الأعضاء الإشتراك و التسجيل

الملتقيات
ADs

عاجل .. لأهل الخبرة .. الفيزا و المقابلة ..؟؟

عاجل .. لأهل الخبرة .. الفيزا و المقابلة ..؟؟


NOTICE

تنبيه: هذا الموضوع قديم. تم طرحه قبل 3681 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية عاجل جدا جدا
    عاجل جدا جدا

    مبتعث جديد New Member

    عاجل جدا جدا غير معرف

    عاجل جدا جدا , تخصصى طالب ماجستير , بجامعة ---
    • ---
    • طالب ماجستير
    • غير معرف
    • ---, نيوزيلاندا ان شاء الله
    • غير معرف
    • Sep 2007
    المزيدl

    November 13th, 2007, 10:03 AM

    السلام عليكم و رحمة الله و بركاته ..

    اخواني انا لأول مرة في حياتي اقدم على الفيزا الامريكية ..

    و موعد المقابلة يوم الاثنين الــ 19 من نوفمبر يعني بعد اسبوع تقريبا ..

    لكن انا ورطان جدا جدا ..

    لأني ما عندي خبرة و لدي تساؤولات عديدة ..

    1/ ما هو موقع السفارة و ما هو موقع حي السفارات ..( يا ليت وصف دقيق ) ..؟؟

    2/ طريقة تسديد الي اسمع عنها و ما ادري شلون و اعتقد تكون في سامبا ..؟؟ لو اقدر اسويها اليوم يكون افضل ..؟؟

    3/ الاوراق اللازمة لطالب مبتعث رايح للسفارة فقط باختصار تام ..؟

    4/ موعدي الساعاة ( 9.50 صباحا ) متى اروح للسفارة ..؟

    5/ اول ما ادخل السفارة و ش اسوي و ترى لغتي تعبانة مرة مرة ..؟

    6/ جمل انجليزية مهمة احتاجها و انا رايح للسفارة ..؟

    7/ نصائح عامة قبل و اثناء و بعد المقابلة .. مريتوا انتم فيها ..؟

    اي شيء ثاني و مهم يا ليت تخبروني ..

    ارجوكم ترى ما لي الا انتم ..

    بإنتظاركم ..

    تحياتي / سعد
  2. هلا والله أخوي عاجل ... اولاً مبرووك عليك ... وامورك ان شالله بتتيسر ..
    والله شف انا بصراحه بجاوب على السؤال الأول ... موقع حي السفارات
    ياطويل العمر .. امسك كبري الخليج وجهك غرب طبعا وسييييد الييييييييييين تجيك لوحة حي السفارات يمين طبعا تبي تتعدى طرق الملك فهد والتخصصي ..ابد كنك مسافر لمكة وبتتعدا الديوان الملكي .. انت امسك كبري الخليج غرب ..لا تلف لا يمين ولا يسار ... خلك عدال .. الين تقرا لوحة حي السفارات يمين تجيك الاشارة تلف يمين تلقى البوابه ... بيفتشونك ((تعرف التفتيش شديد)) حاول ما تجي بسيارة مظلله ( تظليل يعني) وانت اذا رحت هناك اسأل عن موقع السفارة الامريكية ... بيقولك الدوار الاول يمين والثاني يسار وزي كذا .. طبعا فيه كذا طريق داخل الحي ...
    بس فيه استفسار بسييط .. انت كاتب الدولة اللي راح تبتعث اليها نيوزيلاندا .. كيف بتروح للسفارة الامريكية؟؟؟

    وغير كذا انت مقدم اوراقك لمرحلة الابتعاث الثالثة والا من حقين المرحلة الثانية وتوهم يواعدونك؟؟

    بالتوفييييييييق يا عاجل ... والوعد ان شالله في حانة شباب الرياض :119: في فلوريدا في بنسكولا << وش عنده حانة .. متابع محترف لترجمة الافلام
    7 "
  3. اخوي فيرساتشي

    مشكوور اخوي ..
    بس انا ما ادل في الرياض لاني من الخبر ..

    يا ليت توصفلي من طريق الخبر الرياض ..

    يعني اول ما ادخل الرياض و انا جاي من الخبر وين اروح ..؟؟

    و ش عرفني انا بكبري الخليج ..

