رد: اقتراح ... اتمنى ان يطبق ( بخصوص المكافات )
إي والله يا شباب ..
وضيفوا عليها .. اللي يبغى يسافر يترفه كل 3 أشهر , لازم يزيدون مكافأته 350 دولار شهريا
واللي يبغى يشتري آي فون 4 برضون لازم يكونوا مسؤولين عن مبلغ التأمين حقه .. !!
واللي من أولوياته يطلع مطعم كل week end لازم يزيدوا مكافأته 40 دولار ..!!
نصيحة :
والنفس كالطفل .. إن تهمله شبّ على & حبّ الرضاع .. وإن تفطمه ينفطم
تدرون وش المشكلة ؟
إننا نبغى نعيش نفس عيشتنا بالسعودية ..!!
نبغى نلبس ماركات , ونأكل من السفرة اللي فيها جميع الأصناف ..!!
تحياتي ,
رد: اقتراح ... اتمنى ان يطبق ( بخصوص المكافات )
اقتراحك صعب او بالاصح اقرب للخيال !!!
تتكلم عن 60 الف سعودي مابين طالب ومرافق ( عز الله مااشتغلوا الملحقية وتفرغوا هذا عنده سيارة وهذا عنده سيكل ) اللي مفترض يسوونه يعاد دراسة المكافاة ومدى ملائمتها لمستوى المعيشة في امريكا .
رد: اقتراح ... اتمنى ان يطبق ( بخصوص المكافات )
احمد رببك!!!!! غيرك مولاقي بعثة
ارضا بالامر الواقع مافي زيادة
رد: اقتراح ... اتمنى ان يطبق ( بخصوص المكافات )
المكافآت تتطلب إعادة النظر خصوصاً للأطفال فهل يعقل أن يصرف للطفل حوالي 280$
في حين ان الحضانة لوحدها تكلف حوالي 600$-1300$ في بعض الولايات
هذا من غير المصاريف الأخرى
رد: اقتراح ... اتمنى ان يطبق ( بخصوص المكافات )
الطفل ٢٨٠$ ؟
طيب كم يعطون زيادة حق الزوجة ؟
الطفل في بريطانيا والله اعلم ١٠٠ باوند :) مع انها اغلى
رد: اقتراح ... اتمنى ان يطبق ( بخصوص المكافات )
و عليكم السلام
مع حملة 990 ما تكفي للجامعيين ,, شرايكم نسوي حملة $$$$ ما تكفي
الكل يبغى زياادات و بدلات و ان شاء الله تلقى تجاوب في المستقبل
الحل في موضوع المكافأة
تشكيل لجنة من 50 شخص حول الولايات الأمريكية ( بالأحرى الولايات التي تحوي مبتعثين )
يعطونهم شهر يسافرون في الولايات المحددة لتكون معهم خلفية عن المعيشة
و يقدمون تقاريرهم للملحق
يقدمون الطلب للجهات المعنية بزيادة ميزانية المكافآت
بالتوفيق
رد: اقتراح ... اتمنى ان يطبق ( بخصوص المكافات )
ياناااس مكافئه ماهي راتب
انا محايد ادرس على حسابي ولله الحمد
لكن بوضح شغله اللي هي الفرق بين المكافئه والراتب
المكافئه مثل الطالب اللي في السعوديه 1000 ريال ...ماتكفيه وكلنا عارفين
لكن مايقدر يعترض لانها مكافئه وهو عارف ... وترى مو كل الطلاب ساكنين عند اهاليهم يعني فيه بعضهم 1000 ريال
اجار وبنزين واكل وبصريح العباره المكافئه اللي من السعوديه ماهي مكافئه تسمى = بدل شحده
نفس الشي مع الطالب المبتعث . تصرف له مكافئه عفواً * تصرف له بدل شحده
ف مافي حل صدقوني غير انك تمسك على نفسك الين ماتتخرج وربك يفرجها
.
بعض الناس يجي هنا ويحلم انه بيفتح بيت وبيسوي ويسوي ويسوي يحسب نفسه في ديرته !!
ويتفاجئ بالواقع المرير اللي هو عدم توفر الماده ويتحطم ويطلع الشيب في راسه
وهذا كله غلط في التفكير .. انت في مرحله وبتتغير شئت ام ابيت
اكبر مثال الاجانب في السعوديه لا تحسب مايجيه دخل مثلك والله ان اكثرهم دخلهم اكثر من المواطن بس مايصرفه في السعوديه
يصرفه في المكان اللي بيرجعله .
هذا الواقع
رد: اقتراح ... اتمنى ان يطبق ( بخصوص المكافات )
اعيد كلامي مرة ثانية .... في بعض الطلاب ما يقدرون يدفعون حق الاشياء الاساسية ... وافضل حل هو الزيادة للجميع واقتراحي كان للتوضيح ان في ناس تحتاج الزيادة من جد ..
وبعدين يا كثر الطلاب الي ياخذون مكافأت اكثر بكثير منا ..... مثلا طلاب ارامكو
ورجاءا لا احد يتعذر بكثرة الطلاب ..
والحمد لله على كل حال