مساعدة انا طالب ورايح ادرس على حسابي واخااااف ....

باذن الله تعالى سوف يتم ضمك ..

شد حيلك بس .. وتوكل على الله

شكرا على الرد هذا طموحي ولكن ابغا اتاكد قبل ماراوح

انا رايح رايح بس ممكن احصل احد يساعدني بطريقه تضمني بسرعه

شكرا يـ(مياه نوفا) على الرد الرائع

ما في إلا بالواسطات

انت شد حيلك و إن شاء الله تتيسر

والله وانا اخوك انا لي شهر وما انضميت بس سمعنا اخبار تصر الخاطر سمعنا معا الميزانيه السنه الجديده في انضمام الطلاب الي على حسابهم الخاص وانت شدحيلك تعال وانشالله بنضم في البعثه وسال الي انت طرحته كل طلاب يجي في امريكا لازم يساله

اول ماتوصل جهز اوراقك وروح المعهد خذ لك ورقة مباشره
بعدها سجل في البوابه طالب دارس على حسابه الخاصه<<<على طووول
ومن ثم <<<حلوه ومن ثم سجل برضه في البوابه الحاق طالب على عضوية البعثه
وخل اوراقك كامله
وادع ربك وان شاء الله فيه اخبار مع السنه الجديده

على فكره فيه موضوعين في المنتدى طريقة التسجيل طالب دارس على حسابه وطريقة التسجيل الحاق طالب على عضوية البعثه<<<اذا لقيتها بأرسلها لك
وكل عام وانت بخير
اخوك الزهراني

أخوي قبل تجي تأكد من أوراقك انها كاملة وكل شي تطلبه الملحقية موجود
أنصحك تروح موقع الملحقية وتشوف بنفسك وش يطلبون وتتأكد ان المتاح الحين موجود
بعض الأشياء ما راح تقدر تحصلها إلا لما توصل أميركا
مثل ختم الدخول ونموذج I-94 والختم على I-20
أنا الحمد لله رب العالمين اللي وفقني سبحانه أول ما وصلت ما رحت الملحقية
من بكرا رحت من واشنطن إلى فيلادلفيا وأول شي سويته لما وصلت الشقة اشتريت طابعة فيها سكنر وبديت أضبط وضعي وأسوي سكان للأوراق
والحمد لله ما كمل معي أسبوع إلا وجاني ايميل من الملحقية انهم فتحوا لي ملف طالب
طبعا فتح ملف طالب لازم تعبي نموذج فتح ملف طالب أول شي إذا أنت جاي على حسابك الخاص
بعد كذا شف المطلوب عشان الانضمام لعضوية البعثة
كمل الأوراق وارفع طلب انضمام والله يوفقنا وإياك يارب
وغالبا الانضمام ياخذ شهرين إلى شهر ونص وفي حالات قليلة يطول أكثر
لكن أ÷م شي تتأكد من أوراقك انها مضبوطة وكاملة
ولازم كل يوم تشيك على موقع الملحقية بعد رفع الطلب عن طريق الموقع عشان تشوف يمكن فيه ملاحظات لازم تسويها
والله يوفقنا لما يحب ويرضى سبحانه وتعالى

ماعاد في الحاق للاسف الا بعد اللغه لي اربع شهور ومالحقوني وكل اوراقي كامله

لي اربع شهور وماضموني والانباء تشير الا انهم ماعاد يضمون احد الا بعد مايخلص اللغه للاسف