وش رايكم اشتري حاسب من الرياض والا من امريكا وسبب الي خلاني ابيه من الرياض هو....
السلام عليكم ورحمه الله وبركاته
ناوي ان شاء الله على جهاز لاب توب جديد شركة ابل
وماادري اشتريه من الرياض او من امريكا اذا رحت ان شاء الله ودي اخذ نصيحتكم :o
مع العلم ان معي جهاز مب مقصر ابدا.....الله يخليه لي:D
طبعا انا ليش ودي اخذه من هذا بسبب الكيبورد الي هنا عربي والي في امريكا على ظني E بس
سؤالي هل لابد الجهاز يكون الكيبورد عربي علشان يكتب عربي والا مال امها دخل :p وهذا الي اعرفه لكن توفلسف علي من قبل شخص:D هي برامج فقط لا اكثر صح
والا يعرف اجهزه حلوه ورخيصه لا يبخل يعلمني وين:o
انتظركم.....
موفقين
في حفظ الباري
رد: وش رايكم اشتري حاسب من الرياض والا من امريكا وسبب الي خلاني ابيه من الرياض هو...
طيب روح لجرير وجرب جهاز ابل شوف يناسبك النظام او لا
انا كان عندي واحد جاني هدية وما استخدمته لان حسيت النظام يختلف كثير
ومعقد بعض الشي
شوف اجهزة اتش بي والاسوس كثير يمدحونهم
وانا ان شاءالله ناوية على اتش بي دي في 7
رد: وش رايكم اشتري حاسب من الرياض والا من امريكا وسبب الي خلاني ابيه من الرياض هو...
من عنوانك عرفت السبب الكيبورد :D
دام انك من اهل الرياض بسساعدك لاني عنصري شوي :D
المهم مافي فرق وانا اخوك الكيبورد تقدر تضيف فيه اللغه العربيه وبتتعود عليه انا معاي macbook air وشاريه من هنا
فـ انصحك انكانك بتجي هالاسبوعين انك تشتريه من امريكا .. لانو بعد شهر تقريبا فيه يوم اسمو black friday وكل شئ عليه تخفيض
انا اشتريت كمبيوتري العام الماضي في هاليوم وطاح علي تقريبا ٨٠ دولار .. واذٰ عندك بطاقه طالب عندك تخفيض برضو يمكن ١٠٠ دولار ..
فـ انصحك تشتريه هنــآ ..
بالتوفيق :)
رد: وش رايكم اشتري حاسب من الرياض والا من امريكا وسبب الي خلاني ابيه من الرياض هو...
موضوع جميل
طيب وشرايكم انا ابي جهاز حاسب اي نوع عادي - وابي بلاستيشن 3 - وابي اي باد
وش رايكم وش تنصحوني اشتريها من الرياض ولا من امريكا
يقولون هناك تاخذها برخيص ومدري ابي رايكم
:)
رد: وش رايكم اشتري حاسب من الرياض والا من امريكا وسبب الي خلاني ابيه من الرياض هو...
انصحك اشتره من هنا... وبالنسبة للكيبورد فترة وتتعود او تلاقي ستكرات احرف عربية في امازون وسعرها اقل من خمسة دولار
رد: وش رايكم اشتري حاسب من الرياض والا من امريكا وسبب الي خلاني ابيه من الرياض هو...
امريكا اكيد ولا تفكر في الرياض ابد انا مثلك ناوي على الماك برو الجديد
الكيبورد تقدر تظبطه ليزر واصلا ضيف لغة عربيه وخلاص تتعود على الحروف
رد: وش رايكم اشتري حاسب من الرياض والا من امريكا وسبب الي خلاني ابيه من الرياض هو...
اقتباس:
المشاركة الأصلية كتبت بواسطة R A M A D
طيب روح لجرير وجرب جهاز ابل شوف يناسبك النظام او لا
انا كان عندي واحد جاني هدية وما استخدمته لان حسيت النظام يختلف كثير
ومعقد بعض الشي
شوف اجهزة اتش بي والاسوس كثير يمدحونهم
وانا ان شاءالله ناوية على اتش بي دي في 7
اما بنسبه لنظامه يالبيه عاجبني
العكس النظام مب معقد ولا شي بس ماتعودتي عليه
مشكوره على مشاركته ماقصرتي
الله يوفقك في جهازك الي تبين
رد: وش رايكم اشتري حاسب من الرياض والا من امريكا وسبب الي خلاني ابيه من الرياض هو...
اقتباس:
المشاركة الأصلية كتبت بواسطة CERESTY
من عنوانك عرفت السبب الكيبورد :D
دام انك من اهل الرياض بسساعدك لاني عنصري شوي :D
المهم مافي فرق وانا اخوك الكيبورد تقدر تضيف فيه اللغه العربيه وبتتعود عليه انا معاي macbook air وشاريه من هنا
فـ انصحك انكانك بتجي هالاسبوعين انك تشتريه من امريكا .. لانو بعد شهر تقريبا فيه يوم اسمو black friday وكل شئ عليه تخفيض
انا اشتريت كمبيوتري العام الماضي في هاليوم وطاح علي تقريبا 80 دولار .. واذٰ عندك بطاقه طالب عندك تخفيض برضو يمكن 100 دولار ..
فـ انصحك تشتريه هنــآ ..
بالتوفيق :)
عادالحين انا مسوي نفسي قلت اشوقهم للموضوع علشان يدخلون وش السبب:p
يالبا العنصريين الي يساعدون:D
انا اكتب على الكيبورد بدون مااشوف مب مشكله
ماظنيت اني بالحق على يوم بلاك فرايدي لاني جاي في شهر 1 ميلادي
يعطيك العافيه على مرورك العطر
رد: وش رايكم اشتري حاسب من الرياض والا من امريكا وسبب الي خلاني ابيه من الرياض هو...
اقتباس:
المشاركة الأصلية كتبت بواسطة Ya$ir
امريكا اكيد ولا تفكر في الرياض ابد انا مثلك ناوي على الماك برو الجديد
الكيبورد تقدر تظبطه ليزر واصلا ضيف لغة عربيه وخلاص تتعود على الحروف
اجل اشيل فكره كمبيوتر من الرياض>>>>قهر مايمديني اتفلسف على الي هنا :p
مافهمت عليك ليزر اشرحه بشكل اكثر الله يعافيك:o
مشكور على طلتك الحلوه:o
رد: وش رايكم اشتري حاسب من الرياض والا من امريكا وسبب الي خلاني ابيه من الرياض هو...
اقتباس:
المشاركة الأصلية كتبت بواسطة Na9er ~
موضوع جميل
طيب وشرايكم انا ابي جهاز حاسب اي نوع عادي - وابي بلاستيشن 3 - وابي اي باد
وش رايكم وش تنصحوني اشتريها من الرياض ولا من امريكا
يقولون هناك تاخذها برخيص ومدري ابي رايكم
:)
جميل بوجودك يالغالي:o
الله يعينك وراك عدة تشتريها:D
لكن من كلامهم اشترها من امريكا
موفق
مشكور على تفاعلك