بنت البلد كلامك عين العقل
ألف شكر على الاضافه الحلوه
:110:
عرض للطباعة
هلا بك يا حلى المنتدى مره ثانيه :D
كلامك حلو ا يالينا بس ليش مانخلي الامريكان يتفرجون علينا با كفاحنا في الحياه با جتهادنا في دراستنا وستغلالنا با الوقت ....الوقت أهم شئ عند الامريكان الوفت :)
وشئ الثاني حنا شعب محسود ....أما صراحه محسود محسود :confused:
محسود على ايش ياحظي على الاختراعات الي كل يوم طالعه با اسامينا ولا على جوائز نوبل الي كل سنه من 6 -7 اشخاص ماخذينها :o
أقول لا نلعب على أنفسنا بس ونقول حنا شعب محسود والله أظن الامريكان جالسين يضحكون علينا :(
حلى المنتدى كلامك عسل زيك
تسلم يا أحلى LATF على المشاركة
وأتمنى الإخوان والأخوات اللي عندهم نصيحة أو إفادة أو معلومة إنهم ما يبخلوا علينا
لأني بحاجة إلى أي كلمة تساعدني في اتخاذ القرار الصحيح والمناسب
أعانني الله وإياكم على كل خير
وكان الله في عون العبد ما دام العبد في عون أخيه
keep your trust in god but keep your power dry
الله يعين , الحين بنكتب من جديد . مدري بصراحه كلامنا صاير يختفي خخخخخخخخ
بسم الله نبدأ
قلت في البدايه ياحبيبي لطيف انك تبي تعمل عشان لغتك تتحسن وتكون اصدقاء جدد وتكون شخص اجتماعي و و و و ......الخ ( ماشين حلوين ) ؟
طيب
شوف حبيبي في البدايه ممكن تطور لغتك بأي طريقه ثانيه . غير انك تعمل مثلاً كاشير او في اسواق . وبالتأكيد مافيه عمل يخليك تكون اجتماعي وتتحدث مع الناس غير عمل الكاشير والاسواق , يعني بأختصار المحلات او الأماكن اللي يتواجدون فيها الناس . وانت مستواك أعلى من هالوظيفه . والشخص اللي مو اجتماعي من الاساس يالطيف طول عمره ماراح يكون اجتماعي حتى لو حاول يختلط
والاصدقاء الجدد اللي تتعرف عليهم ممكن انك تتعرف وتكون صداقات بدون هالمشوار هذا كله . يعني الشخص المتميز في علاقاته راح يضل متميز , في اختياره في اسلوبه السلس مع زملائه في بشاشته وابتسامته . صدقني راح يختلط معهم بكل سهوله
نتنقل الى المرحله الثانيه
الفايده من العمل ماراح تفيدك وظيفه الكاشير ياحبيبي . ليش !! انا اقولك ليش
لان انت تخصصك محاسبه بكالريوس وارجع اقول ماراح تفيدك شغله الكاشير ولا في كافيتريا الجامعه , ولا محرر مدري وين بالمكتبه .. انا اقول ان الشغل ماهو عيب زي اللي تفضلوا قبلي . لكن انا اتحداهم تحدي يشتغلون هالشغله هذي رغم انهم يمدحونها :)
وبعدين حنا في العرب او الخليجين والسعوديين بشكل خاصه . راح تواجهه تجريح وانتقادات بشعه على مثلاً شغل الكافيتيريا يقولون لك مثلاً انت فضحتنا انت وانت .. ياخي شف لك حل في وضعك .. واللي يقولك حنا دوله غنيه تجي تفشلنا هنا , وكلام ماله اول ولا ثاني
يعني راح تواجهه مشاكل في الامور هذي . عارف بتقول ابطنش . لكن خلصنا من الشباب . نروح للبنات ونفس الشاكله ويمكن ادهى
تجيك وحده ( من بعض الناس ) مسويه لي فيها بنت بيل جيتس . تطالعك مثلاً باحتقار وكأنك ذابح ابوها رغم انها تشجع وتقول مافيه عيب . بس راح تحس نفسك تمصخرت من النضرات اللي توجهه لك . ودك تجيها وتعلقها من شعرها في اقرب سقف
انا اتكلم بالمنطق والواقع يابو لطف . وهذا هم اللي عايشينه الناس اللي مثلك ومثلي ومثل اي واحد مكافح . انا صحيح مابي اشتغل بس عادي ابكافح ولو ابشتغل ابشتغل بشكل تطوعي عشان اكسب ثقتهم فيني . يمكن يجي يوم من الايام ويعلقون اسمي على باب الكليه :D ويذكروني بخير
اتمنى انها وصلت وجهه نضري
اقتباس:
انت ايش دخلك فيما يريد ان يعمل ؟؟؟ :D
اقتباس:
توكل و اعقل .. تدل طريق الأستراحه لو ضيعته :D
