بخصوص خطوط الطيران وكذلك الملحقية ارجو الافادة

السلام عليكم ورحمة الله وبركاته

اخواني الله لايهينكم عندي استفسارين ياريت اللي عنده معلومة يفيدني بها
ــ اول شي انا نازل السعودية بعد اسبوعين ان شاء الله وحجزت عن طريق موقع orbitz وهذي اول مرة احجز عن طريق النت فاللي ابي استفسر عنه الموقع ارسل لي معلومات الرحلة وكذلك رقم الحجز ورقم التذكرة وانا رحلتي على الخطوط الاردنية وبعدها الى الرياض وكذلك الرجعة فهل رقم التذكرة وكذلك رقم حجز واحد كاافي اعني لجميع رحلاتي رقم واحد يكفي يعني استخدمه في الروحة والرجعة <<<< ان شاء الله فهمتوني

ـــ وكذلك كيف ابلغ الملحقية اني نازل وانا كملت لي ستة اشهر ونازل على حسابي هل ارسل الادفايزر على الايميل او كيف الطريقة عن طريق موقع الوزارة
روشكراأأأًًً لكم جزيلا واتمنى تردون علي في اقرب وقت
والسلام عليييييييكم

للرفع رفع الله قدركم

عزيزي اورتس راح يرسل لك رقم الحجز الالكتروني وراحد يكون رقم واحد لكل الرحاله من ذهابك الى عودتك في حالة انك عملت حجزك ذهاب وعوده في نفس الوقت ، ثانيا ما يحتاج انك تبلغ الملحقيه انك رايح السعوديه دايم التذكره على حسابك

اقتباس:

---

المشاركة الأصلية كتبت بواسطة Red neck

عزيزي اورتس راح يرسل لك رقم الحجز الالكتروني وراحد يكون رقم واحد لكل الرحاله من ذهابك الى عودتك في حالة انك عملت حجزك ذهاب وعوده في نفس الوقت ، ثانيا ما يحتاج انك تبلغ الملحقيه انك رايح السعوديه دايم التذكره على حسابك

---

لاهنت اخووي واوربتس ارسل لي رقم الحجز وكذلك رقم التذكرة ورقم الحجز هو اللي احتاجه بس يعني ؟؟؟ يعني مايحتاج رقم التذكرة ؟؟ وبخصوص الملحقية يعني متاكد مافيه مشلكة يعني اذا عرفو مارح يحطوني في الهولد ؟
شاكر لك اخوي جدا

يعطيكم العافيه شباب على المعلومات

قبل ما تطلع المطار اطبع الايميل الي فيه رقم الحجز وموضوعك منتهي، ويفضل اذا خلاص نويت السفر تدخل موقع الاردنيه او موقع الشركه الداخليه الامريكيه امريكان ايرلاينز مثلا او غيرها وتطبع بطاقة صعود الطائره وتختار مقعدك المفضل عشان تريح بالك وتروح المطار تشحن عفشك بس..
اتمنى لك رحله سعيده

الملحقيه مالها اي علاقه دامك تذكرتك على حسابك، واتوقع انك طالب لغه واذا تدرس جامعه تأكد من توقيع الاي توني من مشرف الهجره في الجامعه ضروري جدا جدا يمكن ما تدخل امريكا مره ثانيه اذا ما وقعت عليها من الخلف

اقتباس:

---

المشاركة الأصلية كتبت بواسطة Red neck

الملحقيه مالها اي علاقه دامك تذكرتك على حسابك، واتوقع انك طالب لغه واذا تدرس جامعه تأكد من توقيع الاي توني من مشرف الهجره في الجامعه ضروري جدا جدا يمكن ما تدخل امريكا مره ثانيه اذا ما وقعت عليها من الخلف

---

الله يبيض وجهك اخوي وهذا العشم فيك والله ... واي نعم طال عمرك انا طالب لغة

توصل بالسلامة يارب..
ويا ليت بعدين تعطينا انطباعك عن الخطوط الاردنية..