نحن في عيونهم...وهم في عيوننا...تناقضات و الهلوين يجمعها!

الحمد لله...أنشطتي بالمركز الإسلامي تشهد لي...
و الناس اللي أسملت تشفع لي...
و الخشوم المتعالية اللي كسرتها و مسحت فيها الأرض انتصار لي...
هذا مو موضوعنا...أن ما أدعو ناس كافرة للإسلام...أنا اتكلم مع سعودين و سعوديات مسلمين و مسلمات...ولكل موضع و له كلام مناسب بالرد عليه...بس حلو التعليل بالنوايا الحسنة...يعني اللي يشرب خمر و نيته حسنة أوك عادي؟..فكنا و اللي يرحم والديك!

عطيتني نصائح و لا عطيتي الشعب اللي يحتفل بأشياء تافهة نصائح....ايش معنى هذا؟ ليش ماتكون زي عمر بن الخطاب رضي الله عنه في قوته بالدعوة للحق مع المسلمين آنذاك حتى سمي بالفاروق .
.
.
ياليت ننهي نقاش النصائح اللي تعطوني اياها وخلوها للمساكين اللي يحتفلون بالتفاهات....الله يهديهم

صراحه ردك اثبتلي انك توك صغير ومجتهد الله يصلحك ماتحب التحاور وانا قلت اني داري انه نيتك صافيه لكن ردك لا يبدولي انك انسان واعي ..

ووش دخل اللي يشرب الخمر بالاحتفال لغرض الاستمتاع ؟ تقارن ايش بايش اخوي ؟ ليش ماتعرف الوسطيه اخوي ؟

يااخي كل انسان عنده سلبيات زي ماغيرك عنده سلبيات انت عندك سلبيات عدل سلبياتك وعدل تحاورك مع الناس ومن ثم انصح الناس الله يهديك اسلوبك غريب جدًا يعني الحين تقولي فكنا وماادرري وش هل هذا اسلوب داعيه ؟ صراحه اهنيك واستمر وعسى الله يهديك واهنيك الخشوم المتعاليه كسرتها ومسحت فيها الارض بطل ماشاء الله مقتدي بالرسول الله يثيبك وعلى فكره مب انت الوحيد اللي له انشطه ياما ناس عنده انشطه بس هذي الانشطه ماهي للتفاخر فيها قدام الناس اثابك الله هذي لربك

الله يعينا على زمان صار فيها الداعيه كذا اسلوبه اسئل الله الرحمه ويحسن خاتمتنا ويحسسن اوضاعنا ويهديك ويثبتك لما هو خير لك ولدينك

مـوضوع قمه السمإجه .. ولا ادري وش يبي صإحب الموضوع ..

تبي تحتفل احتفل .. ماتبي لاتحتفل واجلس بـ شقتك .. وقفت على هلوين يعني قأل وش قال يحتقرونأ .. يإعمي عندنا ناس يقومون الحرب عليهم ويدعون عليهم ..الخ


بعدين تفكير .. السعودي برميل نفط .. ياخي وين عايش انت تفكيرك القديم هذأ ... يعني واحد يوم يساعدك وانت ضايع ولا تدور على شي ... نيته انه ياخذ فلوسك مثلا ؟ راح يعاملك انت والصيني والياباني والاجنبي كلهم نفس المعامله

" غالبيه " الششعب محترم .. ولا اشوف ان الهليون فيه شي ... ناس تلبس ملابس غريبه وتمشي وتبتسم .. اطلع معهم وتعلم ثقافتهم بما انك ماتعصي ربك

لا تستغرب السعوديين ما يهمهم العيد هو حلا ل و حرام او كيف نظرة الاجانب لنا اذا الموضوع فيه جنس ينسى كل شئ انا شفت الناس تحتفل في العيد والسعودي تفكيره جنسي بحت مسوي نفسه مستانس على عيد الهلوين وهو بس يحضن ويخلي اصدقائه السفله يصورونه
وبكل وقاحه تشوف الصور في الفيس بوك !!!!!!!!!!
مو الكل ولاكن الاغلبيه

اقسم بالله يا بانت عقليات بعض الطلاب الي للأسف اسمهم مبتعثين في دولة متقدمه مثل امريكا

مثل هؤلاء العقليات والله حرام فيهم جامعه موزمبيق يشيخ, فشلونا في تفكيرهم المنغلق والمحدود وعقلياتهم الضعيفه

و أنت الصادق...
عموما نفس الكلام يرجع و يعود...

خلنا مركزين على عيدنا الكبير...و أيامنا الفاضلة الحالية....كل عام و أنتم إلى الله أقرب...هذا عيدي...واترك هلوين و وساخة هلوين لهم و لأشكالهم:

.
.
كلن يرى الناس بعين طبعه...

