عضو جديد ... ارجو مساعدتكم .

السلام عليكم ورحمة الله وبركاته


اسعد الله اوقاتكم بكل خير , واحب افيدكم باني فخور لاني اصبحت جزء من صرحكم العظيم وهذا التجمع من خيرة الشباب والشابات , صراحه انا في البدايه كنت مجرد زائر ولاحظت اني كل ما بحثت عن معلومه بخصوص الدراسه في امريكا في جوجل اول رابط يطلع يكون موقع مبتعث وهالموقع اثبت وجوده بفضل من الله ثم من الاعضاء رجال ونساء ويقدم خدمات كبيره جدا للطلاب المبتعثين وانا متفاجئ جدا بطيب اخلاق الاعضاء و تطلعهم لمساعدتهم لبعضهم البعض , والصراحه ما يخفى عليكم ما قدرت اقاوم وفورا سجلت بالمنتدى ولله الحمد واتمنى انكم منا تشوفون مني الا كل خير .
لكن في البدايه احب استفيد من حبكم لعمل الخير واطلب مساعدتكم لاني بعد اقل من شهر باذن الله باكون في ولاية اوريجون في مدينة كورفاليس والموضوع وما فيه اني حاب استفتسر عن حاجات بسيطه اول حاجه انا طبعا طالع على حسابي وطبعا راح اقدم على الملحقيه بس متى اقدر اقدم عليهم لما تطلع الفيزا ولا لما اوصل هناك ؟؟؟
الحاجه الثانيه لما اقدم على الملحقيه باذن الله طبعا يحق لكل طالب انه يطالب بتعويضات بس وش الاوراق المطلوبه اللي لازم اجهزها من هنا قبل لا اسافر وايش الاجراءات لاني ما عندي اي فكره بهالخصوص مع الاسف .
ثالث حاجه اتمنى من الاخوان المبتعثين في كورفاليس بعض المساعده من ناحية قوانين وانظمة الولايه وبعض المعلومات المهمه , اتمنى منكم المساعده لاني في الحقيقه جاهل بهالامور ولكم مني اطيب تحيه وتمنياتي لكم بالتوفيق .

اخوكم : زياد .

الله حيو في عاالم الإبتعاااث...,,,,,

وبــــاتوفيق للجميع

دارس على حسابك ولا مبتعث

السلام عليكم ورحمة الله وبركاته

بالنسبه للتقديم على الملحقيه .. فأنت المفروض انك تقدم طلبك لما توصل امريكا باذن الله .. اول ماتوصل تفتح ملف طالب مبتعث جديد وتعبي بياناتك وتنتظر لحتى يتم الحاقك ..

اما بالنسبه للتعويض .. فتقدر تطلب تعويض رسوم دراسيه + رسوم فيزا + تذاكر سفر .. وماخالف ذلك من تعويضات اخرى .. ولكن التعويض ماتطلبه لحتى يتم الحاقك بالبعثه .. وقتها ترفع طلب تعويض عن طريق البوابه الالكترونيه ...

قم بزيارة هذا الرابط لرؤية الأوراق المطلوبه للتعويض :
http://www.mohe.gov.sa/ar/studyaboar...pensation.aspx


وان شاء الله الاخوان يفيدونك اكثر ..

الله يحفظك ويوفقك ,,

اخوك محمد فهد

ثانكس اخوي دحوم والله يحييك وانا طبعا طالع على حسابي ,,, k10 ثانكس وما قصرت الله يعطيك العافيه