أم فيصل كتبت تلك الأبيات لعل من أحد يعتق رقبة أبنهآ الوحيد

*




‏​‏​ قصيدة.ام.فيصل.الرويلي.





{ أم فيصل كتبت تلك الأبيات لعل من أحد يعتق رقبة أبنهآ الوحيد



فيصل الرويلي البالغ من العمر 18 سنه ,,



فموعد تنفيذ القصاص 25 / 11 / 1432 هـ ,, 23 أكتوبر 2011 م }








بأسم الذي له يلتجي العبد لاضاق
اللي من النيران نجى خليله


جالي ظلام الليل في صبح واشراق
مرسل نبيه بالهدى والفضيله


اللي شفا من هو سكن وسط الاعماق
القايد اللي ماندور بديله


قادر يفرجها لضنيني بالاعماق
ياسيدي أزريت حملي أشيله


راحت ثلاث سنين أو زود بفراق
دمعي جرح خدي ونفسي عليله


جيتك بهم(ن) بين الاضلاع مايطاق
أرجي وحيدي كل يوم(ن) وليله


وأربع خوات(ن) دمعهن وسط الامواق
يرجن لعل الله يخلي سبيله



حكمه قصاص موثق بصك وأوراق
والعفو شرطه معجزه مستحيله



عشرين مليون(ن) لجل فك الاعناق
وحدد لها بالشرع مهله قليله



منها مضى ثلثين من قل ألاوفاق
ومنها بقي ثلث(ن) بليا حصيله



شكواي لله ثم شكواي تنساق
لدليل من ضيع هداه ودليله


ال سعود اللي رقوا كل شوهاق
عيال الامام اللي عرف بالفضيله



مزبان من صابه من الوقت حراق
غيث(ن) مغيث(ن) ضافي(ن) في هميله



ياسيدي خيرك شمل شام وعراق
وأقصى بقاع الارض برقه تخيله



نظرة أبوه منك في عطف وأشفاق
ولاهي غريبه من الكفوف الجزيله



يامعتصم عصرك ترى الوقت بي ضاق
ماحد(ن) نصاك وعاد نفسه ذليله



قل تم وأنت اللي لها دوم سباق
من دومة الجندل نصتك الدخيله




آسأل الله في هذآ اليوم الفضيل أن يرسل له من يفرج كربته وكربت امه وخواته
آرفعوآ الموضوع بدعوآتكم لهآ ولولدهآ بآقي يومين بسس
يآآرب رحمتك بهآ يآآآآآآآآآآآرب
..
منقوول

وين المشرفين وقت العازة

الله يفرج كربتها .. حرام 20 مليون شرط تعجيزي .. يالعفو لوجه الله يا بمبلغ مقدور عليه حرام كذا يخلونها تتحسر طول عمرها انها ماقدرت تنقذ ولدها..

الله يعينهم ويكون بعونهم بس سمعت ان خالد الفيصل مدد المدة لشهر ٦ الجاي وفيه أرقام حسابات للي حاب يتبرع لو ب٢٠ ريال لو تبرع مليون شخص كم راح تكون !!!
الله يفرج هم هالام ويرجعلهم ولدهم الوحيد
اتبرعوا ياجماعه والله لو بريال ريال على ريال يفرقوا ياجماعه

الله يعتق رقبته والحمدلله انه تم تأجيل القصاص لسنة 1433

يا ام فيصل ارفعي يدك لموزع الارزاق
واطلبيه يسخر لك النفوس الاصيله
الا ياليتني كبيره ولي يد بهذي الاوراق
ماكان الدين تسيّس لمطامع وافكار رذيله
ادعي من الله العفو وعتق الاعناق
وتبلغين فيه ويخلف لك اعظم قبيله

الله يعينهم ويصبرهم ويفك كربتهم

اقتباس:

---

المشاركة الأصلية كتبت بواسطة Miss Fulah

الله يفرج كربتها .. حرام 20 مليون شرط تعجيزي .. يالعفو لوجه الله يا بمبلغ مقدور عليه حرام كذا يخلونها تتحسر طول عمرها انها ماقدرت تنقذ ولدها..

---

وجريمة القتل حرام بعد !!!
الموضوع يركز على ام القاتل ونسى ام المقتول؟؟؟

اتوقع الورثة ما يبون يتنازلون وهذا حقهم
وأكيد تعرضوا لضغط فطلبوا هالمبلغ
وثاني شيء هذي جريمة قتل ولهم الحق يطالبون بالقصاص من قاتل ولدهم

ان شـــاء الله ولاة الامر ينظرون في وضع هذا الولد ويساعدونه ، وان شــاء الله اولاد ولي العهد الله يرحمة يتصدقون لابوهم وينقذون رقبة هذا الشاب .

اقتباس:

---

المشاركة الأصلية كتبت بواسطة حكيم زمانه

وجريمة القتل حرام بعد !!!
الموضوع يركز على ام القاتل ونسى ام المقتول؟؟؟

اتوقع الورثة ما يبون يتنازلون وهذا حقهم
وأكيد تعرضوا لضغط فطلبوا هالمبلغ
وثاني شيء هذي جريمة قتل ولهم الحق يطالبون بالقصاص من قاتل ولدهم

---

اخي الكريم مع احترامي لتعليقك

لاكن الولد مراهق ....يعني الغلط وارد

لو تمر السجون بتشوف ناس تتندم عشان ساعة دخل الشيطان بينه و بين انسان
لو كان تعرضوا لضغط للتنازل عن الدم لتعرضوا لنفس الضغط لتخفيض الدية

لكن الله يفرج هم الام هذي

و ما اتوقع ان ام المقتول بتفرح اذا شافت قاتل ولدها يذبح