هل الملحقية تعطي رسالة اثبات الدخل للشقق السكنية الي يروح لها بعض الطلاب؟

هل الملحقية تعطي رسالة اثبات الدخل للشقق السكنية الي يروح لها بعض الطلاب؟

وهل تراعي فيها انها ممكن تكتب مثلا الدخل الفردي لهذا الطالب 3000 دولار ونحن مسؤولون عنه ؟

أرجوا الإفادة ممن جرّب..

جماعه ترى ما اسئل عن التعريف، عيال الذين هذولي يبون مكتوب رقم 3000 دولار عشان يقتنعون المتخلفين!!

اخوي فيها ورقه تعطيك الملحقيه مكتوب فيها الدخل السنوي ..
هذي الورقه اللي طلبتها مني جميع المجمعات اللي سكنت فيها ..

المجمع ياخذ الدخل السنوي ويقسمه على 12 ويطلعون الدخل الشهري ..

وفقك الله .

بس المشكلة، الشقق الي عندي يقولون لازم دخلك يكون سنوياً 44000 دولار، وانا دخلي 20000 دولار

بالعربي هل فيه امكان الملحقية تكتب رسالة تقول دخله السنوي 440000 دولار ولا لا؟ يعني كذبة بيضاء..

مع اني قلت للمكتب دخلي نصه يروح للمعهد والتأمين وانا يبقى لي 2000 دولار، بس الي يروح للمعهد يروح من حكومتي مباشرة، هم يقسمون الوضع ويريحوني من قلق التسديد!

مشكور اخوي على الافادة، والله لا يحدنا على الملحقية في أمور مصيرية

في حل بس يبي له شغل شوي هههه

انا يوم كنت ابسكن الشهر اللي راح طلبو مني ورقه تعريف بالراتب الشهري ورفض سستم البوابه الالكترونيه يعطيني لانو عندي هولد

فـ دخلت بحساب اخوي وطلبت تعريف وغيرت اسمه لاسمي بالفوتوشوب ومشت الامور .. فـ انت غير المبلغ ..

وقتها السكن مسوي يبي يخوفني ويختبرني قال اتصل على الملحقيه اتاكد ؟ قلت دق بيديك ورجليك الملحقيه موب راده عليك :D

في حــل اخر وسويته العام الماضي مع السكن اللي قبلو .. طلبو يكون دخلي اكثر من دخلي الان ..

طلبت من الوالد ضمان مالي بآسم السكن وتعريف براتبه مترجم من حدا هالمكتبات المصرح بها .. ووافقو السكن على دخلي ودخل الوالد الشهري و ضمان الوالد

حالتهم حاله الظاهر يبغون ضمان مالي حق وزير .... الله يعينا عليهم ...

ceresty :D

حلولك مزبوطة ياخي خخخ بس الحل الاول تزوير يالغالي :D

إضافة إلى أنه كبيرة من الكبائر، هنالك مشاكل قانونية ترتب على ذلك...

الحل الثاني حلو بس هم مقعدين الدعوه، يقولون إذا كان واحد يكفلك لازم يكون عنده سبع اضعاف السكن، يعني 70 ألف دولار دخله السنوي خخخخخخ

أو لازم يكون دخلك أنت السنوي 44 ألف دولار خخخخخخخخخ

المشكلة الشقة مميزة وكل شيء جاهز ولو تلقى روميت تصير بـ600 على كل واحد خخخخ لكن الزين ما يكمل..

حجزت شقة بدون أثاث والله يعين بس مدري افكر استأجر أو اشتري اثاث، يعني الزحمه وراك وراك راحه للمذاكرة مافيه :(

مشكور على المعلومات القيمة والخطيرة :D

أمل

الله يعين بس إن شاء الله خيره

مشكورة على المرور :)

هلا اخوي الا يعطوك الله يسلمك ، ادخل البوابه > البيانات الشخصية > طلب تعريف > انزل تحت نوع التعريف مالي > سنوي... وادعيلي بأن الله يوفقني في الايلتس :)