رد: يانس طفرت بي تي موبيل
اوف اوف ايش المبلغ هذا يا أخوي
اذا انت متاكد من صرفياتك تقدر تكلم الشركة وتخليهم يراجعون فاتورتك
اما اذا صرفياتك زي كذا فالله يعينك ولازم تخفف من مكالماتك لانه الصراحة المبلغ جدا عالي !!!
رد: يانس طفرت بي تي موبيل
أهلين أخوي المسافر,,
وموضوعك هو موضوعي ومهم جداً لي,,
لني لي سنة احاول اقتصد مع T-mobile
والشريحة اللي عندي منهم وشحن ومرة مقتصدة وناوية اغيرها
إن شاء الله
:mad:
بعد ماعرفت قصة معاناتي راح اقول لك نصيحتي//
اسأل الأمريكان اللي معاك حول احسن شركة جوال تشتغل بكل مكان
ويكون سعرها معقول
في التوين سيتيز نصحوني بفي رايزون
vrizon
فإنت اسأل وتعال جيب لنا المعلومة,,
والله يعيننا على فواتير الجوالات والمكالمات :o
على فكرة حيبت اهنيك على توقيعك,,
هذة الأبيات من أحب الشعر على قلبي واحفظها منذ سنين ;)
رد: يانس طفرت بي تي موبيل
الله ياخذه تي موبيل ..
والله انا مثلك يا اخوي .. نفس المبالغ ..بس انا اكبر مبلغ وصلت 500 دولار و شفت انه الوضع وغلط وعارفه انه في تلاعب ..
وغيرت الشركة واستخدمت نفس الرقم و حولته الى سينقلر يلي صار اللحين AT&T
تدفع في الشهر 70 دولار pre-paid
و ربي تكفييك .. وشفت الفرق قبل كنت ادفع بالمئات و الله بالعشرينات
رد: يانس طفرت بي تي موبيل
COWBOY : والله متأكد من صرفياتي والسعودية ما ادق عليهم الا مره في الشهر وبعد الساعه 9 في الليل علشان فرق التوقيت والمكالمة ماتتعدى نص ساعة ،، ازيدك من الشعر بيت واحد من خوياي جت فاتورته 700$ انهبل الضيعف والمشكله مايكلم اهله الا ببطاقة اتصال !!!
مسافرهـ : مجرد مرورك على الموضوع يكفي والصراحة تعبنا من الشركات والفواتير بدور لي شركة ثانية واسأل وأشوف ،، اما بالنسبة للتوقيع فشكراُ على التهنئة وبالمناسبة هي من كلمات الشاعر العربي العملاق والكبير نزار قباني شاعر المرأة والحرية ...
نبض المشاعر : مشكورة اختي على النصيحة وشكلك بسوي مثلك بسدد هالفاتورة وبعدها بروح لسنقلر .
دمتم بحب .....
رد: يانس طفرت بي تي موبيل
قبل ما تسدد اتصل بالشركة واستفسر عن فواتيرك لابد ما يكون فيه خطأ.
انا تصير معاي مشكلة ثانية مرات واخرها هذا الشهر اسدد عن طريق موقهم ويشتغل الجوال طوال الشهر وتجيني الفاتورة اني ما سددت شهرين ولما اشيك على حسابي البنكي الاقي ما خصموا حاجة منه ولما اسدد ثاني على الموقع يشتغل الجوال وتجيني الشهر الي بعده ثلاث فواتير.
نظام الاتصالات سيء مره في امريكا يعني كثير شباب يتصلون عليهم ويتم تعويضهم بمبالغ كبيرة.
مشاركة: يانس طفرت بي تي موبيل
كل شغلهم وشركات اتصالاتهم رديه...الله يحللك يالجوال السعودي..
اشتركنا باسبرنت ..واول شهر جانا الطاق طاقين..بس هم قالوا اول شهر بس وبعدها بترجع الفاتوره لوضعها..مدري شلون؟؟؟
رد: يانس طفرت بي تي موبيل
سيدي الكريم ...
لا بد من مراجعة فواتيرك معهم ...
لأنه بصراحة ...
المبالغ هذه تعتبر خيالية ...
ثم أنني مشترك في خدمتهم ...
والحمد الله إلى الآن ...
الأمور معاهم تمام ...
أنا عندي 300 دقيقة بـ 39 دولار ...
وثابتة مع Tax ما يتجاوز 3 دولار ...
يعني الحصيلة ...
ما تتجاوز 41 أو 42 دولار ...
ووفقكم الله ...
اخوكم ...
الســــ 2007 ـــــــاموراي
رد: يانس طفرت بي تي موبيل
عليكم بشركه SPRINT يا جماعه الخير استقبال فري وكلش زين والفاتوره ما تعدي 60-70
عيبهم الوحيد لازم تستخدم جهازهم ما يعطونك شريحه والسلام
رد: يانس طفرت بي تي موبيل
من زمان قلت لكم ..
T-Mobile
نصب في نصب..
واعرف انه حرامي..
واعرف انهم حمير الله يكرمكم..
واعرف انهم اوصخ شركه..
بس مع ذلك.. انا معاهم وادفع لهم :)
اول شي..
الشركه خدماتها زينه وسريعه.
ثاني شي الشركه تسمح لك ترسل مسجات للسعوديه..
اظن هي الشركه الوحيده الي عندها هذي الخدمه بس مو متأكده.
الشركه تسمح لك تستخدم موبايلات تخدم اللغه العربيه وتعطيك شريحه
يعني فيها مميزات.
فواتيري الشهريه مابين 250$ دولار الى 290$
شسوي؟؟
معني ماخذه الفين دقيقه اب 99 دولار
ومنزله خدمة 5.99 دولار للمسجات بحيث اني ارسل واستقبل مجاناً
وعلى فكره كل مسج للسعوديه بـ 15 سنت
وبيني وبينكم انا دايماً اتابع الفاتوره الي تجيني عالبريد
واحس ان المبلغ عقلاني
بس مع ذلك اقول حراميه ليه مدري؟؟
يمكن لان في شركات ارخص .. جايز
بس ارجع واقول تي موبايل ماقدر استغنى عنه :)