلبيني ارجع تأكد
رجعت لشخص موجود لترتيب الدخول و الخروج قلت له ان الموظف رجع لي الجواز ليه !!
المفروض ياخذه وش معناته !!؟ قال لي انه عادي مافيها شي مو معناته انك مرفوض !!
قلت له طيب رحت لفيديكس و استغربوا انه الجواز معي ! قال لا خلاص لاتروح لفيديكس رح البيت و انتظر ايميلنا قلت اوكي !!
و انا طالع لقيت الموظفتين العرب اللي تبع المواعيد اول ماتوصل السفاره ! تكلمت مع اللي كبيره بالسن شوي و قلت لها السالفه
و قلت هل معناته رفض ولا كيف ؟؟؟ قالت لا عادي بس انه جوازك يعني باقي عليه مده طويله فا اعطاك الجواز عشان لو احتجته بهالفتره !!!!!؟
المهم قالت لي انت انتظر الايميل بعد اسبوعين هيك شي ! و نسيت وش قالت اذا ارسلوه بتروح ذاك الوقت لفيديكس او شي زي كذا ؟؟!! ورحت انا البيت
فاا اللي عنده معلومه عن هالحركه اللي صارت معي و ليه رجّع لي الجواز !! و هل معناته رفض ؟ لا يحرمني!!
وشكرا لكم
رد: موعدي بالسفاره قبل قليل ! و ياليت تفيدوني عن حركتهم معي !!
اهلين اخوي !
انا بعد توي اليوم راجعة انا واخوي ..
انا ( فيزة اف ون) اخذوا جوازي وقال لي انتظري تاشيرتك !
لكن اخوي ( فيزة بي تو ) رجع جوازه وقال انتظروا منا ايميل بعد ثلاث اسابيع عشان ترجعون ترسلون لنا الجواز !!
وقال لي اطلع ادفع لفيدكس لي ولاخوي لكن بظرفين مفصولين !
لكن تبع فيدكس مارضى ادفع لاخوي على اساس جوازه ماانوخذ .. ودفعت لي انا بس :(
مع العلم انه قال لي انك انتي واخوك ابروفد !!!
وش السالفه :(
رد: موعدي بالسفاره قبل قليل ! و ياليت تفيدوني عن حركتهم معي !!
ماعندي والله اي معلومة لكن نتفائل خير ونقول ان شاء الله تيسر امورك
رد: موعدي بالسفاره قبل قليل ! و ياليت تفيدوني عن حركتهم معي !!
إنتظر وش يقولون لك على الإيميل
أعرف كذا واحد سبق سافروا لسوريا بعضهم قالوا له بصراحه نرفض دخولك أميركا وبعضهم يجيبون له شي شبه مستحيل
دام ما قالوا لك بصراحه انك مرفوض أو أعطوك شي صعب تسويه فأظن والله أعلم إنه عندك بيانات ناقصة أو يبغون مدة أطول عشان يتأكدون من وضعك
خصوصا إذا كنت ابن لبعض العوائل اللي يشددون معهم مثل عائلة الشهري
أنا جيت أميركا في 13 أكتوبر كان معي في نفس الطائرة واحد من الشهري والده ضابط متقاعد ومع ذلك ما قالوا له شي الحمد لله أعطوه فيزا وما صار شي
لكن أظن والله اعلم عندك معلومات ناقصة أو بيتأخرون بالتحري عنك
رد: موعدي بالسفاره قبل قليل ! و ياليت تفيدوني عن حركتهم معي !!
اقتباس:
المشاركة الأصلية كتبت بواسطة bandar sa
إنتظر وش يقولون لك على الإيميل
أعرف كذا واحد سبق سافروا لسوريا بعضهم قالوا له بصراحه نرفض دخولك أميركا وبعضهم يجيبون له شي شبه مستحيل
يعنييي اللا يرووح سووريا ياخروون فييزته اوو يصيير مسستحييل انه يقدر يطلعهاا
اذا كااان كذا يعنيي انا افقد الامل ان ارووح امريكا اصلا
لاني راايح سووريا .. واييرااان بععد
اتمنى الررد
رد: موعدي بالسفاره قبل قليل ! و ياليت تفيدوني عن حركتهم معي !!
رد: موعدي بالسفاره قبل قليل ! و ياليت تفيدوني عن حركتهم معي !!
ان شالله خير ,بس اهم شي يكون صحيح انهم راح يرسلو لك ايميل حتى تتابع الاجراءت وانتظر هالايميل وعليه بتعرف شنو صاير معك.
رد: موعدي بالسفاره قبل قليل ! و ياليت تفيدوني عن حركتهم معي !!
ياناس ابتعدوا عن السفارة في الرياض
كثير من هالمواقف تحصل في سفارة الرياض
والله قنصلية جدة متساهلين واستلمت فيزتي في اقل من يومين
لو تراسلهم او تكلمهم وتعرف السبب وليه رجعوا لك الجواز
قريت مره من احد الاعضاء
انهم يرجعوا الجواز لو كان موعد سفرك بعيد او باقي له اكثر من 3 شهور
والله اعلم
رد: موعدي بالسفاره قبل قليل ! و ياليت تفيدوني عن حركتهم معي !!
شكرا لكم جميعا
وفعلا انا دراستي في معهد اللغه تبدأ في 14\1 ميلادي !!
عالعموم بحاول اتصرف يا اتواصل معهم و استفسر اكثر او بانتظر وبشوف رسالتهم عالايميل
الله يعييين و يسهل يارب
رد: موعدي بالسفاره قبل قليل ! و ياليت تفيدوني عن حركتهم معي !!
السؤال : هل انت سالك الموظف : هل تحتاج الجواز خلال هذي الفترة لين تطلع الفيزة وقلت له نعم؟
ترا يمكن سالك وانت ما فهمت وسلمت له وقلت يس يس...
أنا لما قدمت على الفيزا كان باقي على سفرتي ثلاثة شهور وسالتني هل تحتاج الجواز خلال هاذي الفترة وقلت لها لا ما احتاجه... اخذته مني على طول...