قصتي مع الفيزا بفضل الله وتيسيره لكن هناك مشكلة في فيزة زوجتي كاتبين F1مع أنها مرافقه

السلام عليكم ورحمة الله وبركاته :-
بفضل الحي القيوم وتيسيره وأبدأ بشكري وحمدي لله .
اليوم استلمت جوازي من فيدكس والفيزا مطبوعة في الجواز علما أن جوازي أخذ اسيوع واحد عندهم فقط وهذا بفضل الله سبحانه .

طبعا كانت مقابلتي يوم الثلاثاء قبل الماضي وبعد المقابلة رجع لي الموظف الجواز وقالي مبروك ولكن لما نتصل عليك ارسل الجواز بفيدكس ويوم طلعت من السفارة قابلت واحد توه مقدم وطالع معي وسألته قلت أخذو جوازك قال نعم وقالي وأنت؟ قلت أنا ما أخذو قال نصيحتي رح قدم مقابلة من جديد لأن يبغون يعطونك رسالة يقولون رح قدم من جديد والله انصدمت وقفلت معي ووكلت أمري إلى الله وارتحت ثم جيت وكتبت موضوع في المنتدى وإليكم الرابط
http://www.mbt3th.us/vb/forum16/thread311477.html
ويوم جاء يوم السبت (قبل اسبوع ) أرسلت جوازي بفيدكس بدون مايكلموني ولا شي وكلت الأمر لله وأرسلت الجواز ويو جاء امس إلا فيدكس يكلموني يقولون فلان قلت نعم يقولون جوازك معنا نوصله لفرعك بكرة الصباح والحمدلله تيسرت الأمور .

ولكن هناك مشكلة :-
لقيت في الفيزا حقتي مكتوب Visa Type/class ومكتوب تحت كلمت Visa حرف R ومكتوب تحت كلمت Type/class حرف F1
المشكلة أن زوجتي عندها نفس السالفة رغم أني قايلهم أن زوجتي مرافقة لي وكاتب لهم في DS-160 انها مرافقة لي يعني ماهي طالبة يعني المفروض فيزا F2 وش الحل ؟؟

صاحب فيزا F1 مجبور انه يدرس في امريكا وممنوع يجلس فاضي ( ومسموح يجلس من غير دراسة في الاجازه الرسميه مثل الصيف او شهرين فترة تحويل بين جامعتين)
اما صاحب فيزا F2 فمسموح له يجلس من غير دراسة او يدرس بارت تايم

وعليكم ورحمة الله وبركاته

عزيزي

اذا زوجتك راح تدرس معاك او لغة
او كنت مقدم لها على قبول معهد ففيزتها صحيحة

لانه حتى و ان كان الشخص مرافق ولكنه يرغب بالدراسة فيحتاج
لفيزة أف ون

حبايبي ( وسام88 & OneSoul )

يعطيكم العافيه لكن أنا أدري عن كل هذه المعلومات .
ولكن سؤالي : أنا مقدم فيزا F2 لزوجتي ولقيتهم كاتبين F1 في الجواز ؟ هل المرافق يكتبون له F1 يعني وإلا وش السالفة ؟؟

انا اخوي فيزته f1 بس انا جايبه له قبول لغه وكان طلبي فيزة f1 أرسل لهم ايميل واستفسر واشرح لهم الوضع هم ادرى بالصح بالتوفيق يارب

f1 للدارسين حتى لو كانوا مرافقين

صديق لي .. مرافق لزوجته بدون دراسة بفيزة F1 .. تلقى اتصال من المعهد الذي اصدر له الـ I-20 أبلغ فيه بإمهاله أسبوعين لمغادرة الولايات المتحدة .. حسب تعليمات إدارة الهجرة ..

عاد للسعودية .. أصدر فيزة مرافق F2 .. وهو الان هنا برفقة زوجته ..

نصيحتي عدل الفيزا .. بأسرع وقت .. حتى لو إضطررت لتأجيل الدراسة ..

كان الله في عونكم ..

تأكد من الاي توني حق زوجتك اكيد انه Full time وموجه لفيزا F1 لانه مستحيل تصدر فيزا F1 والاي توني بارت تايم. وحرف R والكلام اللي قلته كله عادي وكل الفيز لزم تكون كذا.

عليكم السلام ورحمه الله وبركاته ...

أخي الكريم ...

لا تقلق ووكل أمرك لله الكريم ...

عد إلى الاي توني الخاص بزوجتك ...

فإن كان يحمل نفس رقم الاي توني الخاص بك ...

فاذهب إلى السفارة ...

واخبرهم بخطأهم ...

لآن في حالة الوصول لآمريكا ...

سوف يطلب من زوجتك الاي توني ...

وستقع في مشكلة في حينها ...

أما إن كان رقم الاي توني الخاص بها ...

مختلف عنك ...

فإجراءات اصدار الفيزا صحيحة ...

ومع ذلك ...

يمكنك تحويلها إن أردت ...

من فيزا F1 إلى F2 ...

في أمريكا ...

وبمساعدة المعهد ...

اسأل الله لك التوفيق ...

خالص التحية ...

أخوكم ..

بــن نيـــاز

اذا زوجتك بتجلس بالبيت وماراح تدرس المفروض فيزتها اف تو
اما اذا بتدرس فهي مرافقتك عند السعوديه ليصرف لها راتب المرافق اما عند امريكا فهي طالبه