بس اطلع من باب الخلفي و لف يمين و انزل تحت شوي و خذ يسار و بعدها خذ يوتيرن وتلاقيه على رجلك اليمين
أهلين نبض نكد .. والله اني ميت من الضحك على هالمسميات اللي تسميني فيها .. مادري انتي من وين طلعتي لي
بس انتي شغلك معي بعدين . الحين خليني اخلص من ابو لطف وبعدين ارجع لك
نسيت اقول شئ مهم (( انا يوم اسئل لطيف عن الشغل اللي يبي يشتغله . كنت ابي اعرف وين الباب اللي ادخل معه عشان اعرف هدفي في الحوار . بس للأسف لقيت اجابه دبلوماسيه بحته . اشك ان لطيف يدرس علوم سياسيه مو محاسبه :rolleyes: ))
افكاري مو معقده واللي بيتابعني زين بيعرف وين هدفي من كلامي , بس للأسف تعبت من التفكير السطحي اللي اشوفه دايم ;)
عفواً أستاذ اعقلها
رأيك غير واقعي ولا ينطبق على الواقع الذ نعيشة,,
اقتباس:
اقتباس:
شوف حبيبي في البدايه ممكن تطور لغتك بأي طريقه ثانيه . غير انك تعمل مثلاً كاشير او في اسواق . وبالتأكيد مافيه عمل يخليك تكون اجتماعي وتتحدث مع الناس غير عمل الكاشير والاسواق , يعني بأختصار المحلات او الأماكن اللي يتواجدون فيها الناس . وانت مستواك أعلى من هالوظيفه . والشخص اللي مو اجتماعي من الاساس يالطيف طول عمره ماراح يكون اجتماعي حتى لو حاول يختلط
مين قال الكاشير راح يتكلم مع الناس؟
الكاشير همة يحاسب وسلام هذا لو احد قال له سلام
المشكلة انت حاط الكاشير في دماغك على انه العمل الوحيد والمثالي للطيف
واو اي طالب سعودي!
مع ان نحن بنلقى وظايف محترمة ومختلفة وذكرت امثلة عليها سابقاً
للأسف مو ممكن نشتغل في الكونجرس لكن معليش سماح المرة دي للأمريكان ;)
وحكاية الشخضية الإجتماعية ممكن الإنسان ماراح تغير بسهولة لكن المم انه يستفيد وينمي هالقدرة اللي عنده
يقدر الطالب يشتغل في تنظيم الأنشطة الطلابية مثلاً.
اقتباس:
الفايده من العمل ماراح تفيدك وظيفه الكاشير ياحبيبي . ليش !! انا اقولك ليش
لان انت تخصصك محاسبه بكالريوس وارجع اقول ماراح تفيدك شغله الكاشير ولا في كافيتريا الجامعه , ولا محرر مدري وين بالمكتبه .. انا اقول ان الشغل ماهو عيب زي اللي تفضلوا قبلي . لكن انا اتحداهم تحدي يشتغلون هالشغله هذي رغم انهم يمدحونها :)
شوف
الشغل من أسبابة زيادة الدخل
ولو اضطرينا نشتغل في المحاسبة ولا نعمل ساندوتشات والله احسن من اننا ننجر على السجن
لا تنسى نحن عايشين على راتب الملحقية
يعني فلوس على كف عفريت تتأخر ولا تكفي للحياة الكريمة اللي نحن مثل مابتقول متعودين عليها
طبعاً ماراح انتظر اهلي يرسلو لي كل شهر مبالغ
الحمد لله علموني وربوني والشغل متاح الباقي عليا :)
اقتباس:
اقتباس:
وبعدين حنا في العرب او الخليجين والسعوديين بشكل خاصه . راح تواجهه تجريح وانتقادات بشعه على مثلاً شغل الكافيتيريا يقولون لك مثلاً انت فضحتنا انت وانت .. ياخي شف لك حل في وضعك .. واللي يقولك حنا دوله غنيه تجي تفشلنا هنا , وكلام ماله اول ولا ثاني
يعني راح تواجهه مشاكل في الامور هذي . عارف بتقول ابطنش . لكن خلصنا من الشباب . نروح للبنات ونفس الشاكله ويمكن ادهى
هذا الكلام اللي من جد من جد غلط
مستحيل احد يناظر لك باحتقار لأنك تشتغل
بالعكس تكبر في نظر الناس المحترمين لو اشتغلت
ترى طالبات وبنات ناس وناس كبار معانا جامعتي اهلية ومايدخلا الا اللي معاة فلوس
ويشتغلو في المطعم ينظفو ويرتبو
وحكاية وجود عنصرية ترى بكل مكان لو احد بدة يأذيك بيجيك وانت قاعد في حالك تاكل
مهو عذر اني اقعد ببيتي واستخبيى تحت المخدة لأنه في احتمال يكون في شخص عنصري معدي من الشارع!
