وش ذا الموقع اللي محد يرد عليك !!!!!!!!!!!!!!!!!!!!
يعني الموقع ليش حاطينه !؟
مو علشان اللي عنده نقص في المعلومات تفيدونهم !؟
جد يعني اسال مين يستقبلني في المطار وانا جاي على حسابي محد يرد !!!!!!
يعني كلكم ما رايحين على حساب الحكومة !؟
غريبه جدآ الصراحة
رد: وش ذا الموقع اللي محد يرد عليك !!!!!!!!!!!!!!!!!!!!
قبل كل شي تعوذ من الشيطان .... وترانا محنا موظفين في المنتدى نجاوب على الي يسأل على طول....وفي آخر الشهر نستلم راتب
بجاوبك على حسب المعلومات الي عندي بس لازم تتأكد منها وانشاء الله بيجي واحد من الاعظاء يا يأكد المعلومة او يصححها
على ما اعتقد انه لازم ترسل ايميل الى الملحقية بموعد وصولك و هي بترسل شخص يستقبلك هناك
بالتوفيق
رد: وش ذا الموقع اللي محد يرد عليك !!!!!!!!!!!!!!!!!!!!
ليه زعلان يابوحميد يعني تتوقع الناس كلهم ماعندهم شغل الا هالمنتدى ؟
ولايهمك اللي بيستقبلونك كثير لو تبيني انا اروح قبلك عشان استقبلك ولايهمك
بس انت قول لي رايح لأي ولايه وإيش أسم المدنيه اللي بتروح لها ؟ أكثر الشباب اللي انا أعرفهم في الولايات الغربيه في أمريكا
رد: وش ذا الموقع اللي محد يرد عليك !!!!!!!!!!!!!!!!!!!!
شككني رد العضو اللي رد بعدك
اذا انت رايح تتلعم لغه فقط ماعليك من الملحقيه واللي فيها زي ماقلت لك أعرف شباب كثيرين ويتمنون يساعدون أخوانهم القادمين الى أمريكا (مو عشانك عشان فيك من ريحة السعوديه وحررها هههههههه)
اما اذا أنت ناوي تلتحق بالبعثه لاااااااااااا إنتبه أول شي تسويه انك تفتح موقع الملحقيه الثقافيه بأمريكا وبتحصل خانه ناسي اسمها بالضبط بس هي تدور حول إستقبال الطلاب الجدد وتعطيهم معلومات وصولك أو تسوي للتذكره سكانر (ماسح ضوئي ) وتحفظها على شكل صوره وتحملها (ناسي بالضبط ايش طريقة المعلومه اللي هم يبونها عن وصولك ) وبعدها تحجز على مدينة واشنطن (واشنطن سيتي ) وبعد ماتتعدى الجمارك والتفتيش والنخل راح تحصل أمآمك لوحه كبيره مكتوب عليها الملحقيه الثقافيه السعوديه (وعندها موظف ومن هنا سنع عمرك ماباقي الا أصير محرم لك هههههههههههههه أمزح ياغلآي بس أبيك ماتشيل هم وتعتمد على نفسك وترا الأمور إنشاءالله أبسط مما انت متصور صعوبته ) وبعد ماتنتهي من فتح ملف لك بالملحقيه لازم ترجع تدخل على حسابك مره ثانيه وتطلب إنظمام طالب دارس على حسابه الخاص الى البعثه لا تنسى لا تفتح ملف وتمشي لازم ترجع وتفعل حسابك بالنت (هذي المعلومات كلها موجوده في أحد المواضيع ومشكور وماقصر اللي كتبها والله الله يجزاه كل خير ويوفقه ونشوفه سفير بعد ماينتهي من دراسته )
بعد ما تنتهي من لخبطة واشنطن نصيحه لك إنتقل للولايه اللي انت تبيها على الباص لاتروح بالطياره عشان تتمشى بنفس الوقت وتشوف المناظر الطبيعيه (يعني انت رايح تدرس ولازم تستغل على طريقك اي فرصه للتنفيس والتنفيه عن نفسك ) مو تهمل الدراسه عشان تتمشى
فيه إجازات بتطفش من التمشيه فيها
الله يوفقك وارجع للموضوع اعتقد اسمه دليل كل مايهم المبتعث من الألف الى الياء او كل مايهم المبتعث الى امريكيا
رد: وش ذا الموقع اللي محد يرد عليك !!!!!!!!!!!!!!!!!!!!
نآسف يا شباب على العصبيه بس تعرفون الواحد يتوتر بعض الايام
وانا رايح لغة وجامعة وبالتحديد جامعة ( west virginia university )
وشكرآ عزيزي وما قصرت وآسف مره ثاني ^_^
رد: وش ذا الموقع اللي محد يرد عليك !!!!!!!!!!!!!!!!!!!!
اولا،، نحن ليس خدم لديك ياسيد ،، ولا أعتقد ان هناك غباء أو مشكله عندما نتجاهل موضوعك ،، لأن هناك آلاف المواضيع تسأل نفس سؤالك ،، وهناك موضوع لي انا مثبت وموجود المعلومات التي تريدها ،، لكن أنت لاتريد ان تكلف يديك الكريمتين الطاهرتين أن تبحث عن معلومه وتجدها خلال نصف دقيقه وتريد ان تسلك طريق ملتوي كما المثل القائل ( من وين إذنك ياجحا ..قال من هـــــــــنا) واصبح يلف يده من ورا رأسه!
رد: وش ذا الموقع اللي محد يرد عليك !!!!!!!!!!!!!!!!!!!!
Plato ومن قال انكم خدم عندي !؟
وما المصيبه في طرح سؤال مكرر !؟
ولو قرات كلامي الاخير لوجدتني اعتذر ليس مره بل مرتان
ولكن مع الاسف فيه ناس مثلك تنتظر الزلة علشان تفتعل مشكلة من لا شئ
الله يهديك لنفسك بس
رد: وش ذا الموقع اللي محد يرد عليك !!!!!!!!!!!!!!!!!!!!
الله يسهلك ياخوي و الشباب ترا مايقصرون
رد: وش ذا الموقع اللي محد يرد عليك !!!!!!!!!!!!!!!!!!!!
الاخ متوتر يااخوان شوي شوي عليه....قبل السفر النفسيه تتعب....مافيها شي لو نراعي بعضنا ...
رد: وش ذا الموقع اللي محد يرد عليك !!!!!!!!!!!!!!!!!!!!
The Right Way , ساكن قلبك , FAHAD ALOTAIBI , القلب الصادق1406
شكرآ لصدركم الرحب , وفعلآ نبرة كلامي كانت خاطئه
وانا آسف للمرة الثالثه , وارجو قبول الاسف