بغير الولايه والمعهد لكن الفيزة وش وضعها ؟

السلام عليكم ورحمه الله وبركاته وبعد

يا اخوان فزعتكم وجوابكم الاكيد انا درست اربع اشهر في بورتلاند بعدين رجعت السعوديه في تاريخ 23/07/2011 لاني طليت التاجيل والان راسلت معهد على اساس

ابدا الدراسه من جديد طبعا انا غيرت الولايه والمعهد وان شالله راح تبدا الدراسه في 2 يناير 2012 وراح اجي قبل الدراسه بعشرين يوم ان شالله على الاقل سؤالي؟

الفيزة وش وضعها ناس تقول جددها وناس تقول ما يحتاج تكفون يا اهل الخبرة افيدوني مع العلم ان الايتوني القديم موجود معي فما ادري وش الاجراء الصح في

هذا الموضوع مع العلم اني راسلت السفارة مرتين وكان ردهم كل مره مختلف عن الثاني تكوفون فزعتكم يا اهل الخبرة مع العلم اني كتبت كذا موضوع لكن ما فيه جواب اكيد

وشكرا لكم

up .

ان شاء يفيدونك الاخوة

عندي نفس المشكله

وش قالولك السفاره في المرتين؟

يقولون لازم تجدد الفيزة !!!!!!!!!!!!

والله مشكله بس السؤال هنا فيه مقابلة ولا كيف التجديد

وعليكم السلام

أخوي لازم تراسل معهدك الاول وتطلب منهم يحولون رقم السفيس حقك " اللي طلعت عليه الفيزه " للمعهد الجديد

بهالطريقة تقدر تدخل امريكا وحتى لو اسم المعهد يختلف عن المعهد اللي موجود بفيزتك

لكن اذا رفضوا او قالوا لك رقم السفيس حقك غير مفعل ( والسفيس يكون غير مفعل بعد سنه من التسديد ) هنا لازم تطلع فيزا جديده

وبالتوفيق

طيييب انا ابي اخلص اللغه بولاية وادرس تخصصي بولاية ثاني وش السواااات؟

والله ما ادري ماعندكم جواب اكيد يا ناس

نجاوبك وتقول ماعندكم جواب اكيد ؟؟

اجل سو اللي براسك وتحمل نتيجة افعالك :)

شكرا لك اختي حالمه وهدي اعصابك شوي انا سويت الي قلتيه بالحرف الواحد وما قصرتي على النصيحه
لكن المعهد يقول لازم فيزا جديده انا بشوف لي احد يتفاهم مع المعهد هناك مباشره يفهمهم وضعي بالظبط احتمال انهم
ما فهمو زين وشكرا لك مرة اخرى وانا ما كتبت موضوع عشان اسوي الي براسي لكن قدري موقفي
انا معي زوجتي وطفلين وامر بضروف متعبه وما استغني من منتدنا الغالي وشكرا لجميع من عطاني نصيحه