please help me I will lose my future
السلام عليكم ورحمة الله وبركاته
تحية طيبة وبعد ....
اخواني المبتعثين اخواتي المبتعثات
يسعد مسااائكم / صباااحكم
ما ادري كيف ابدا في الموضوع لاني ما اجد المقدمات ,,
السالفة وما فيها
قدر الله علي وطلبو الشركة اللي انا اعمل فيها شهادة توفل IBT 65 نقطة فما فوق
فا قمت انا " الله يطول في عمري ويخليني " ورحت اختبرت ايلتس في البريتش كانسل اول مره في حياتي وجبت 5.0 ويوم شفت النتيجة فرحت بالحيل وبغيت اذبح زرافه من الوناسه
يوم رحت لشؤون الموظفين اللي عندنا " الله يسامحهم " قالو خذ شهادتك وبلها واشرب مايها قلت لهم ليه؟؟ دانا غلبااااان قالو جب توفل IBT 65 نقطه وتعاال
الحين انا عندي فرصة الين شهر مارس اجيب ذا التوفل للي مدري وش يبي في الحياه
المطلوب منكم يا النشاما ...
لو ابروح ادرس شهر كامل ... 4weeks في امريكا ولا في اي مكان في الدنيا هل تووقعون اجيبها من اول مره ؟ ابيها بشيمة بقيمة بحب خشوم باللي هي به
شلون اطلع الفيزا وشلون احجز كرسي في المعهد واذا انا رجال ابي غرفة لحالي مابي احدن معاي وكم التذاكر وكم يكفيني مصروف انا حطيت في بالي 25 الف لمدة شهر هل تووقعون انها كافيه ؟؟؟
دلوني تكفووووووووووووووووووون تراي اضرب اخماس بسداس ولا ادري وش الدبره
انتظر منكم رد
رد: please help me I will lose my future
بأمكانك تستفيد في امريكا لكن اربع اسابيع احسها قليل الا اذا كنت ماتفارق الكتاب
طبعاً الفيزا هي F1 اللي هي فيزة طالب وتسدد رسومها من بنك سامبا قبل ماتروح موعدك ف السفاره
قدم على معهد واطلب منهم يرسلون ورقة الاي توني وبعد مايجيك تقدر تقدم على السفاره لان فيها رقم السيفس
واذا جيت تقدم في السفاره بيقولك ادخل رقم السيفس ف الورقه مهمه جداً وبدونها مايدخلونك امريكا
بعد ماتجيك الورقه طبعا تحجز موعد في موقع السفاره وبالفتره اللي تنتظر موعد السفاره
تسدد رسوم السفاره من بنك سامبا اعتقد532 وتسدد رسوم السيفس 200 دولار
وتروح موعدك في السفاره واول ماتوصلك الفيزا تقدر تطلع امريكا
بالتوفيق ان شاءالله
رد: please help me I will lose my future
اخوي هيثم الجهني .. ونعم والله
انا ما اقدر الا على شهر لان انا موظف
الحين قبل لا اروح السفاره اروح لبنك سامبا واقولهم ابي اسدد حق فيزا امريكا واخذ منهم وصل بالشيء هذا
واقدم على المعهد عن طريق النت واقولهم ابي I 20 وبعد ما تجيني اروح للسفاره وطبعا I 20 هذي فيها رقم السيفس << ما ادري وشو السيفس
وبعدين اروح احدد موعد ؟؟ الموعد ذا حق المقابلة ولا وشو ؟!!
وبعدين اروح اسدد حق الفيزا والسيفس من بنك سامبا واروح الموعد حق السفاره
<<< ما فهم ولا شي
اخوي هيثم يرحم اثنين جابوك شوي شوي فهمني حبه حبه
الحين اسدد اول حق الفيزا ولا اقدم على المعهد والسيفس ذا شنو .؟ والموعد هل هو المقابله ؟ وشنو احسن موعد اعداد توفل IBT في امريكا وما يكون غالي مرره يعني حليو بس يكون قوي
الله يجزاك خير
رد: please help me I will lose my future
رد: please help me I will lose my future
يا حبيبي اول شي لازم تجيب قبول معهد لغة , عشان تطلع لك الفيزا
و على فكره المبلغ اللي ذكرته تقدر تدفع به تقريبا لمده شهرين أو 3 شهور و ممكن أكثر , لكن بالنسبة لأنك تخلص المستوى المطلوب في شهر هذا طبعا على حسب مجهودك و إستيعابك
لو تحب راسلني على الخاص و إن شاء الله ما بقصر معك سواء في القبول أو المعهد و بتطلع جاهز بالكامل
رد: please help me I will lose my future
الله يجزاك الف خير وما قصرت اخوي ab.b لك رسالة ع الخاص
رد: please help me I will lose my future
^^^
ما اقدر ارسل لك ع الخاص ما ادري ايش الخلل بالظبط
ممكن تكون معاي خطوة بخطوة وترسل لي ايميلك الله يعافيك واكون جدا جداشاااكر لك
رد: please help me I will lose my future
وليش هذا كله تقدر تدرس باي معهد في السعودية دورة اعداد للتوفل ...
يعني مو معقولة تسافر امريكا عشان تدرس شهر واحد اصلا اغلب المعاهد ٧ او ٨ اسابيع ...
وما اعتقد السفارة تعطيك فيزا على دراسة شهر واحد.......
رد: please help me I will lose my future
ماابغى احبطك بس ٤ اسابيع مررة قليلة لو تشتري كتب وتدخل دورات هنا يمكن تستفيد اكثر
واغلب المعاهد في امريكا على ماتوقع الليفل يكون شهر ونص او ١٠ اسابيع مااتوقع فيه ٤ اسابيع !!
بالتوفيق
رد: please help me I will lose my future
اخوي توكل على الله وادرس بالسعوديه دورات تأهيل توفل ..
وخذ لك كل يوم 20 كلمه واحفظهم ..
أقصر سمستر في أمريكا شهرين وانت منت قادر الا على شهر...
غير كذا حط في بالك السفاره الامريكيه ممكن تطلع جوازك في أسبوع ووممكن في 3 أشهر ( هاذي فترة الانتظار الطبيعية حقتهم )
نصيحتي لك ..أبدأ من السعودية
واحجز لك مواعيد توفل وقدم على أكثر من اختبار ...موفق يارب