فزعتكم عسى الله لايريكم ضيقه ويفرج عليكم دنيا واخره

ياشباب السلام عليكم موضوعي بأختصار هو انني في لفل 12 في معهد اي ال اس بولاية منيسوتا سانت باول بس للأسف اختبرت 3مرات ولم اجتاز الاختبار علاماتي كلها حول ال70 والنجاح من 72 لذا انا متورط ماني عارف كيف اجتاز الاختبار مع العلم انهم مركزين على الفلوس فقط لاغير و جايبين الفوكاب من مسرحية شكسبير ووالله انها اختبارات تحدي مو اختبار معهد لدخول جامعه لذا ارجو من الله ثم منكم ارشادي لطريقة الخروج من هذه المشكله مع العلم يشهد الله اني ماني راعي خربطه ومجتهد ولكن لله الحكم من قبل ومن بعد لذا فزعتكم عسي الله يفرج عليكم فرجو عليه بعد الله , وللمعلوميه مهدد بالخروج من المعهد اذا لم اجتاز الاختبار القادم ووالله ماني عارف كيف الحل لهذه المشكله وجزاكم الله خير .

أخي العزيز هاذا معهد els يجيب الاحباط ويمص الجيب ، اخوي بما انك وصلت ليفل 12 فأنت تستتطيع دخول الجامعة بدون تجاوز ليفل 12 وبامكانك سؤال مسؤو ل الادميشن في الجامعة ، والحل الثاني اختبار الايلتس او التوفل

وصدقني باذن الله ستحقق الدرجة المطلوبة باذن الله

اخي المشتاق 66 فرحتني الله يفرح قلبك دنيا واخره يعني لازم امر على الادمشن في جامعة سان توماس بكره وشيك معاهم وعسى الله ييسر وعندي سؤال واحس اني كثرت عليكم للكن الاجواد عذارة . وهو الملحقيه ارسلت لي انذار بتوقف المكافائه فهل اذا تم قبولي بالجامعه ترسل لي الملحقيه الضمان المالي للجامعه ام لا لأني والله ما ادري عن هذه الامور لأني كنت ولازلت احاول اجتياز الاختبار بشتى الطرق وجزاكم الله خير.

أول شيء : الله يسهل أمرك ويشرح صدرك
ثانياً : ابن الكلب -أعزك الله- اللي يهدد في الملحقية بإيقاف الراتب ، على أي أساس؟؟ إذا أنت مجتهد ومواظب على الحضور وباقي لك وقت في البعثة ، فأتحداه يوقف الراتب . وإذا أوقفوا الراتب عليك بالمحاكم الأمريكية وأقسم بالله أن القضية في صالحك ١٠٠٪ وممكن تحصل على تعويض بملايين الدولارات . وارفع عليهم قضية في هيئة التحقيق والادعاء العام في السعودية تحت بند (إساءة استعمال السلطة) ، واعتبر القضية في جيبك .
ثالثاً - المعهد راح يستغل الضمان المالي حتى آخر لحظة ، والنجاح عندهم على حسب المزاج وليس على الاجتهاد ، فانتبه من الاحباط والزعل اللي راح تجيب نتائج عكسية عليك ، وترى صار معي زي وضعك وكانوا ينجحوا الصينيين ويرسبوني ، وكنت أقابلهم بابتسامة تجننهم .

الله يوفقك ويسهل أمرك ، والله ينتقم من موظفي ملحقية العيسى الخايسين

كل الشكر والتقدير وجزيل الاحترام لجميع الاخوان الذين ارشدوني لهذه الحلول واسأل الله ان يجزيهم عني كل خير ويكتب لهم التوفيق والنجاح في الدنيا والأخره وخصوصا الاخوان المشتاق 66.والاخ رصيف الشمس الذين كان لهم الفضل بعد الله في ازالت الهم والغم الذي لحق بي نتيجه تعامل المعهد .
ودمتم بود وجزاكم الله خير الجزاء

اخوي عندك جامعه في مانكيتو تقبل الى مستوى ٩ اذا حاب اي استفسار اعطيك ارقام الشباب الي بالجامعه

الله يوفقك

الله يسهل امورك ويوفقك