بعد سب وشتم البوابه الالكترونيه !! شرايكم فيها الحين؟

السلام عليكم

كيفكم شباب وبنات

ابي رايكم الان وبكل صراحه

بعد ما كنا نشتم ونسب ونقول مظاهرات ضد الملحقيه بسبب البوابه الالكترونيه وبطئها وضعفها

بالامانه وش رايكم في نظام البوابه الالكترونيه

طبعا من وجهة نظري انا نظام حلو جدا

1 - بالامكان الحين التوجه مباشره على مدينة الدراسه افضل من اول خساير قيمة تذكره و فندق
2 - اراحنا من عناء التوجه للملحقيه والحوسه بين الادوار خاصه الاصنصير حق الملحقيه المتعب
3- اجرائات اصبحت اسهل مجرد خمس دقايق دخول موقع وضغط على زر تقدر تسويها وانت بالفراش
4 - اراح الطالب ماليا يعني ما يحتاج يدفع مصاريف تذكره سفر

ابي رايكم بكل امانه
طبعا ما زال فيه نواقص
لكن ما ننكر انه فرق عن اول بكثيييير جدا
ونطمح لاكتماله

وصراحه كلمة الدكتور العيسى يوم يقول بتشوفون مع الوقت صحيحه

ارائكم

ايه والله اخوي صدقت

انا طلبت تجديد ضمان مالي وصلني بيومين

احيانا اقل من كذا وانا اخوك

حتى فتح الملفات للمستجدين مثلا
اقل من 24 ساعه

اذكر اول ماجيت ما كان فيه بوابه كان يدوي
اخذت اسبوع

الحين غير

الزين ما يكمل
النظام مع بعض المشرفين يتعب
فالتفاحة الفاسدة تفسد كل الصندوق
يا كثر التفاحات الفاسدة في وزاراتنا
لكن بعيد عن التشاؤم أنا متفائل خير
في السنوات القادمة مع هذا النظام
بالتوفيق

يارجال من سيئ الى اسواء

لي اسبوعين احاول اسوي تعويض لاختبار الايلتس ماني قادر لمن اضغط على التواريخ بدا الاختبار مايطلع التواريخ!
حتى لو كتبتهم يدوي ماتضبط

يارجال الحاله مزريه

انا عني اشوفه كويس

كل قآعدة ولهآ شوآذ ,

والكمآل لله عزوجل ,

من رأيي ان آلبوآبة الآلكترونية ممتآزة جداً ولكن بحآجة للتطوير في بعض آلنوآحي مثل رفع آلصور تسجيل آلتوآريخ والخ ,,

شكراً ع آلموضوع

بوابه مفيدة جدا وتحسن فيها واضح والتخبط اللي صار قل بشكل ملحوظ .. اكيد طبعا لسا فيها عيوب بس في فرق عن اول !
طلبت تذاكر ب 4 ايام اصحابي كانوا بيومين ! ضمان مالي كان حوسة ممع الجامعه بس تدبر بطريقة ما
العيب الاساسي في طلبات التعويض كانهم يقولون قرش مافي هههههههههههه
بس بشكل عام الحمدالله فكت ازمه لناس كثير

النظام كويسس جدا بس المو كويسس البششر اللي شغالين عليه ..

مشكلته شويه بطيئ وخثيث .. واسوء اداره .. الاداره الماليه .. صار لي طالب تعويض من ثلاثه اسابيع وللحين مافتحو طلبي :(

الصاراحه الملحقيه علي الدعم اللي نسمع عنه يجيهم المفروض نشوف شي افضل من هذا بكثيييير
لكن حنا افضل من غيرانا :)