فيه سالفه شاغلتني هل مريتووو فيها >>>للمتزوجين بالذات>>وحتى لو مومتزوج ياليت تفيدنا

السلام عليكم ورحمة الله وبركاته

انا هذا الموضوع بجد مشغلني مررره وتعبت من التفكير فيه قلت مالي الا منتدى مبتعث اكتب فيه سالفتي

انا قدمت على المرحلة السابعه وان شاء الله انقبل ياارب وزوجي مرافق معي
طبعا ماشاء الله زوجي في الانجليزي افضل مني بكثيييير واذا دخلنا معهد انا اكيد في المستوى الاول وهو بيكون اعلى مني
يعني انا احتمال اخلص اللغه في سنه او اكثر وهو الظاهر بيخلصها قبل سنه
وراح يتخرج قبلي وانا قاعده باقي لسى ماخلصت و الجامعه راح تكون في ولايه ثانيه
وانا مابغا زوجي يتركني هو في ولايه وانا في ولايه بصراحه اخاااف
وانا متاكده ماراح يلقى قبول في الجامعه اللي في نفس المدينه او حتى قريبه من المدينه اللي فيها معهدنا لان معدل زوجي منخفض 3.16 من 5
هل يقدر زوجي يستناني ليييين ماخلص لغه وبعدها ندخل في الجامعه مع بعض والا صعب ؟؟
وهل انتو مريتووو بنفس الساااالفه ؟؟؟

وش السوووواة :(

الله يوفق ويسعد اللي يرد علي ويلقالي حل ويريحني اميييين

اذا زوجك طالع على حسابه الخاص اكييييييييييييد يقدر يستناكي حتى لو على البعثه لانو مرافق...

ربي يسعدك ياخوي
انا زوجي مرافق معي
حتى لو فيزته f1 ؟ يستنى عااادي؟

عليكم السلام ورحمه الله وبركاته ...

أختي الكريمة ...

لديك خياران ...

يمكن تتفقان عليها ...

الأول ...

أن يطلب زوجك من المعهد ...

أن يدرس في نفس المستوى ...

الذي ستدرسين فيه ...

ولا تستعجلي هذه الخطوة ...

فلربما تكونا في نفس المستوى ...

وأن حصل وأصبح في مستوى أعلى ...

فيمكن أن يطلب من المعهد ...

أن يبقى في نفس مستواك ...

ولا أعتقد أن المعهد يمانع ...

والحل الأخر ...

هو أن يدرس كلاكما ...

كل في مستواه ...

واذا انتهى زوجك قبلك ...

ينتظر تقديم الجامعات ...

للفصل الذي تتوقعا ...

أن تبدأ فيه دراستكما الجامعية ...

أي لا يتعجل الدراسة ...

حتى تنتهي من دراستك للغة ...

ونصيحة مني ...

أبحثا عن الجامعات ...

التي فيها كلا تتخصصكما ...

ومعترف بهم من الملحقية ...

قبل قدومك إلى هنا ...

حتى لا تدخلا في دهاليز ...

أنظمة الملحقية ...

والتي لا تجيز دراسة المرافق ...

في غير جامعة أو مدينة المبتعث ...

أو لا تبعد أكثر من 50 ميل ...

لست متأكدأ من المسافة ...

واسأل الله لكم التوفيق ...

خالص التحية ...

أخوكم ..

بـــن نيـــاز

كفــــيت ووفيـــت يابن نياز
جزاك الله خير الجزاء

وشكرا لك على ردك الوافي

عادي اذا هو خلص اللغة يدرس ترم إضافي لين تخلصين يعني يعيد لفل ولا ينزل لفلبتروحين المعاهد ان شالله وتشوفين ان الوضع طبيعي

بما أن مستوى زوجك أعلى منك بكثير ، فنصيحة لا يأخذ F1 من البداية ، وينتظر حتى يحصل على قبول نهائي من نفسك جامعتك وبعدها يحول الفيزا

ربنا يوفقكم

جزاكم الله خير

ومشكورين على ردوووودكم الحلوة

نورتوني

من واقع تجربة
جيت مع زوجي بفيزا اف 2 وانا اعرف انجليزي بس هو احسن مني وبمراحل
لمن جينا للمعهد حطوني بالمستوي الثالث هو بالثاني جتني صدمة ماتوقعتها
فالافضل خليه يجي معاك وبعد تحديد المستوى لو كان اعلى منك وقرب يخلص وانتي لسى يقدر يعيد كم ليفل الين تتخرجي
هونيها وتهون ولايضيق صددرك لاكن نصيحة اخت خليه يجي معاه فيزة اف 1 لان زوجي غيرها قعد اربع شهور موقفينه الين وصلت الفيزا اف1 الا اذا معاكم اطفال بسن المدرسة يختلف الوضع

الله يكتبلكم الخير

جزاك الله خير اختي الفلوجه
ماقصرتي كفيتي ووفيتي :)