بغض النظر عن اعيادهم وخزعبالتهم
في وجههة نظري ان الاحتفال بالاعياد المسيحيه يلغي هويتي الاسلاميه الي هي تاج شرف افتخر به على راسي
ثانيا :بالنسبه لموضوع حنا ايش بنظرهم وهم ايش بنظرنا بصراحه يااخوي جبتها على الجرح وكنك داري ... فيه بعض المبتعثين والناس الي جدا جدا منغرين باامريكا وثقافتها والدمقراطيه الي هي تدعي
امس كان عندنا اختبار سبيكنق وكان الموضوع عن الفروقات بين بلدك وبين امريكا من كذا نواحي الي هي الصحه والتعليم والانظمه وووو .... ويجي واحد سعودي يتكلم واول كلامه قال امريكا هي (رب)الدميقراطيه ~_~
وان احنا في بلندنا ماعندنا ديمقراطيه ولا حريه ووو<الباقي كلام مرررره حقييير عن بلدنا الحبيب يعني للاسف انه طالع من مبتعث ماستر انسان كبير عاقل ناضج يعني المفروض يكون عقليته اكبر من كذا بس للاسف
جدا كلامه سطحي ويتكلم عن بلده وكاانها عدوه ويرفع من امريكا وكاانها هي الكل في الكل مع ان لو بنتكلم بواقعيه امريكا ماتمت للديمقراطيه بااي صله وهذا واضح من خلال تاريخها لو انها دوله ديمقراطيه فعلا ليه الماء مو مسموح
لها الى هذا الوقت باان تصير رئيسه ...؟ليه بالمظاهرات الي صارت بنيويورك كانت الشرطه تضرب المتظاهرين وتسحبهم على الارض بمنظر بشع بعيد عن الديمقراطيه ....والكثير الكثير الى ماله نهايه تثبت ان امريكا دوله عظمها الاعلام
وهي في الحقيقه (لاشي) طبعا ماسكت انا وكل هالكلام قلته وقلت الديمقراطيه فعلا هي انك تطلع من بيتك في اي وقت وانت امن ....ولما تمرض تلقى مستشفى كويس يعالجك على احسن مستوى وببلاش ....ولما تبغى تدرس اولادك
تدرسهم وببلاش الى الجامعه والماستر والدكتوراه لا ويعطوهم راتب بعد ...ولما تتوظف يكون عندك راتب كويس تعيش فيه اولادك حياه كريمه ....في وجهة نظري بلدي (المملكه العربيه السعوديه)هي رمز للدمقراطيه والحريه
ماتتخيلون كيف كان التصفيق لي من الطلاب السعودين ولالجانب وحتى الاستاذ ....
نصيحه لجميع اخواني الطلاب (لاتحقر من نفسك وبلدك وديانتك ...كي لا يحتقرك الناس )
وشكرا اخوي على موضوعك الرائع بصراحه انا لي فتره مادخلت بس شدني موضوعك مره
شكرا مره ثانيه <3

انا ممكن اكون حاضر لأتفرج على احتفالاتهم مثل الهلوين لكن لا يمكن أني أشاركهم وألبس مثلهم وأكون وسطهم ..
أنا مسلم ولا يعني من شارك معهم من المسلمين بأنه كافر ..
بغض النظر عن نظرة المسلمين للي يحتفل معاهم واللي قد تكون نظرة احتقار له .. يكفي ان الواحد يخجل من نفسه لو أحد من الامريكان ملكع سأله أنت مسلم ؟ كيف تحتفل بالهلوين وهو محرم عندكم ؟ وتعال علل له سبب وجودك معاهم .. ( هذه صارت مع صديقي ورد عليهم بخجل just for fun ) سبب غير مقنع !
لو الامريكان ديانتهم الاسلام بتشوفون كيف يلتزمون بكل القيم والاخلاق والحدود المشروعة والمباحة والنواهي والمحرمات
أمس كلمت أخوي ويقولي عن الهلوين في ارامكو بصراحة قمة في المصخرة وقلة الأدب من البنات ..
السؤال الموجه للي يحتفلون بالهلوين او عيد الحب او عيد الشكر او اللي مطيح في ديسكو ولا مرقص وشراب .. شنو شعورك لحظتها كمسلم ؟
هل ممكن تقلل من قيمتك من أجل الوناسة ؟؟ هل فعلاً تستحق ذلك !!

والله يا فيه عقليات اليمة .

ياخي ارجعوا الى بلدانكم . ارجعوا الى العدل و المساواة و الاخلاق الحميدة . وش قعدكم عند اللي يناظرونكم بدونية و احتقار ؟!

يقول لك يناظرونك على انك برميل نفط و انت ما لاقي تاكل ؟ تستهبل ؟؟!!

كل ما اراه هنا وصاية في وصاية في وصاية . و كلام ناس يبدو لي انهم لا زالوا في مقتبل العمر و ماخذهم الحماس . اجل إنتصرت و اسلمت الناس على يدك ؟

قسم بالله على كلامك و اسلوبك يخلي المسلم يرتد . الدين ما هو ترهيب و تخويف فقط . الدين ترهيب و ترغيب يا عزيزي المتحمس الفاضل ذو الاخلاقياات العالية حامي حمى الإسلام و شوكته .

ما اقول الا الله يعين اخواننا المبتعثين في امريكا . افعالكم و اقوالكم ما تأثر عليكم انتم بس . تأثر على كل من يحمل الهوية السعودية .