استفسار عن التخصص !

يارب تردون علي : (

شكراً لك احمد ويعطيك العافيه
والله يوفقنا وياك

لا تسمع للي رد عليك .. هذول ناس من مكاتب مسويين عضويات .. ويسون دعاية ..
مليان صندوق الوارد منهم ..

كل التخصصات فيها رياضيات ..,
ولكن تختلف بالمستويات .. ففيه تخصصات توقف على المستوى الرابع او الخامس بالرياضيات وفيه اللي توقف على اعلى مستوى رياضيات وهي عادة تكون في تخصصات الهندسه ..
ولكن بكل الاحوال بعض الجامعات تكتفي بالمستوى الخامس او السادس لاغلب التخصصات .. (التخصصات الهندسيه تطلب اكثر)

يعني حتى القانون فيها رياضيات؟

معليش على المداخلة اللي مو في محلها
بس عندي استفسار بسيط

انا طالب مبتعث في كالفورنيا وبعد 5 شهور بتنتهي مدة اللغة >> واللغه مو هذيك الدرجه بس الحمد لله تمشي ماعلينا المهم

اللي بسال عنه انا محتار بين تخصصين
1/ ادارة نظم معلومات
2/ ادارة الموارد البشرية
بسالكم وش الافضل ووش الاحسن من ناحية الوضائف والرواتب والسهولة وياليت تردون علي

مشكورين ....

طيب التسويق فيه رياضيات

لاني انا والرياضيات نكره بعض ;D

ايه حتى انا اكرهه مالي الرياضيات :/
واللي عنده خلفيه بذا التخصصين القانون والجيرافيك
يقول الله لايهينه : (

كل التخصصات المذكوره اعلاه فيها رياضيات واخصها المحاسبه راح توصل الى مستوى عالي بالرياضيات الإحصاء احد المستويات اللي راح تاخذها ..
وايضا نظم المعلومات نفس الشي راح يطلب لحتى مستوى الرياضيات المتقطعه .. اللي تجي بعد التفاضل والتكامل ..

اما بالنسبه للقانون .. فاذا ماكنت غلطان اعلى مستوى فيه هو مستوى علم المثلثات Trigonometry ...

اخواني .. لتسهيل الامر علشان تعرفون اعلى مستوى راح تاخذونه بالتخصص .. ادخلوا على موقع الجامعه اللي بتدرسون فيها وشوفوا المواد المتطلبه لدخول التخصص اللي تبيه .. وراح يطلع لكم كامل المواد اللي راح تاخذونها بالتخصص ..
هذي الطريقه راح تسهل عليكم اشياء كثير .

ولا تنسون ترا الجامعات تختلف في المواد المطلوبه لدخول التخصص .. ففيه جامعات تكتفي بمستويات اقل بالرياضيات في تخصصات غير تخصصات الهندسه و المحاسبه ..
وايضا اختبار الـ SAT او ACT هذا لو تاخذون فيه درجات عاليه راح تسهل عليكم امور كثيره وراح يطيح من نص المستويات بالرياضيات وغيره .. ويصير بدل ماتاخذون اربع مستويات .. يصير ممكن تاخذ بس المستوى الاخير وخلاص ..

اتمنى اني افدتكم