هل وضعي راح يكون في السليم؟

هلا بك أخوي الغالي ..
انا مثلك مبتعث من جامعة ولكن الغريب ليش المعهد ماقبل الضمان حق الجامعة <<< غريب جدا
المعاهد تقبل دائما ضمانات الجامعات .

ثانيا :-
أنت مالك علاقة في أي معهد مقفلته الملحقية لأنك مبتعث من جامعة لذا إذا وافقت جامعتك الملحقية بإذن الله وتوفيقه توافق .

أتمنى أني أفتدك ..

الله يوفقك على هذي المعلومات الي كنت اغفلها

سؤال بسيط متأكد انو مالي علاقة بالمعاهد المغلقة ؟؟ لأنه كذا انحلت كل المشاكل اللي مسويتها الملحقية وراح اعتذر من المعهد الجديد بس حبيت أتاكد, ابغاك بس تأكد لي ذي المعلومة مو لأني أشكك بكلامك لا والله لكن لأني راح اقدم باسرع وقت على كابلان وهو شيخ الموقفين

يا أخوان الله يرضى عليكم أحد يفيدني قدمت على كابلان ومر فوق اسبوع ولا ردوا, عندي ابليكيشن جاهز بمعهد ILI وبامكاني اكمله على اني بدرس على حسابي واطلب ضمان الملحلقية برى اذا طلعت ( هل السفارة تسوي لي مشكلة لو جبت قبول على اني بطلع على حسابي وانا عندي بعثة؟ ). السبت (عودة الدوام) لازم اقدم القبول ولا بجلس هنا 6 شهور اضافية

السلاااااااام عليكم

لا لا اخوي ضمان الجامعه يقبلونه عادي جدا ..انا مثلك معيدة مبتعثه ...وراسلت المعهد بالضمان تبع الجامعه ووافقو ومشت الامور. يعني عندك بعثة وتروح تطلع على حسابك وتتعب عمرك لا ارسل الضمان مره ثانيه وقول لهم ان جهة عملك لا تعطي الا هذا النموذج للضمان المالي....وبالنسبه للمعاهد المغلقه الي اعرف انه احنا مالنا علاقة اذا كان مغلق المعهد من الوزاره او لا ..لان احنا تبع الجامعه يعني اهم شي معترف فيه ....وعلى فكرة انا كنت بقدم على معهد كابلن لكن سالت وقالو لي ابعد عنه لانه معهد تجاري وانت تحتاج معهد يدرسك دراسة اكاديميه .....يعني قدم على معهد تابع لجامعه....وبالتوووفيق.

بارك الله فيك على الرد

المشكلة المعهد اللي رفض الضمان معهد سريع جدا بالقبول وانا تعبت مع معاهد كثيرة تتأخر بالقبول كابلن خلصت الطلب لي اسبوعين ولا حتى ردو طلبو اوراق. أنا بكون طالع عشان تحضير ال GRE أساس عشان كذا ابغى كابلن. ومثل ماقلتي معاهد الجامعات افضل لكن قبولها بأوقات محددة وأنا احتاج ابدأ بوقت يناسبني ولا بكمل ترم وصيفي بالجامعة.

شكرا لك