اختصار كل الكلام اللي قلتة راح اقول لك كلمتين:
الإسلام يدعو الى العمل
سلام
حبيبي اعقلها وتو كل كيفك حبيبي عساك بخير
شوف ياقلبي انا بعدي ماحددت العمل الي بشتغله بإذن لله تعالى سواء كاشير أو غيره ولكن ثق ثقه تامه مراح أشتغل أي شغله الى أنا مقتنع فيها 100% حلوا أكيد بتقول حلوا ياحلوا :D
الشئ الثاني الي من جد يحز با الخاطر كلام كثير من الناس الي يقولك حنا سعودين ...طيب سعودين خير يا طير لا يكون حنا شعب الله المختار وأنا مدري ...معليش اعقلها خلنا نتكلم بصراحه
حنا كاسعودين وش قدمنا لليدينا أو دنيانا مع الاسف الشديد الاجابه مخجله ولا شئ
الشئ الثالث الي يقولك حنا دوله غنيه حلو صح حنا دوله غنيه الفضل يرجع أولاً لله ثم للبترول
صح يا حبي
النقطه الاخيره أنا حالي حال كثيرمن الناس با نسبه للكلام الناس ماحب أي احد يتكلم علي أويستهزء فيني با النسبه للشغل بس السؤال هنا الى متى وحنا نطاوع كلام الناس
تحياتي القلبيه لك يا عقلقل
:93:
لان هذا الواقع يامديرتنا الموقره , شخص مغترب للدراسه !!اقتباس:
مين قال الكاشير راح يتكلم مع الناس؟
الكاشير همة يحاسب وسلام هذا لو احد قال له سلام
المشكلة انت حاط الكاشير في دماغك على انه العمل الوحيد والمثالي للطيف
واو اي طالب سعودي!
تبينه يشتغل مدير العلاقات العامه في شركه بوينغ ؟
أكيد راح يشتغل كاشير , او عامل نظافه في مطعم او سوق تجاري
وهذا الواقع و لازم نؤمن فيه , وبعدين الكاشير يعني ماراح يكون لمحله زباين ؟؟
ماراح يكون له زملاء بنفس شغله ؟؟
اتمنى تصحيح بعض المعلومات :D
والله البني آدم طماع وماراح يكفيه شئ , انا في أعتقادي ان المكآفاه كافيه جداً خاصه في أغلب الولايات المتحده وفي الدول الاوربيه واستراليا ونيوزلندا , لكن ابن آدم طماع مايكفيه شئ ولا اي شئ يملي عينهاقتباس:
شوف
الشغل من أسبابة زيادة الدخل
ولو اضطرينا نشتغل في المحاسبة ولا نعمل ساندوتشات والله احسن من اننا ننجر على السجن
لا تنسى نحن عايشين على راتب الملحقية
يعني فلوس على كف عفريت تتأخر ولا تكفي للحياة الكريمة اللي نحن مثل مابتقول متعودين عليها
طبعاً ماراح انتظر اهلي يرسلو لي كل شهر مبالغ
الحمد لله علموني وربوني والشغل متاح الباقي عليا :)
حتى لو رفعوا المكآفاه صدقيني راح يطالبون في اكثر واكثر , ولا بعد راح نشوفهم يشتغلون وعذرهم الوحيد المصاريف او تعلم اللغه على حد مفهومهم
يعني انتي شايفه ان زميلاتك الطالبات اللي يشتغلون في المطعم وينظفون ويرتبون الصحون شايفه ان عملهم هذا صح ؟؟اقتباس:
هذا الكلام اللي من جد من جد غلط
مستحيل احد يناظر لك باحتقار لأنك تشتغل
بالعكس تكبر في نظر الناس المحترمين لو اشتغلت
ترى طالبات وبنات ناس وناس كبار معانا جامعتي اهلية ومايدخلا الا اللي معاة فلوس
ويشتغلو في المطعم ينظفو ويرتبو
وحكاية وجود عنصرية ترى بكل مكان لو احد بدة يأذيك بيجيك وانت قاعد في حالك تاكل
مهو عذر اني اقعد ببيتي واستخبيى تحت المخدة لأنه في احتمال يكون في شخص عنصري معدي من الشارع!
اختصار كل الكلام اللي قلتة راح اقول لك كلمتين:
الإسلام يدعو الى العمل
تتوقعين يامسافره انهم فعلاً قاعدين يعملون حاجه صح ؟
اتمنى تراجعين نفسك واجلسي بينك وبين نفسك وقولي لو علمت مثلهم راح يكون صح او لأ
وانا راح انتظر اجابتك :)
وبيني وبينك ( انا اشوف كأنهم شغالات مع احترامي للجميع , وترجع الأمور هذي الى العامل النفسي , وماراح استغرب لان شخص والله نفسه عزيزه وشخص نفسه متواضعه اذا صح التعبير )
وترا حنا لازلنا بخير يامديرتنا العزيزه , لازلنا بخير , واهالينا راح يتكفلون فينا اذا المكآفاه ماتكفي , ترا مو ميتين جوع
يعني كلها 1000 دولار لو احتجت شئ مع اني متأكد اني ماراح احتاج بس صدقيني هم اللي راح يرسلون على الحساب من غير مانقولهم , لانهم حاسين بوضعنا
ولازلت اقول ترا حنا بخير
واذا كلامي غلط , احتمال يكون غلط واحتمال يكون صح وابن آدم خطاء وخير الخطاؤون التاوبون
الله يسلمكاقتباس:
سلام