وين فندق الملحقية وهل لازم أحجز لأن معي عائلة وما ودي أتمرمط بين الفنادق

أنا جاي بإذن الله واشنطن كمبتعث جديد يوم 27 نوفمبر ولمدة يومين قبل ما أروح لجامعتي في كالفورنيا ومعي زوجتي وابنائي الثلاثة وودي أسأل عن فندق الملحقية لأني قريت انه شيراتون ومرة واحد يقول دبل تري.. المهم اني ودي أحجز قبل ما أجي عشان ما أتمرمط بين الفنادق..

ما أدري وش الطريقة المثلي للي مثل وضعي؟؟ ياليت تنوروني

والله يوفقكم جميعاً

نفس الحالة تقريبا وصولي قبلك بيوم ومعي طفل

بعد اذن صاحب الموضوع اتمنى تفيدونا عن سعر الفندق وماهي الفنادق المتعاقدة معها الملحقية وهل ممكن اختار فندق اخر وكم مسافة الملحقية عن هذة الفنادق

واذا في اماكن تستاهل نزورها بالمدينة يعني لو في برنامج ليوم

لمن توصل المطار غالبا حيكون في سواق تبع الملحقيه مصري حيكون ماسك لوحه او ورقه تركبو معاه وعلى الشيراتون والملحقيه متعاقده مع الفندق تعطيكم خصم على الفندث...

هذا الي اقدر افيدك بيه...^^

حبيب ألبي .. أول ما تخلص إجراءاتك وتأخذ شنطك وتخرج راح تحصل واحد مصري اسمه محمد خلف الله وهذا رقمه 2027290341 وهو إنسان ممتاز جدا ومتعاون إلى أبعد حد .. راح يقولك عن كل شيء تحتاجه ويعطيك الأوراق اللي لازم تعبيها ويخرجك للباص اللي في خارج المطار تبع الفندق المتعاقد مع الملحقية وعلى حسب علمي هناك أكثر من فندق الملحقية متعاقدة معه لكن أنا أنصحك بفندق Double Tree نظيف وفخم جدا جدا جدا وسعر الليلة للغرفة اللي فيها سرير أو سريرين زي بعضه والسعر هو 93.5 دولار .. والفندق الثاني اللي اعرفه اسمه كمفرت إن Comfert Inn وهذا أظنه بـ 75 دولار لكني ما رحت له .. ولا تحجز عن طريق النت ولا شيء لأنه لو حجزت عن طريق النت بيعتبرك أي شخص ثاني مش سعودي ولا لك علاقة بالملحقية والسعر بيكون عليك أعلى لكن لمن توصل قول للمصري أنا ابغى فندق دبل تري وهو يوديك للباص حق الفندق والباص يوديك الفندق مجانا ويرجعك للمطار مجانا ويوديك للسوق القريب من الفندق مجانا وحقون الملحقية هم يجون للفندق ويأخذون منك الأوراق وكل شيء . وهذا المصري محمد خلف الله تراه يشوف السعوديين بالعرق ويتلقطهم تلقيط أو تلاقي الناس السعوديين مجتمعين عليه .. لأنه يكون في استقبال أي طيارة سعودية جاية لواشنطن كل يوم .
يومين مناسبة جدا لبقاءكم في واشنطن ولا تكثرون عليها ..
الله يوفقكم ويكتبلكم الخير .. وإن كان في أي استفسار ثاني أنا تحت أمرك .. راسلني على الخاص عشان تجيني الرسالة على الإيميل وأقدر أرد عليك لأنه ما أقدر اتابع كل المواضيع اللي أرد عليها ..

انا حصلت فندق Sheraton Herndon Dulles Airport Hotel

بسعر 260 ريال هل هذا هو نفس الفندق اللي متعاقدة معه الملحقية

الامر الثاني هل تؤيدون المرور على واشنطن وماهي الفائدة من الذهاب الا الملحقية خصوصا للمبتعث من الوزارة

نهايئا لا تفكر تحجز ، غيرك حجز و تورط، لانه اذا حجزت مثلا في كمفورت ان ن ، و الفندق امتلاء ، ما راح يودوك عليه.

لكن خليك مع الموظف هو يظبطك يا عزيزي

يا اخواني الله يجزاكم خييير ترا النظااام تغييير ومافي شئ اسمه ملحقيه ومرمطه يومين في واشنطن

الحين تفتح ملف اونلاين .. بتقولي بروح واشنطن اضمن بقولك حتى هم مارح يفتحولك

حطو ٦ اجهزه جديده وكم طابعه وقالو افتحو اونلاين .. مايحتاج خسساره فندق وتكاسي على غير سنع

بالعكس الروحه للملحقيه بنفسك

بواشنطن مهمه جدا واحد مرافق

له شهر ولاوصل له ضمان مالي

وفتح الحساب افضل بواشنطن

عشان تخلص امورك بأسرع وقت

والله حيرتونا مادري هل الافضل نمر الملحقية ونريح راسنا او مالها داعي

وبالنسبة لاخوي زياد لو كان الفندق فل وانا حاجز فيه وش المشكلة الفندق يتكفل بتوصيلك من والى المطار يعني اشوف موظف الملحقية ماله ذيك الاهمية بامكانك من ثاني يوم تمر الملحقية بنفسك

اذا تبي تجلس في فرجينيا من شان تراجع الملحقية انا انصحك لا تجيهم ولا حاجه لأن ما فيه اي فايده من مراجعتك لهم لأن فتح الملف صار عن طريق موقع الملحقيه لذلك لا تخسر نفسك اذا تقدر تمشي لولايتك في نفس اليوم يكون احسن واذا كان تبي فندق ترى فيه فندق الماريوت قريب من الملحقية بينك وبينه عشر دقايق بالسيارة وسعره بثمانين دولار في الليلة ،، واذا تبي جنب المطار فيه فندق الشيراتون وهو الي يسكن فيه الطلاب الي ياخذهم سواق الملحقية وسعره تقريباً 90 دولار .