انرفضت الفيزا او لا..؟ ساعدوني ارجوكم

مساء/صباح الخير عالجميع

اتمنى تكونون بصحة وعافية يارب واسال الله يفرج للجميع كرباتهم

ياجماعة انا عندي مشكلة غريبة شوي الا وهي ذهبت للسفارة قبل كم يوم لا ستخراج التاشيرة وعند مقابلتي اخذت مني القبول والشهادة الجامعية والوصل التابع ل سامبا الاصفر وكللل شي تمام وسالتني وين سافرت والاسئلة هذي الشاهد في الموضوع بعد نهاية المقابلة قالت لي اجرءاتك سوف تاخذ مدة طويلة من شهر الى شهرين لكن لا تقلق واعطتني الجواز وقالت سوف نتصل بك او نرسل لك ايميل وترسل جوازك لنا...انا يوم عطتني جوازي جتني الصيحة قلت اوكي شكرا

سؤالي هل يعتبر هذا رفض للفيزا؟؟؟
وهل حصل هذا الموضوع مع احد قبلي؟؟
ارجوا انكم تجاوبون علي وتكون اجاباتكم متاكدين منها لاني بجد تعبان وقلقان وصاكه فيني الدنيا

علما باني مبتعث عن طريق جامعة وبداية دراستي في يناير

اررررجوكم اللي عنده حل لايبخل علي

اتمنى للجميع التوفيق والتيسير

لاتنسوني من دعائكم على الاقل

شكرا مقدما

اتوقع يعطوك الفيزا قبل السفر بشهر
ومن كلامها معك الفيزا مو مرفوضه لو حيرفضوها في نفس الوقت تقولك مرفوضة

مووفق ..

لا مو مرفوضه لو مرفوضه كلن تكلموا من بدري !! لا تخاف تطمن

ياخي هالسفارة غريبه صراحه

انا بداية دراستي في يناير وطلعت تاشيرتي في يوم واحد

اتوقع على حسب الشخص اللي يسوي معك المقابلة

بس مدام انه قالك مقبوله اجل لا تشيل اهم

الله يسهلها عليك يارب

سهالآآآآآآت يالغآآآلي لا تنقل هم أبدآآ ..

إن شاء الله اسبوعين الى شهر يمكن تزيد ويطلبون منك الجواز ..

لا تخاف صارت مع أكثر من شخص ..

هذا موضوع الاخ : عبد العزيز الرسلاني ,, اقراه وراح ترتآح.

http://www.mbt3th.us/vb/forum16/thread297044.html

يارجال احمد ربك خذو جوازك انا عطوني الجواز وقالت لي مرفوض .. والحمدلله على كل حال راضي باللي يجي من ربي ان شاء الله يعطونك جوازك قبل موعد دراستك

مااتوقع انها مرفوضة لأنهم لو رفضوها على الاقل مثل ماشفت بيعطونك إشعار رفض ، لاني يوم سويت المقابلة ،وطلعت كان فيه واحد مرفوض، وشفت معه الاشعار هذا الي اقولك عنه...

لأكن انت توكــل على الله، وان الله لا يضيع اجر من احسن عملا، وان شالله بتجيك الاخبار الساره ، ولا تنسى تبشرنا

موفق ان شالله :)

لا انشاء الله مو مرفوضه ولاتخوفنا

وزي ماقالو الشباب كم يوم ويتصلو وترسل لهم الجواز

بالتوفيق اخي الكريم

لو مرفوض بيقولون لك ...تذكرت واحد يوم كنت بالسفاره جالس يسولف معي قال انا سالوني وين سافرت قبل وعديت لهم مجموعه دول ومن ضمنا سوريا واليمن ألزبده الرجال قالو له روح وانتظر اتصالنا عليك نفس موضوعك تقريبا لكن لا تخاف واتوكل على ربك وكلها سهالات باقي على يناير شهرين وشوي وبيكلمونك قبلها ان شاء الله

يعطيكم العافية جميعا
والله اخوان واعزاء كلكم على راسي والف شكر لكم على المعلومات اللي ذكرتوها وربي لايحرمنا من بعض
باذن الله بتتيسر وابشركم وانتم تبشروني ان شاء الله


مشكووورين