    ثانيا الي عند بوابة السفارات سعوديين ..؟؟؟؟

    و لا اجانب ..

    تحياتي
    7 "
  4. أهلا بك عاجل

    1/ ما هو موقع السفارة و ما هو موقع حي السفارات ..( يا ليت وصف دقيق ) ..؟؟
    عزيزي اخذ الوصف ويا ليت يكون واضح
    إذا دخلت الرياض لا تلف لا يمين ولا شمال على طول سيدا مع الدائري طبعا راح تجيلك شبكة كباري (الأولى) ومن بعدها راح يكون ترتيب الكباري ( المخارج )8 وثم 7 ومن ثم 6... وراح يجيلك شبكة كباري( الثانية ) (القصيم يمين والرياض يسار ) سيده على طول لحد ما تجيلك الشبكة الثالثة وهي راح تكون ( الدرعية يمين والسفرات وطريق مكة يسار ) هنا تطلع يسار وعلى طول سيد لحد ما يجيلك لوحه مكتوب فيها حي السفرات وراح تشوف المدخل وعليه حراسه أمنيه ومدرعات

    2/ طريقة تسديد الي اسمع عنها و ما ادري شلون و اعتقد تكون في سامبا ..؟؟ لو اقدر اسويها اليوم يكون افضل ..؟؟
    طبعا تسديد رسوم الفيزا لازم يكون عن طريق سامبا فرع السفرات بالرياض وهو 380 ريال وفيه السيفيس عن طريق النت وبرضو 100 دولار

    3/ الاوراق اللازمة لطالب مبتعث رايح للسفارة فقط باختصار تام ..؟

    راح أفيدك بجزء والباقي على الشباب
    إلي توني و والجواز وصور 5*5 خلفيه بيضاء و والنماذج 156 و 157 و 158 وصور من كل إلي ذكرت وتسدد الرسوم الفيزا وتجيب الوصل الأصلي وصور و إثبات تسديد رسوم السيفيس... هذا إلي ببالي الآن أيه واهم شي ورقه الموعد

    4/ موعدي الساعاة ( 9.50 صباحا ) متى اروح للسفارة ..؟
    يفضل تكون عند السفارة قبل موعدك بساعة ( يا ليت تحول موعدك على 7 الصباح مره كويس وما فيه زحمة مثل الساعة 9

    5/ اول ما ادخل السفارة و ش اسوي و ترى لغتي تعبانة مرة مرة ..؟
    لا تخاف أنا أردا منك والحمد لله مشت الأمور والقناصل يتكلمون عربي ولو ما فهمت عليهم تجيلك مترجمه والله ييسر أمورك

    6/ جمل انجليزية مهمة احتاجها و انا رايح للسفارة ..؟
    قود مورننق ... هاي ...ثانكيو ... هواريو ... ولكم ... هذي اغلب الكلمات الانجليزية استخدمتها

    7/ نصائح عامة قبل و اثناء و بعد المقابلة .. مريتوا انتم فيها ..؟
    خلك صريح وبين لهم انك مهتم بالدراسة ولا تتسرع وتجاوب على سؤال حتى تفهم قصده واعرف أنت ايش راح تدرس وليش بتدرس هالتخصص وليه بهذي الجامعة أو هذي المدينة وليه ما درست ببلدك ومن تخرجت إلى الآن وين رحت هل اشتغلت وين زي كذا الأسئلة ولازم تجاوب صح
    على فكره اجتني أسئلة مجنونه من جد ولو إني مو مفتح معاه ولا كان صارت علوم مثل
    متى التحقت في المدرسة المتوسطة ( يبي العام الدراسي مثل عام2001 ولا 2000 زي كذا
    متى تخرجت من المدرسة المتوسطة ( يبي العام الدراسي مثل عام 2003 ولا 2004
    ويرجع يسألك سؤال ذكاء
    متى التحقت بالدراسة بالثانوي
    متى تخرجت من الثانوي
    طبعا أنا والله الحمد شغلت اله الحاسبة إلي بمخي وعمليات سريعة وجاوبت عليه وكانت والله الحمد صحيحة
    انتبه من كل سؤال توقع أي سؤال هذا إلي أقولك عليه
    وان شاء الله أكون افتك
    تقبل مروري


    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.